استانادا قازاقستاننىڭ ءبىلىم جانە عىلىم مينيسترلىگىنىڭ پلەنارلىق وتىرىسى ءوتتى. شاراعا قاتىسۋشىلار مينيسترلىكتىڭ 2016 جىلداعى قىزمەتىنىڭ باستى قورىتىندىلارىمەن تانىسىپ, 2017 جىلعى مىندەتتەردى قارادى, دەپ حابارلايدى strategy2050.kz.
شارا بارىسىندا ءبىلىم جانە عىلىم ۆيتسە-ءمينيسترى اسلانبەك ءامرين ءسوز سويلەدى. ونىڭ اتاپ وتۋىنشە, گرانت الۋعا بارلىق عالىمدار ءوتىنىم بەرە الادى.
«مەملەكەتتىك قولداۋعا يە بولعان بارلىق جوبالار سايكەستەندىرىلەتىن ناتيجەلەرگە قول جەتكىزۋگە باعدارلانادى», – دەدى ا. ءامرين.
ۆيتسە-ءمينيستردىڭ ايتۋىنشا, عىلىمي-زەرتتەۋ جۇمىستارىنىڭ ناتيجەلەرى ءۇش تۇرعىدان جۇزەگە اسىرىلادى: عىلىمي – جاريالانىمدار, پاتەنتتەر; اكادەميالىق – جاڭا ءبىلىم باعدارلامالارى, مودۋلدەر مەن كادرلار دايارلاۋدا – زەرتتەۋلەردىڭ باعىتى بويىنشا PhD, وندىرىستەگى ماماندار.
«سونىمەن قاتار, كادرلىق قۇرامدى جاسارتۋ مەن مىندەتتى تۇردە اعىلشىن ءتىلىن ءبىلۋ قاجەتتىلىگى دە بار. بۇل زامان تالابى. بارلىق جاڭاشىلدىقتار ترانسپارەنتتىلىكتى جانە قابىلداناتىن شەشىمدەردىڭ ادىلدىگىن بارىنشا قامتاماسىز ەتۋ ءۇشىن ەنگىزىلەدى», – دەپ اتاپ ءوتتى ۆيتسە-مينيستر.
