شقو-دا «مۇز استىنان بالىق اۋلاۋ-2017» سايىسى ءوتتى

شىعىس قازاقستاننىڭ بالىقشىلارى جارما اۋدانىنا بىلتىر دا جينالىپ ەدى. بيىل تاعى دا باس قوستى. اۋدان اكى­مىنىڭ جۇلدەسى ءۇشىن ۇيىم­داستىرىلعان «مۇز استىنان بالىق اۋلاۋ-2017» سايىسىنا وبلىستىڭ تۇك­پىر-تۇكپىرىنەن كەلگەن جەت­پىستەن استام بالىقشى قاتىستى. – قىستىگۇنى بالىق اۋلاۋ وڭاي شارۋا ەمەس. شەبەرلىك پەن ەپتىلىكتى قاجەت ەتەدى. تۋرنيرگە الىس-جاقىننان ات ارىتىپ كەلگەن بارلىق بالىقشىلارعا العىس ايتامىز, - دەدى شارانىڭ اشىلۋ سالتاناتىندا ءسوز العان جارما اۋدانىنىڭ اكىمى نۇرلان سىدىقوۆ. «قاراماي-اق جاۋىنعا, توي باستالدى اۋىلدا» دەگەندەي, بۇل كۇنى ءوڭىردىڭ قارماقتىڭ قۇلا­عىندا ويناعان 70 بالىقشىسى كۇننىڭ سۋىقتىعىنا دا قارا­ماستان بەتىن مۇز بۇركەگەن شايان­دى كولىنىڭ ءار تۇسىنان ويىق جاساپ, قارماق سالىپ, با­لىق اۋلاپ, باسەكەنىڭ كورىگىن قىز­دىر­دى. ءبارىنىڭ دە كوڭىلى كوتەرىڭكى. – مۇز ويىپ, قارماقپەن بالىق اۋلاۋدىڭ ءوزى ءبىر راقات دۇنيە عوي. مۇنى قىسقى سپورتتىڭ ءبىر ءتۇرى دەسەك تە بولادى. كۇندەلىكتى كۇيبەڭ تىرشىلىكتەن قۇتىلىپ, تا­زا اۋاعا, تابيعات اياسىنا شىق­قانعا نە جەتسىن؟! ءوزىم ءجيى بولماسا دا, اندا-ساندا قارماق سالۋعا شىعىپ تۇرامىن. اۋەسقوي بالىقشىلاردىڭ باسىن قوسىپ, وسىنداي سايىس ۇيىمداستىرعان ازاماتتارعا العىس بىلدىرەمىز, – دەيدى ەرمەك ەسىمدى جارىسقا قاتىسۋشى. شارا سوڭىندا جەڭىمپازدار مەن جۇلدەگەرلەرگە اۋدان اكى­مىنىڭ ماراپات قاعازدارى مەن باعالى سىيلىقتار تابىس ەتىلدى. ازامات قاسىم, «ەگەمەن قازاقستان» شىعىس قازاقستان وبلىسى