باسپانانى بانك باسشىلىعى «باسىپ» قالا بەرە مە؟

جاقىندا ءباسپاسوز بەتتەرىندە «تۇرعىنۇيقۇرىلىس جيناق بانكى» باسقارما توراعاسى ورىنباسارىنىڭ وتباسى بىردەن جەڭىلدىكپەن ءۇش پاتەر ساتىپ العانى تۋرالى جازىلدى. بىراق بانكتىڭ وزىندە دە, «بايتەرەك» حولدينگىندە دە بۇل جايتتى بۇزۋشىلىق دەپ سانامايدى ەكەن. ەستەرىڭىزگە سالا كەتەيىك, «اق جول» فراكتسياسى 2013 جى­لى ەكى رەت (13 اقپاندا جانە 19 ماۋسىمدا) اتالعان مەم­لە­كەتتىك بانكتىڭ سول كەزدەگى باس­­شىلىعىنىڭ ۇقساس ءىس-ارە­كەتتەرى تۋرالى ساۋالدار جا­ريا­لا­عان بولاتىن. ال بۇل بانكتىڭ مۇقتاج ازا­ماتتارعا تۇر­عىن ءۇي الۋعا كومەك كور­سە­تۋ ماق­ساتىندا قۇرىلعانى بەلگىلى. سول كەزدە وسى ەكى ساۋالعا ءوز­دەرىنە جانە ءوز تۋىستارىنا جەڭىلدىكپەن ەلي­تا­لىق پاتەرلەردى ساتىپ العان بانك باس­شى­لىعىنىڭ ءىس-ارەكەتى «ءاب­دەن زاڭدى» دەگەن جاۋاپ بە­رىلگەن ەدى. بۇل ورەسكەل ىسكە سول جىلدىڭ 11 قازانىندا ەل­باسىنىڭ ءوزى ارالا­سىپ, بانك باسشىلىعىن اۋىس­تى­رۋدى تالاپ ەتتى. ال مۇنداي ورە­سكەل وقيعا ولار, سونداي-اق ولاردىڭ تۋىستارى ساتىپ العان پاتەرلەردى مەم­لە­­­كەتكە قايتارىپ بەرۋ تالاپ ەتىلگەنگە دەيىن جالعاسىپ جات­­تى. الدىندا ايتىلعان بار­­لىق «زاڭدى» دەگەن ءسوز­دەر­­گە قاراماستان, ىستەر سوت ءتار­­تىبىندە قارالعان كەزدە كول­دەنەڭ تارتىلعان پايىم­دار تولىق راستالدى, ال «تۇر­عىن ءۇي قۇرىلىس جيناق بانكىنىڭ» قى­ز­­مەتى ءوزىنىڭ باستاپقى ماق­سا­تى­نا – قاراپايىم ازا­ماتتارعا كو­مەك كورسەتۋ ماق­سا­تىنا قايتا ورالدى. دەگەنمەن, بايقاپ وتىر­عا­نى­مىز­داي, بۇل ءوز­گە­رىس­تەر بار­شاعا ءبىر­دەي قا­تىس­تى بو­ل­ما­عانعا ۇقس­اي­­دى. ءسوي­تىپ, بانك ءتو­را­عا­سى ور­ىن­­­­­با­­سارىنىڭ وتبا­سى, سول كەز­­­­دە تۋىن­داعان جان­­­جالعا ءجا­­­­نە ەلباسىنىڭ مۇن­­­داي ءجۇ­­­­گەن­سىزدىكتى توقتاتۋ تۋ­­را­­­­لى تاپ­­­­­سىرماسىنا قا­را­­ماس­­­تان, 3 پاتەرگە قول جەت­­­كى­زۋ ءۇشىن جە­ڭىل­دىكپەن مي­ل­­­ليون­­دا­عان تەڭ­­­گە نەسيە الىپ­­تى. سا­لىس­­تى­رۋ ءۇش­ىن: سول كە­­­زەڭ­دە يپو­تە­كا بويىن­شا كوم­مەر­تسيا­لىق بانك­­تەر­­دىڭ ءمول­­شەر­لە­­مەلەرى 20%-­عا دەيىن جەت­­سە, «تۇر­­عىن­ ءۇي قۇرىلىس ­جي­­ناق ­بانكى» ءتو­را­عا­سى ورىن­با­­­سا­رىنىڭ وتبا­سى­نا نەسيە نە­با­رى 4 %-بەن بەرىلىپتى. قاراپايىم قا­­­­زاق­­ستان­دىق­تار جالعىز باس­پا­­ناسىنان ايى­رى­لىپ قالماس ءۇشىن جانتالا­سىپ جاتادى. ءسوي­تىپ, ولار اي سايىن بىرنەشە ءجۇز مىڭ تەڭ­گە كولەمىندە تولەم ءتو­لەيدى ءجا­نە ولارعا بانكتەر تەڭ­گەنىڭ ەس­كى با­عامى بويىنشا قايتا قار­جى­ل­اندىرۋدان باس تارتادى. ال مەملەكەتتىك تۇر­عىن ءۇي بانكى باسشىسىنىڭ تۋىس­تارى استانانىڭ قاق ورتا­سىندا ور­نا­لاسقان كەرەمەت ءپا­تەرلەر ءۇشىن, كىم-كىمنىڭ دە سەن­بەيتىنى انىق, ايىنا نەبارى 20 م­ىڭ تەڭگە تولەيدى ەكەن. مۇنداي جاعداي قانشا جەر­دەن زاڭدى بولعانىمەن, مۇ­نىڭ قو­عامعا قاتىستى بە­­ي­ا­دەپ ارەكەت جانە ءتىپتى, ادام­­­گەر­شى­لىككە جات قىلىق ەكە­­نى كۇ­مان­سىز. ءبىز­­دىڭ­شە, بۇل جەر­­­دە ماسەلە اق­­ش­ا­دا دا ەمەس, ەڭ باس­تىسى, قا­زاق­س­تان­دىق­­تار­­دىڭ ماڭىزدى مەم­لە­كەت­­تىك باع­­­دارلامالارعا دەگەن سە­نى­­مىن ساقتاپ قالۋ. ال وسىن­داي باعدارلامالارعا جاۋاپ­تى ادام­­­­داردىڭ زاڭسىز ارەكەتتەرى سال­­دا­­رىنان وعان دەگەن سەنىمدى جو­عالتىپ الۋ تۇك تە ەمەس. ەرلان بارلىباەۆ, ءماجىلىس دەپۋتاتى