وبامانى فرانتسيا پرەزيدەنتتىگى ءۇشىن سايلاۋعا تۇسۋگە شاقىردى

اقش-تىڭ بۇرىنعى پرەزيدەنتى باراك وبامانى فرانتسيادا قۇرمەتتەيتىندەر ونى ەل پرەزيدەنتتىگىنە ۇمىتكەر بولۋعا كوندىرمەك, - دەپ حابارلايدى tengrinews.kz ABC News رەسۋرسىنا سىلتەمە جاساپ. بەلسەندىلەر پاريج كوشەلەرىنە باراك وبامانىڭ "Obama17" دەپ جازىلعان سۋرەتىن ءىلىپ, وسى سايتقا كىرگۋگە شاقىردى. سايتتا وبامانى پرەزيەنت سايلاۋىنا قاتىسۋعا شاقىراتىن پەتيتسياعا قول قويۋعا بولادى. بەلسەندىلەردىڭ ماقساتى - ميلليون ادامنىڭ قولىن جيناۋ. "فرانتسيا حالقىنىڭ كوپشىلىگى اسىرەوڭشىل كانديدات ءۇشىن داۋىس بەرگەلى جاتقاندا, ءبىز شەتەلدىكتى پرەزيدەنت سايلاپ, جاھانعا دەموكراتيانىڭ جارقىن ۇلگىسىن كورسەتە الامىز", - دەپ جازىلعان سايتتا. بەلسەندىلەردىڭ ءبىرى بۇل وي باراك وباما ورنىنان كەتەردەن ەكى اي بۇرىن كەلگەنىن ايتادى. "بۇل مۇمكىن بە, جوق پا, ول فرانتسۋز با, جوق پا؟ ەشتەڭەگە قاراماستان, ادامدارعا ءۇمىت سىيلاۋىمىز كەرەك دەپ شەشتىك", - دەپ ءتۇسىندىردى بەلسەندى.