ۇستازدار بارلىق دەڭگەيدەگى تەكسەرۋشىلەردەن قورقادى - بعم

قر ءبىلىم جانە عىلىم مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى ەرلان ساعاديەۆ ۇلتتىق ءبىلىم بەرۋ مالىمەتتەر بازاسى مەن «كۇندەلىك» قازىردىڭ وزىندە قاعاز ەسەپتىلىكتى الماستىرا الاتىندىعىن باسا ايتتى. «بىرقاتار كۇردەلى پروبلەما بار. بۇل - ۇستازداردىڭ بارلىق دەڭگەيدەگى تەكسەرۋشىلەردەن قورقۋى. ءبىز مۇنى جاقسى تۇسىنەمىز. مەن ونداعان مەكتەپتىڭ ديرەكتورىمەن سويلەستىم جانە ولاردىڭ بارلىعى دا: «ءبىز قاعاز جۋرنال جۇرگىزەمىز. ويتكەنى قورقامىز», -دەيدى. ال مەن «قاعاز جۋرنال جۇرگىزۋگە تىيىم سالامىن», دەسەم, ولار: «ءبىز تۇندە بولسىن جۇرگىزىەمىز. ويتكەنى بۇل اقشا. ەرتەڭ ول ءۇشىن مەن باسىم كەتەدى, دەيدى», - دەدى ساعاديەۆ. وسى رەتتە ءبىلىم ءمينيسترى بۇل ماسەلەنىڭ قر پرەمەر-مينيسترىمەن, باس پروكۋرورمەن جانە قارجى مينيسترىمەن تالقىلانعانىن اتاپ ءوتتى. الداعى ۋاقىتتا بىرلەسكەن نۇسقاۋلىق حات نەمەسە بۇيرىق شىعارىلادى. اتالعان قۇجات قارجىلىق تەكسەرۋشىلەرگە قاعاز ەسەپتىلىكتى سۇراۋىنا تىيىم سالاتىن بولادى. سونىمەن قاتار مينيستر الداعى ۋاقىتتا ۇستازدار قاۋىمىن قىزمەتتەرىنە ءتان ەمەس جۇمىستارعا ماجبۇرلەپ جەگۋ تىيىلاتىنىن ايتتى. «ماڭىزدى مىندەتتىڭ ءبىرى ۇستازداردى وزدەرىنە ءتان ەمەس قىزمەتتەردى ورىنداۋعا ماجبىرلەۋدى تىيۋ. بۇل اۋقىمدى مىندەت. دەگەنمەن ءبىز ول ءۇشىن كۇرەسەتىن بولامىز. قازىرگى ۋاقىتتا ءبىز ول جايىندا بىلەمىز ساراپتامالار, كارتوچكالار جينايدى, جول ءجۇرۋ بيلەتتەرىن تاراتادى, تەكسەرۋ جۇرگىزەدى. ەڭ ءبىرىنشى كەزەكتە تەكسەرۋ جۇرگىزۋدەن باستاماقپىز. مۇنى شەكتەگىمىز كەلەدى. تەتىگىن ازىرلەگەننەن كەيىن باسقا ورگاندارمەن بىرلەسىپ بىرقاتار بۇيرىقتار نەمەسە ۇكىمەتتىڭ قاۋلىسىن شىعارۋدى باستايمىز. ول وزگە ورگانداردىڭ بۇل ماقساتتارعا وقىتۋشىلار ەڭبەگىن پايدالانۋىنا تىيىم سالادى», - دەدى ساعاديەۆ.