جاڭا مينيستر تاعايىندالدى

كەشە مەملەكەت باسشىسى نۇرسۇلتان نازارباەۆ سىرتقى ىستەر مينيسترلىگىندە بولىپ, ۇجىمعا جاڭا تاعايىندالعان سىرتقى ىستەر ءمينيسترىن تانىستىردى. پرەزيدەنتتىڭ جارلىعىمەن سىرتقى ساياسات ۆەدومستۆوسىنىڭ باسشىسى بولىپ ەرجان قازى­حا­نوۆ تاعايىندالدى. ديپلوماتتارعا جاڭا سىرتقى ىستەر ءمينيسترىن تانىستىرا وتى­رىپ, مەملەكەت باسشىسى مينيسترلىك ۇجىمىن ەلىمىزدىڭ سىرتقى ساياسي جەتىستىكتەرىمەن, اتاپ ايت­قاندا, وتكەن جىلى ەقىۇ-عا توراعالىقتىڭ جانە ءسامميتتىڭ تابىستى وتۋىمەن قۇتتىقتادى, سون­داي-اق مينيسترلىكتىڭ الدىن­دا تۇرعان تاياۋ پەرسپەكتيۆاداعى باسىم مىندەتتەردى اتاپ كورسەتتى. ول – مامان. 1989 جىلدان بەرى ءسىم ورگانىندا جۇمىس ىستەپ كەلەدى. ون جىلعا جۋىق ۋاقىت بۇۇ-دا قىزمەت اتقاردى. مەنىڭ كومەك­شىم بولدى. ۆەنادا ەلشى بولدى. ول اراب ءتىلىنىڭ مامانى. اعىل­شىن جانە اراب تىلدەرىن مەڭ­گەر­گەن. ءبىز وتكەن جىلى ەۋروپالىق ءما­سەلەلەر بويىنشا جاقسى جۇ­مىس ىستەدىك. قازىر اراب ماسە­لە­سىمەن اينالىسۋعا تۋرا كەلەدى. ول يسلام الەمىندەگى قازاقستاننىڭ بەدەلىن نىعايتۋعا ءوزىنىڭ ۇلەسىن قوسادى دەپ سەنەمىن. بيىلعى جىلى ۇلكەن ىستەر كۇتىپ تۇر. ما­مىر­دىڭ باس كەزىندە ۇلكەن ەكو­نوميكالىق كونفەرەنتسيا, ودان كەيىن ەۋروپالىق قايتا قۇرۋ جانە دامۋ بانكىنىڭ فورۋمى, يكۇ سىمك ءسامميتى, شىۇ مەرەيتويى وتەدى. سوندىقتان ءبىز اتقارار مىندەتتەر جەتەرلىك. ەقىۇ ءسامميتىن وتكىزۋ بارىسىنداعى جۇمىستارى­ڭىز ءۇشىن سىزدەرگە العىسىمدى ايتقىم كەلەدى, دەدى نۇرسۇلتان نازارباەۆ قازاقستاندىق ديپلو­مات­تارعا. پرەزيدەنت ەلدىڭ سىرتقى ساياسات ۆەدومستۆوسىنىڭ مينيسترلىك الدىندا تۇرعان بارلىق مىندەتتەردى تابىستى ىسكە اسىراتىنىنا سەنىم ءبىلدىردى. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.