ورىنسىز شەكتەۋلەر – وندىرىسكە قولبايلاۋ

اقمولا وبلىسىنىڭ ورتالىعى – كوكشەتاۋ قالاسىنداعى «قازاقستان اگرو يننوۆاتسيالىق كورپوراتسياسى» اۋىل شارۋاشىلىعى تەحنيكاسىن قۇراستىرىپ شىعاراتىن كاسىپورىن قازىرگى ۋاقىتتا بەلارۋس جانە رەسەيمەن بىرلەسىپ, ءتۇرلى قۇرال-جابدىقتار شىعارىپ كەلەدى. بۇل كاسىپورىننىڭ اشىلۋ سالتاناتىنا وتكەن جىلى مەملەكەت باسشىسى ن.نازارباەۆ قاتىسىپ, قازاقستاننىڭ سولتۇستىك ايماعىنىڭ استىقتى وڭىرلەرىنىڭ اۋىل شارۋاشىلىعى ءۇشىن قاجەتتى تەحنيكا مەن ءتۇرلى جابدىقتاردىڭ شىعارىلا باستاۋىن اگروسەكتوردى ىلگەرى دامىتۋعا جاڭا سەرپىن بەرەتىندىگىن اتاپ وتكەن بولاتىن. ءبىز وڭىرلەردە ساپاردا بول­­عانىمىزدا, وسى كا­سىپ­ورىن­نىڭ جۇمىسىمەن جا­قى­نىراق تا­نىستىق. قازىردىڭ وزىندە 1,5 ميلليارد تەڭگەنىڭ ين­ۆەس­­تيتسياسى تارتىلىپ, جو­­عارى تەحنولوگيالى جاب­دىق­­تار ساتىپ الىنعان. بۇل اۋىل شارۋاشىلىعى تەحنيكاسىن باسىنان باستاپ, جوعارى دەڭ­گەيدە شىعارۋدى قولعا ال­عان ەلىمىزدەگى بىردەن-ءبىر ءون­دىرىس ورنى. وسى كاسىپورىننىڭ باس­شى­­­لا­رىمەن, ماماندارىمەن, جۇ­مىس­شىلارمەن پىكىر ال­­­ماسۋ با­رىسىندا ولار قاز­اق­ستان رەس­پۋبليكاسى ين­ۆەستيتسيالار جانە دامۋ مينيسترلىگىنىڭ «ارنايى ين­ۆەستيتسيالىق جوبالار ايا­سىن­داعى ينۆەستيتسيالىق پرە­فە­رەنتسيا مەن ولاردى ءتىر­كەۋ ءتارتىبى» جانە «ارنايى تيپ­تى ينۆەستيتسيالىق كەلىسىم- شارت­ت­اردى بەكىتۋ تۋ­را­لى» بۇي­رىقتارىنىڭ جو­با­­­سىن­داعى بوس تۇرعان قوي­ما­­لاردىڭ يە­لە­رىنە ولاردى 2012 جىلدىڭ 1 قاڭتارىنا دەيىن تىركەۋدەن ءوت­كى­زۋ ءجو­نىن­دە قويىلىپ وتىرعان شەك­­تەۋ­دىڭ تالابىن الىپ تاس­تاۋ­دى ءوتىنىپ, وسى ماسەلەگە دە­پۋ­تات­تاردىڭ دا نازار اۋدا­رۋىن سۇ­رادى. بۇل شەكتەۋ كا­سىپ­ورىن­دى كەدەن وداعى جانە الىس-جاقىن شەتەلدەردىڭ وزگە دە تاۋار يمپورتتاۋشىلارى مەن تاۋار وندىرۋشىلەرى الدىن­دا تەڭسىزدىك جاعدايعا تىرەپ وتىر­عان كورىنەدى. الەمدىك تاجىريبە كورسەتىپ وتىر­عانداي, كاسىپورىندارعا مەم­لەكەتتىك قولداۋ كورسەتۋدىڭ بەلگىلى ءبىر مەرزىمنەن «نە بۇرىن, نە كەيىن اشىلعان» دەپ مۇنداي شەكتەۋ قويۋ جوق ەكەن. ەگەر دە وسى تالاپ ءوز كۇ­شىندە قالاتىن بولسا, كا­سىپ­ورىن قازىرگى ۋاقىتتا ءون­دى­رىستە جۇمىس ىستەپ جۇرگەن 100-دەن استام ادامدى قىس­قار­تۋعا ءماجبۇر بولىپ, شى­عا­را­تىن تەحنيكانى تەك قانا شەت­­كە جونەلتۋمەن عانا اين­ا­لىس­پاقشى. وسىعان وراي, ينۆەس­تي­تسيا­لار جانە دامۋ ءمينيسترى ج.قاسىمبەككە دەپۋتاتتىق ساۋال جولداپ اتالعان ماسەلەنى تە­رەڭىرەك زەردەلەپ, وتاندىق كا­سىپ­ورىن ۇجىمىنىڭ ۇسى­نىس­ىنىڭ وڭ شەشىلۋىن قا­را­س­تىرۋىن ءوتىندىم. ساۋالدى ءارىپ­تە­سىم راشيت اكىموۆ تە قولداپ, قو­لىن قويدى. مينيستر بۇل ءما­سەلەنى تەرەڭنەن زەردەلەيتىن شىعار دەگەن ءۇمىتىمىز بار. جابال ەرعاليەۆ, سەنات دەپۋتاتى