مىندىك قايىققا, كەتتىك جايىققا...

وزەن مەن تەڭىزگە شىعاتىن ءجۇزۋ كولىكتەرىنىڭ رۇقسات ەتىلگەن قۋاتى بۇرىن 40 ات كۇشىنە تەڭ ەدى. بيىلدان باس­تاپ جاڭا ەرەجە ەندى دە, بۇل مەجە ەكى ەسەگە قىسقاردى. نەگىزى ۇكىمەت سۋ ايدىندارىندا قۋاتتى ءجۇزۋ كولىكتەرىنىڭ قوزعالىسىنا شەكتەۋ قويۋ تۋرالى وسىدان ءتورت جىل بۇرىن قاۋلى شىعارعان, الايدا ونى قاپەرگە العاندار از. سونىڭ كەسىرىنەن باعالى بالىق قورى ناعىز كوبەيەتىن ۋاقىتىندا شىعىنعا ۇشىرادى. اتىراۋ وبلىسىندا 1300 موتورلى قايىق تىركەلگەن, ونىڭ 900-دەن استامى تالاپقا ساي ەمەس بولىپ قالدى. بالىق­شى كووپەراتيۆتەرىنە بۇل جاڭالىق الدىن الا ايتىل­عانىمەن, ەكى مىڭعا جۋىق با­لىقشى جاڭا ماۋسىمعا بۇرى­نعىداي دايىندالعان. سولاردىڭ ءبىرى – رىسبەك تايى­روۆ. قۋاتتى كولىكتى قىمبات باعاعا نەسيەگە العان ول ەندى نە ىستەرىن بىلمەي دال. وبلىستىق اۋىل شارۋاشىلىعى باسقار­ماسىنىڭ باسشىسى سىرىم رىسقاليەۆ نارازىلىق ءبىل­دىرىپ وتىرعاندار زاڭسىز با­لىق اۋلاۋشىلار ەكەنىن ايتادى. ولارعا ءتۇسىندىرۋ جۇمىستارى جۇرگىزىلگەن. جالپى, وبلىس بويىنشا 19 كووپەراتيۆ بالىق اۋلاۋ سالاسىندا قىزمەت ەتەدى. ولاردىڭ اراسىندا قۇرال-جابدىقتارى جاڭا ەرەجە تالابىنا ساي كەلمەيتىندەرى دە بار. جەر­گىلىكتى اتقارۋشى بيلىك ەندى قۋاتى 20 ات كۇشىنەن ارتىق سۋ كولىكتەرىن جايىققا جاقىن­داتپايمىز دەپ وتىر. باقىتگۇل باباش, «ەگەمەن قازاقستان» اتىراۋ