Nokia 3310 تەلەفونىنىڭ جاڭا ءتۇرى تانىستىرىلدى

جاڭارتىلعان Nokia 3310 تەلەفونى باياعى ديزايننان باس تارتقان جوق. بۇل تۋرالى Vtech باسىلىمى جازادى. باسىلىمنىڭ مالىمەتىنشە, جاڭا Nokia 3310 تەلەفونى جەڭىلىرەك جانە جۇقالاۋ بولادى. سونىمەن قاتار, قىزىل, سارى, جاسىل جانە باسقا دا تۇستەرمەن شىعادى. ەكرانى ۇلكەيتىلەدى. تەلەفون باتىرمالارى ۇلكەنىرەك بولادى. Mashable باسىلىمىنىڭ حابارلاۋىنشا, Nokia 3310 ينتەرنەتكە كىرە الادى. بىراق بەتتەردى كورۋ جاعى شەكتەۋلى. «تەلەفوننىڭ بۇرىن بولماعان فۋنكتسيالارى پايدا بولادى جانە تولىققاندى سمارتفون دەپ اتاۋعا نەگىز بار", - دەپ جازادى Mashable. Nokia HMD Global كومپانياسى 26 اقپان كۇنى بارسەلوناداعى دۇنيەجۇزىلىك ءموبيلدى كونگرەسسكە اپارىلۋى مۇمكىن. سونىمەن قاتار, Nokia 3, Nokia 5 جانە Nokia 6 مودەلدەرى دە تانىستىرىلادى. تەلەفون ءساۋىر ايىنان باستاپ العاش بولىپ مالايزيادا ساتىلىمعا شىعارىلادى. ايتا كەتەيىك, Nokia 3, Nokia 5 جانە Nokia 6 مودەلدەرى Android نەگىزىندە جۇمىس ىستەيدى.