ەكونوميكالىق ىنتىماقتاستىق ۇيىمىنىڭ ءسامميتى وتۋدە

1 ناۋرىز كۇنى يسلامابادتا ەكونوميكالىق ىنتىماقتاستىق ۇيىمىنا مۇشە مەملەكەتتەر باسشىلارىنىڭ ءحىىى ءسامميتى باستالدى. سامميتتە ەىۇ-نىڭ 2025 جىلعا دەيىنگى دامۋ جوسپارى جانە ۇيىمدى رەفورمالاۋ جونىندەگى ماسەلەلەر تالقىلاندى. سامميتكە يران, تۇركيا, ازەربايجان, تۇرىكمەنستان مەن تاجىكستاننىڭ مەملەكەت باسشىلارى, پاكىستان جانە قىرعىزستان ەلدەرىنىڭ پرەمەر-مينيسترلەرى, اۋعانستاننىڭ سىرتقى ىستەر ءمينيسترى, وزبەكستاننىڭ ۆيتسە-پرەمەرى قاتىستى. ەلباسى تاپسىرماسىمەن ەلىمىز­دىڭ اتىنان قازاقستان رەسپۋب­ليكاسى پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ قاتىستى. ەىۇ شەڭبەرىندەگى ىنتى­ماق­تاس­تىق مۇشە ەلدەردىڭ سەنىمدى ارىپتەستىك جانە ءوزارا تۇسىنىستىك, سونداي-اق, تەپە-تەڭدىك قاعيداتىنا نەگىزدەل­گەن. ۇيىمنىڭ نە­گىز­گى مىندەتى ايماقتىڭ ەكونوميكالىق دا­مۋى ءۇشىن قولايلى جاعدايلار جاساۋ, ىشكى قاتىناستاردى ءوز­ارا ىنتىماقتاستىققا نەگىزدەي وتىرىپ, الەۋمەتتىك, مادەني, عى­لىمي-تەحنيكالىق سالالاردى دامىتۋ, ءمۇ­شە ەلدەردى ۋاقىت تالابىنا ساي ينتەگرا­تسيالاۋ بولىپ تابىلادى. سامميت بارىسىندا قازاق­ستان تارابى ءوزارا قارىم-قاتى­ناس­تىڭ 4 باعىتىن تالقىلاۋعا ۇسىن­دى. ولاردىڭ العاشقىسى – ين­فرا­قۇرىلىمدىق جوبالاردى جۇزەگە اسىرۋ. قازىرگى كەزدە, قازاق­ستان ترانسماگيسترالدى اۆ­توموبيل جانە تەمىر جول قۇرى­لىسىن كەڭ اۋقىمدا جۇرگىزىپ جاتىر. بۇل ەاەو-نىڭ اۋقىمدى جوبا­لارىن ينتەگراتسيالاۋعا جانە جىبەك جولى ەكونوميكالىق بەل­دەۋى جوبالارىن جۇزەگە اسىرۋعا ءمۇم­كىن­دىك بەرەدى. وسىعان بايلانىستى, قازاق­ستاننىڭ ترانزيت­تىك ءمۇم­كىن­دىكتەرىن ەىۇ-عا مۇشە بار­لىق ەلدەردىڭ ىنتىماقتاس­تىعىن كەڭەيتۋ ءۇشىن پايدالانۋ ۇسىنىلدى. ەكىنشى – ايماقتىق ساۋدا-ساتتىقتى ىنتالاندىرۋ جانە ۇلتتىق ونىمدەردىڭ الەمدىك نا­رىقق­ا شىعۋىن كەڭەيتۋ. بۇل باعىت­تا مۋلتيمودالدىق تاسىمال­داۋدى بىرىگىپ ۇيىمداستىرۋ جانە كولىك ينفراقۇرىلىمىنىڭ تار­ماق­تالعان جەلىسىن قۇرۋ قاجەت. بۇل ورايدا, قازاقستان ەىۇ ەل­دەرىن بايلانىستىراتىن جانە ەۋرا­زيا­نىڭ باسقا دا نارىعى­مەن جال­عاس­تىرۋشى كوپىر ءرولىن اتقارادى. ءۇشىنشى – ەنەرگەتيكالىق قاۋىپسىز­دىك. ەنەرگەتيكالىق نارىق­تاعى ترانسپارەنتتىلىك ماسەلەلەرىن قاراستىرۋدا جانە وسى سالادا جاڭا تەحنولوگيالاردى ەنگىزۋدە ىنتىماقتاسۋ. ءتورتىنشى – 2018 جىلدان باس­تاپ, اعىلشىندىق قۇقىق نەگىزىن­دە تولىق­تاي ىسكە قوسىلاتىن «استانا» حا­لىق­ارالىق قارجىلىق ور­تا­لى­عى اياسىنداعى قارىم-قاتىناس. سامميت بارىسىندا, ۆيتسە-پرەمەر – اۋىل شارۋاشىلىعى ءمينيسترى قاتىسۋشىلاردى 2017 جىل­دىڭ قىركۇيەك ايىندا استان­ادا العاش رەت وتەتىن يسلام ىنتىماقتاستىعى ۇيىمى­نىڭ عىلىم جانە تەحنولوگيا سام­ميتىنە شاقىردى, دەپ حابار­لادى اۋىل شارۋاشىلىعى مينيستر­لىگىنىڭ ءباسپاسوز قىزمەتى.