شىمكەنت مۇناي وڭدەۋ زاۋىتى ماۋسىمنان باستاپ جوعارى سۇرىپتى بەنزين شىعارادى

شىمكەنت مۇناي وڭدەۋ زاۋىتىندا يزومەريزاتسيا قوندىرعىسىنىڭ قۇرىلىسى اياقتالۋعا جاقىن, دەپ حابارلادى قمگ-قم قوعاممەن بايلانىس قىزمەتى. «پەتروقازاكستان ويل پروداكتس» جشس مۇنايدى قايتا وڭدەۋدىڭ جاڭا تەحنولوگيالىق جەلىسىندەگى ماڭىزدى اۋماقتىڭ قۇرىلىسى - شيكىزاتتى الدىن الا گيدروتازالاۋ بلوگى بار يزومەراتسيا قوندىرعىسىن ورناتۋ اياقتالۋعا جاقىن. بۇگىندە جوبا 95% جۇزەگە اسىرىلعان. اتاپ ايتقاندا: 4 500-دەن استام سىزبالار  جەتىلدىرىلدى (100%), قۇرىلىس الاڭىنا 149 دانا جابدىقتىڭ 147-ءسى قويىلدى, 142 داناسى جوندەۋدەن ءوتتى. 9 344 تەكشەمەتر ىرگەتاس بەتوندالدى (92,2%), مەتالل قۇراستىرىلىمدارىن مونتاجداۋ 100% ورىندالدى, قۇبىر جەلىلەرىن مونتاجداۋ جۇمىستارى اياقتالىپ كەلەدى (99,6%). سونىمەن قاتار, يزومەراتسيالاۋدى ىسكە قوسۋعا ارنالعان جالپىزاۋىتتىق شارۋاشىلىق نىسانداردىڭ قۇرىلىسى سوڭعى ساتىسىندا تۇر, 84% استامى ورىندالعان», - دەلىنگەن حابارلامادا. نىساندى قولدانىسقا بەرۋ 2017 جىلدىڭ ماۋسىم ايىنا جوسپارلانعان. يزومەراتسيانى قوندىرۋ كەدەن وداعىنىڭ تەحنيكالىق تارتىبىنە سايكەس ك4, ك5 كلاسسىنداعى ەكولوگيالىق بەنزيندەردىڭ جوعارى وكتاندى كومپونەنتتەرىن وندىرۋگە ارنالعان.