«قازاقستان» رترك» اق جۇيەسىندە بىرقاتار كادرلىق وزگەرىستەر ورىن الدى. 2017 جىلدىڭ 24 اقپانىنداعى «قازاقستان» رترك» اق ديرەكتورلەر كەڭەسىنىڭ شەشىمىمەن ءمادي ماناتبەك «رەسپۋبليكالىق راديو» جشس-ءنىڭ باس ديرەكتورى بولىپ تاعايىندالدى, دەپ جازادى "قازاقستان" رترك" اق ستراتەگيالىق ماركەتينگ دەپارتامەنتى.
ءمادي ماناتبەك 2012-2013 جىلدارى «قازاقستان» رترك» اق ءوندىرىس جونىندەگى باسقارما توراعاسىنىڭ ورىنباسارى قىزمەتىن اتقارعان. «رەسپۋبليكالىق راديو» جشس «قازاقستان» رترك» اق-نان قۇرىلعان راديو حابارلارىن تاراتۋ بويىنشا جۇمىس اتقاراتىن كاسىپورىن جانە ونىڭ قۇرامىنا قازاق راديوسى, "شالقار, "استانا", "Classic" اتتى ءتورت راديوارنا كىرەتىنىن حابارلايمىز.
ءاشىموۆ اسقار تۇرعانباي ۇلى «قازاقستان» ۇلتتىق تەلەارناسىنىڭ ديرەكتورى بولىپ تاعايىندالدى. ول ءار جىلدارى «قازاقستان» رترك» اق اتىراۋ وبلىستىق فيليالىنىڭ ديرەكتورى, «قازاقستان» ۇلتتىق تەلەارناسىنىڭ باس رەجيسسەرى قىزمەتتەرىن اتقارعان.
سونداي-اق, «قازاقستان» رترك» اق-نىڭ ايماقتىق دامۋ ديرەكتسياسىنىڭ ديرەكتورى تاعايىندالدى. بۇل لاۋازىمعا بۇرىن «قازاقستان» رترك» اق شىعىس قازاقستان جانە اقمولا وبلىسى بولىمشەلەرىنىڭ ديرەكتورى قىزمەتىندە بولعان دۇيسەنوۆ ارسەني كەڭەس ۇلى بەكىتىلدى.
«قازاقستان» ۇلتتىق تەلەارناسىنىڭ ديرەكتورى قىزمەتىن وسى ۋاقىتقا دەيىن اتقارعان اعىباەۆ جاناحمەت جانىبەك ۇلى اتىراۋ وبلىستىق بولىمشەسىنىڭ ديرەكتورى قىزمەتىنە تاعايىندالدى.
سونىمەن بىرگە, قوعامنىڭ ايماقتاردىڭ دامۋى جونىندەگى باسقارما توراعاسىنىڭ ورىنباسارى ىسقاقوۆ يلياس باشار ۇلىنىڭ جانە وسى ۋاقىتقا دەيىن «رەسپۋبليكالىق راديو» جشس باس ديرەكتورى قىزمەتىن اتقارعان وتەعاليەۆ دوسىمبەك قونىسبەك ۇلىنىڭ وكىلەتتىكتەرى توقتاتىلدى.
