ءبىلىم جانە عىلىم ءمينيسترى ەرلان ساعاديەۆ ۆەدومستۆو القاسىندا بيىلعى جىلى قازاقستاننىڭ بارلىق مەكتەپتەرىندە جۇزەگە اسىرىلۋى ءتيىس باستى مىندەتتەردى اتاپ ءوتتى.
«بۇگىنگى تاڭدا مەكتەپتەردىڭ 99%-ىندا ينتەرنەتكە قولجەتىمدىلىك بار. كەم دەگەندە سەكۋندىنا 4 مبيت كەرەك بولسا, بىزدە مەكتەپتەردىڭ 40%-عا جۋىعى ونىمەن قامتاماسىز ەتىلگەن. «تسيفرلىق قازاقستان» ءبىرىنشى كەزەكتە ينتەرنەتتى مەكتەپتەرگە ورناتادى. ۇكىمەت الداعى ۋاقىتتا وسى ماسەلەنى شەشەدى دەپ سەنەمىز. الايدا, مەكتەپتەردەگى قۇرىلىمدىق كابەلدىك جۇيە – ۇلكەن پروبلەما. WI-FI ءاربىر كابينەتتە بولۋى ءتيىس», – دەدى قر بعم باسشىسى. بۇل تۋرالى strategy2050.kz جازادى.
ءمينيستردىڭ ايتۋى بويىنشا, ولار وسى نارىقتى تالداپ, ول قولجەتىمدى ءارى قىمبات ەمەس دەگەن قورىتىندىعا كەلدى.
«اكىمدىكتەرگە مەكتەپتەردىڭ قارجىلاندىرىلۋىن قامتاماسىز ەتۋ كەرەك, ول ءبىر مەكتەپكە 700 مىڭ تەڭگەگە جۋىق. كابەلدەردى وتكىزۋ قاجەت. وقۋ جىلىنىڭ باسىنا قاراي بۇل ماسەلە قازاقستاننىڭ بارلىق مەكتەپتەرىندە شەشىلەدى », – دەپ اتاپ ءوتتى ە. ساعاديەۆ.
سونداي-اق, مينيستر مەكتەپتەردەگى كومپيۋتەرلەردىڭ جەتىسپەۋشىلىگى پروبلەماسىن دا ايتىپ ءوتتى.
«ءبىز اكىمدىكتەرگە كومپيۋتەرمەن قامتاماسىز ەتۋدە كومەكتەسۋىمىز كەرەك. ونى اسىرەسە اۋىلدى جەرلەردە قامتاماسىز ەتۋ قاجەت », – دەدى ول.
ە. ساعاديەۆ سونداي-اق مۇعالىمدەرگە ولارعا ءتان ەمەس فۋنكتسيالاردى ورىنداۋعا تىيىم سالۋعا شاقىردى.
«مۇعالىمدەرگە ولارعا ءتان ەمەس فۋنكتسيالاردى ورىنداۋعا تىيىم سالۋ – ماڭىزدى مىندەت. ونى قولعا الۋ قاجەت. ءبىرىنشى كەزەكتە, ستاتيستيكالىق دەرەكتەردى جيناۋدان باستاۋ قاجەت. بۇگىندە بۇل ماسەلە تالقىلانىپ جاتىر», – دەپ مالىمدەدى مينيستر.
القا وتىرىسىندا بارلىق مەكتەپتەردە وقۋشىلاردىڭ جەكە شكافتارى ورناتىلاتىنى تۋرالى دا بەلگىلى بولدى.
