«بارىس» بەسىنشى ويىندا باسىم ءتۇستى

كەشە استانانىڭ «بارىسى» قۇرلىقتىق حوككەي ليگاسىنداعى پلەي-وفف كەزەڭىنىڭ 1/8 فينالىندا «تراكتور» كومانداسىمەن بەسىنشى رەت كۇش سىناستى. چەليابىدە وتكەن بۇل ويىندا ەسەپتى استانالىقتار اشتى. كەزدەسۋ­دىڭ 12-مينۋتىندا كونستانتين پۋش­كارەۆ قاقپا الدىنداعى قاربا­لاستا قاقپاشىدان ايلاسىن اسىرا ءبىلدى. ەكىنشى كەزەڭدە «تراكتوردىڭ» باسىمدىعى بايقالدى. ونىڭ ۇستىنە, ءبىزدىڭ حوككەيشىلەر ويىن ءتارتىبىن ءجيى بۇزىپ, تورەشىلەر تاراپىنان قاتاڭ جازالاۋعا ۇشى­­راپ وتىردى. سونداي ءساتتىڭ ب­ىرىندە, ياعني «بارىستىڭ» ءبىر وي­ىنشىسى ايدىننان قۋىلعان كەزدە چەليابىلىكتەر تارازى باسىن تەڭەستىرىپ كەتتى. گولدى 29-مينۋتتا ارتەم بورودكين ءوز اتىنا جازدى. وسى ەسەپ ماتچتىڭ سوڭىنا دەيىن وزگەرمەي, كوماندالار قوسىمشا تايم ويناۋعا ءماجبۇر بولدى. ال وۆەرتايمدا, ياعني 70-مينۋتتا سەن-پەر مارتەن سوققان شايبا «بارىسقا» جەڭىس اكەلدى. سونىمەن, «بارىس» جالپى ەسەپتە 3:2 ەسەبىمەن العا شىقتى. ەندى ءبىر ويىندا جەڭىسكە جەتسە, استانا حوككەي كلۋبى ءتۋرنيردىڭ كەلەسى كەزەڭىنە جولداما الادى. قايرات ءابىلدينوۆ, «ەگەمەن قازاقستان»