الماتىمەن قاۋىشۋعا كەلە جاتقان پاريج

كوپتەن جوسپارلانعان فرانتسيانىڭ الماتىدا وتەتىن حالىقارالىق كۇندەرى دە جاقىنداپ قالدى. الماتىلىقتار جۇما كۇنى باستالاتىن مادەني كۇندەردە وسىناۋ ەلدىڭ رۋحىن سەزىنىپ, تاريحىمەن جاناسىپ, ونەردەگى, ومىردەگى تابىستارىمەن, ايتۋلى تاۋارلارىمەن دە كەڭىرەك تانىساتىن بولادى. قىسقاسى, قالالىقتار بۇل كۇن­دەرى «فرانتسۋزدارشا ءومىر ءسۇرىپ», فرانتسۋزداردىڭ تۇرمىسى مەن ونەرى تۋرالى اقپارات الادى. بيىلعى جىلدىڭ باعدارلاماسى بويىنشا مادەني وقيعا ايا­سىندا 2-ءشى حالىقارالىق «Regard de France» كورمەسى وتپەك. بۇل كور­مەدە قازاقستانداعى فرانتسۋز كوم­پانيا­لارىنىڭ تاۋارلارى, برەندتەرى سالتانات قۇرادى. ال دەمالىس, ياعني 4-5 ناۋرىز كۇندەرى الماتىداعى The Ritz Carlton قوناقۇيلەرىندە مادەني باعدارلامالار شەرۋى جۇرەدى. سەنبى كۇنى كەشكىلىك «شىمبۇلاق» بيىك تاۋ شاڭعىسى كۋرورتىندا ءداستۇرلى فرانتسۋز كەشى ۇيىمداستىرىلىپ, اۋەسقويلار شاڭعىمەن سىرعانايدى. مىسالى, سەن-تروپە قالاسىنان كەلگەن دەلەگاتسيا قۇرامىندا تۋريستىك بيزنەس وكىلدەرى, «Byblos» وتەلىنىڭ اتاقتى شەف-اسپازى جانە تانىمال مۋزىكانتتار بار. ال «ايەلدى قۇداي جاراتقان» اتتى فوتوكورمە اتاقتى فرانتسۋز كينواكتريساسى بريدجيت باردوعا ارنالعان. ايگىلى اكتريسا سەن-تروپە قالاسىنىڭ بەتكە ۇستار ماقتانىشى ەكەنى بەلگىلى. بۇل كورمەنى Esentai Mall ساۋدا ورتالىعىندا ناۋرىزدىڭ 4-30 ارالىعىندا قالا مەريا­سى ۇسىنعالى وتىر. مۇندا بريدجيت باردونى الەم­دىك داڭققا بولەگەن «ايەلدى قۇداي جاراتقان» كينولەنتاسى كورسەتىلەدى. فرانتسيانىڭ وڭتۇستىك شاھارداعى كۇن­دەرى بارىنشا ايشىقتى ءوتۋ ءۇشىن الماتىداعى فرانتسيانىڭ باس كون­سۋلدىعى, قالاداعى فرانتسيانىڭ ىسكەر سەرىكتەس كومپانيالارىنىڭ قازاق­ستاندىق قاۋىمداستىعى بارىن سالۋدا. اۋقىمدى شاراعا ۇيىتقى بولىپ وتىرعان ەلشىلىك مۇنداي مادەني بايلانىستار, ءتۇرلى كورمەلەر, ىسكەرلىك كەزدەسۋلەر, قىزىقتى تۇساۋكەسەرلەر ەكىجاقتى تاتۋلىق پەن تۇسىنىستىكتى تەرەڭدەتە تۇسەدى دەپ بىلەدى. ايناش ەسالي, «ەگەمەن قازاقستان» الماتى