ەكولوگيالىق كودەكسكە تۇزەتۋلەر تالقىلاندى

پارلامەنت سەناتى اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ەكولوگيالىق كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسى ءبىرىنشى وقىلىمدا قارالدى. زاڭ جوباسى ەلىمىزدەگى قول­دانىستاعى ەكولوگيالىق زاڭ­نامانى جەتىلدىرۋگە جانە ونى قۇقىق قولدانۋ پراكتيكا­سى كەزىندە انىقتالعان قۇقىقتىق ول­قى­لىقتاردى جويۋعا باعىت­تالعان. قۇجات قورشاعان ورتاعا ەلەۋ­لى اسەر ەتپەيتىن نىسان­دار جونىندە جوبالىق قۇجاتتار بو­يىن­شا قوعامدىق تىڭداۋلار ءوت­كىزۋ قاجەتتىگى تۋرالى ەرەجە­لەر­دى الىپ تاستاۋدى قاراستىرادى. تۇرمىستىق قاتتى قالدىق­تاردى الدىن الا وڭدەۋ جاساماي پوليگوندارعا قابىلداۋ مەن كومۋگە تىيىم سالاتىن ەكولوگيالىق كودەكس ەرەجەلەرىن قولدانىسقا ەنگىزۋ مەرزىمدەرى وزگەرەدى. قورشاعان ورتانى قورعاۋ سالاسىنداعى ۋاكىلەتتى ورگان­نىڭ پارنيكتىك گازدار شى­عا­رىندىلارى كۆوتانى ءونىم ءبىر­لىگىنە شاققاندا ءبولۋ ماقساتىن­دا پارنيكتىك گازداردىڭ ۇلەستىك دارەجەلەرىنىڭ تىزبەسىن ازىرلەۋ جانە بەكىتۋ بولىگىندەگى قۇزىرەتى ناقتىلانادى. وزگەرىستەر سونداي-اق سارقىندى سۋلاردى تابيعي جانە جاساندى سۋ وبەكتىلەرىنە اعىزۋدى رەتتەۋ بويىنشا نورمالاردى ناقتىلاۋدى دا كوزدەيدى, دەپ حابارلادى وسى پالاتانىڭ ءباسپاسوز قىزمەتى.