پرەمەر-مينيستر كارىم ءماسىموۆ پرەزيدەنت نۇرسۇلتان نازارباەۆتىڭ جارلىعىمەن تاعايىندالعان جاڭا باسشىلاردى ۇجىمدارعا تانىستىردى, دەپ حابارلادى پرەمەر-ءمينيستردىڭ ءباسپاسوز قىزمەتى.
ۇكىمەت باسشىسى تۋريزم جانە سپورت مينيسترلىگى ۇجىمىنا وسى لاۋازىمدا بولعان تەمىرحان دوسمۇحامبەتوۆتى اۋىستىرعان جاڭا باسشى تالعات ەرمەگياەۆتى تانىستىردى. پرەمەر-مينيستر ت.ەرمەگياەۆتىڭ الدىنا قازاقستاننىڭ الەمدەگى باسەكەگە بارىنشا قابىلەتتى 50 ەلدىڭ قاتارىنا ەنۋىن قامتاماسىز ەتەتىن جالپىۇلتتىق مىندەت شەڭبەرىندە تۋريزم جانە سپورت سالالارىنىڭ تيىمدىلىگىن ارتتىرۋعا بايلانىستى مىندەتتەر قويدى.
ك.ءماسىموۆ سول سياقتى مەملەكەت باسشىسىنىڭ جارلىعىمەن تاعايىندالعان اۋىل شارۋاشىلىعى ءمينيسترى اسىلجان مامىتبەكوۆتى دە ۇجىمعا تانىستىردى.
جاڭا ءمينيستردى تانىستىرا وتىرىپ, پرەمەر-مينيستر ۇكىمەتتىڭ الدىندا تۇرعان باستى ءمىندەت ەل پرەزيدەنتى العا قويعان ستراتەگيالىق ماقساتتاردى ورىنداۋ ەكەنىن اتاپ كورسەتتى.
سوڭعى جاڭالىقتار
قوعام • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
ەينشتەين ءوزىن «الاياق» سەزىنگەن بە؟
قوعام • كەشە
