قازاقستان رەسپۋبليكاسى ۇكىمەتىنىڭ قاۋلىسى № 122

2011 جىلعى 10 اقپان, استانا, ۇكىمەت ءۇيى ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابىنىڭ 32) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1.قوسا بەرىلىپ وتىرعان ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ قاعيداسى بەكىتىلسىن. 2. مىنالاردىڭ كۇشى جويىلدى دەپ تانىلسىن: 1) «مۇناي وپەراتسيالارىن جۇزەگە اسىراتىن مەردىگەرلەرمەن كەلىسىمشارتتاردا ۇلتتىق كومپانيانىڭ كەلىسىم-شارتتارى مىندەتتى ۇلەستىك قاتىسۋى ارقىلى مەملەكەتتىك مۇددەلەردى ءبىلدىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2002 جىلعى 29 ماۋسىمداعى № 708 قاۋلىسى; 2) «قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 26 قاراشاداعى № 1184 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلاردىڭ 8-تارماعى (قازاقستان رەسپۋبليكاسىنىڭ ءپۇاج-ى, 2003 ج., № 44, 484-قۇجات); 3) «قازاقستان رەسپۋبليكاسى مۇناي جانە گاز مينيسترلىگىنىڭ ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2010 جىلعى 20 مامىرداعى № 454 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەردىڭ 4-تارماعى (قازاقستان رەسپۋبليكاسىنىڭ ءپۇاج-ى, 2010 ج., № 34, 273-قۇجات). 3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى     ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 10 اقپانداعى № 122 قاۋلىسىمەن بەكىتىلگەن ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ قاعيداسى 1. جالپى ەرەجەلەر 1. وسى قاعيدا «جەر قويناۋى جانە جەر قوي­نا­ۋىن پايدالانۋ تۋرالى» قازاقستان رەسپۋبلي­كاسىنىڭ 2010 جىلعى 24 ماۋسىمداعى زاڭىنا (بۇدان ءارى - زاڭ) سايكەس ازىرلەنگەن جانە ۇلتتىق كومپانيانىڭ ۇلەستىك قاتىسۋى كوزدەلەتىن كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋ ءتارتىبىن بەلگىلەيدى. جەر قويناۋىن پايدالانۋعا ارنالعان كەلىسىمشارتتاردا ۇلتتىق كومپانيانىڭ مەملەكەتتىك مۇددەلەردى ءبىلدىرۋى جەر قويناۋىن پايدالانۋ سالاسىنداعى بىرىڭعاي مەملەكەتتىك ساياساتتى ۇلەستىك قاتىسۋ ارقىلى ىسكە اسىرۋ تارتىبىمەن جۇزەگە اسىرىلادى. 2. وسى قاعيدادا زاڭدا بەلگىلەنگەن ۇعىمدار, سونداي-اق مىناداي ۇعىمدار پايدالانىلادى: 1) اففيليرلەنگەن تۇلعا – ۇلتتىق كومپانيا تىكەلەي جانە (نەمەسە) جاناما تۇردە شەشىمدەردى انىقتاۋعا جانە (نەمەسە) ەگەر وسى زاڭدى تۇل­عانىڭ نەگىزگى قىزمەتى جەر قويناۋىن پايدالانۋمەن بايلانىستى بولسا, مۇنداي تۇلعا قابىل­داي­تىن شەشىمدەرگە ىقپال ەتۋ مۇمكىندىگى بار زاڭدى تۇلعا; 2) كەلىسىمشارتتا مىندەتتى قاتىسۋ ۇلەسى – كەلىسىمشارتقا ۇلتتىق كومپانيانىڭ قاتىسۋىنىڭ كونكۋرس وتكىزۋ ناتيجەلەرى بويىنشا قازاقستان رەسپۋبليكاسىنىڭ ۇكىمەتى بەلگىلەيتىن پايىزبەن كورسەتىلگەن ۇلەسى; 3) وپەراتور – كەلىسىمشارتتى ورىنداۋعا باي­لانىستى قىزمەتتى جەدەل باسقارۋدى جانە ەسەپكە الۋ-ەسەپ بەرۋ وپەراتسيالارىن جۇزەگە اسىراتىن (ۋاكىلەتتى وكىل), ونىڭ ءىس-ارەكەتى ءۇشىن جەر قوينا­ۋىن پايدالانۋشىلار م ۇلىكتىك جاۋاپكەرشىلىكتە بولاتىن, قۇزىرەتتى ورگاننىڭ جازباشا حابارلا­ماسى بويىنشا قازاقستان رەسپۋبلي­كاسى­نىڭ زاڭنا­ماسىنا سايكەس جەر قويناۋىن پايدالانۋ­شىلار قۇراتىن نەمەسە بەلگىلەيتىن زاڭدى تۇلعا. 2. كونكۋرس ناتيجەلەرى بويىنشا جاسالعان كەلىسىمشارتتاردا ۇلتتىق كومپانيانىڭ مىندەتتى قاتىسۋ ۇلەسىن انىقتاۋ 3. قازاقستان رەسپۋبليكاسىنىڭ ۇكىمەتى ۇلت­تىق كومپانيانىڭ مىندەتتى قاتىسۋ ۇلەسىنىڭ شاماسى بويىنشا قازاقستان رەسپۋبليكاسىنىڭ اۋماعىندا جانە تەڭىزدە جەر قويناۋى ۋچاسكەلەرى بولىگىندە جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگاننىڭ ۇسىنىستارى نەگىزىندە قۇزىرەتتى ورگان قالىپتاستىرعان, كونكۋرس­قا شىعارىلاتىن جەر قويناۋى ۋچاسكەلەرىنىڭ تىزبەسىن بەكىتەدى. 4.وسى قاعيدانىڭ 3-تارماعىندا كورسەتىلگەن جەر قويناۋى ۋچاسكەلەرىنىڭ تىزبەسى تىكەلەي كەلىسسوزدەر نەگىزىندە ۇلتتىق كومپانيا ۇسىناتىن جەر قويناۋى ۋچاسكەلەرى بويىنشا ۇلتتىق كومپانيانىڭ ۇسىنىستارى ەسكەرىلە وتىرىپ قالىپتاستىرىلادى. 5. قۇزىرەتتى ورگان كونكۋرس جاريالاۋ كەزىندە ونىڭ شارتتارىندا قازاقستان رەسپۋبليكاسى ۇكىمە­تىنىڭ شەشىمىنە سايكەس كونكۋرسقا شىعارى­لاتىن جەر قويناۋى ۋچاسكەسىندەگى ۇلتتىق كومپا­نيانىڭ مىندەتتى قاتىسۋ ۇلەسىن جانە كوممەر­تسيالىق تابىلىمعا دەيىن ۇلتتىق كومپانيادان باسقا, وزگە جەر قويناۋىن پايدالانۋ قۇقىعىن يەلەنۋشىگە ۇلتتىق كومپانيانىڭ مىندەتتى قاتى­سۋ ۇلەسىنە بايلانىستى شىعىستاردى قارجى­لان­دىرۋ قاجەتتىگىن كورسەتەدى. 3. كەلىسىمشارتتاردا مەملەكەتتىك مۇددەلەردى ءبىلدىرۋ 6. مەملەكەتتىك مۇددەلەردى ءبىلدىرۋ ولارعا بەكىتىلگەن وكىلەتتىكتەر شەگىندە, كەلىسىمشارتتاردا ۇلەستىك قاتىسۋ قۇقىعىن جۇزەگە اسىرۋ ارقىلى ىسكە اسىرىلادى. 7. ۇلتتىق كومپانيا نەمەسە ونىڭ اففيليرلەنگەن تۇلعاسى كەلىسىمشارتتارداعى قاتىسۋ ۇلەستەرىن باسقارۋدى كەلىسىمشارتتاردا كوزدەلگەن ورگاندار, بىرلەسكەن قىزمەت تۋرالى شارتتار جانە وپەراتورلاردىڭ قۇرىلتاي قۇجاتتارى (كونسورتسيۋمدار قۇرىلعان جاعدايدا) جانە (نەمەسە) جارعىلىق كاپيتالىنا بىرلەسكەن قاتىسۋمەن ۇيىمداردىڭ قۇرىلتاي قۇجاتتارى ارقىلى جۇزەگە اسىرادى. 8. كەلىسىمشارتتى ورىنداۋ كەزىندە ۇلتتىق كومپانيا وزگە جەر قويناۋىن پايدالانۋ قۇقىعىن يەلەنۋشىلەرمەن كەلىسىمشارتتا كوزدەلگەن مۇناي وپەراتسيالارىن ىسكە اسىرۋ ءۇشىن تالاپ ەتىلۋى مۇمكىن كەلىسىمدەردىڭ كەز كەلگەن تۇرلەرىن جاساي الادى جانە مۇنداي كەلىسىمدەردىڭ ەرەجەلەرى كەلىسىمشارتتىڭ ەرەجەلەرىنە كايشى بولماۋعا ءتيىس. 9. كەلىسىمشارتتاردا مەملەكەتتىك مۇددەلەردى ءبىلدىرۋ زاڭدارعا, قازاقستان رەسپۋبليكاسى پرەزيدەنتىنىڭ جارلىقتارىنا جانە/نەمەسە تاپ­سىر­مالارىنا, قازاقستان رەسپۋبليكاسى ۇكىمەتى­نىڭ, قۇزىرەتتى ورگاننىڭ جانە ولاردىڭ قۇزىرەتى شەگىندە وزگە دە مەملەكەتتىك ورگانداردىڭ شەشىمدەرىنە جانە/نەمەسە تاپسىرمالارىنا, سون­داي-اق ءمۇناي-گاز جانە ەنەرگەتيكا سالاسىن دا­مىتۋ بويىنشا قازاقستان رەسپۋبليكاسىنىڭ ۇكى­مەتى جانىنداعى كونسۋلتاتيۆتىك-كەڭەسشى ورگان­داردىڭ شەشىمدەرىنە سايكەس جۇزەگە اسىرىلادى. قۇزىرەتتى ورگان ۇلتتىق كومپانيامەن ءمۇناي-گاز سەكتورىنداعى مەملەكەتتىك ساياساتتىڭ قازاق­ستان رەسپۋبليكاسىنىڭ زاڭناماسىندا ايقىن­دالاتىن نەگىزگى باعىتتارىن وزگەرتۋ مۇمكىن­دىگىن ەسكەرە وتىرىپ, مىندەتتى ۇلەستىك قاتىسۋمەن كەلىسىمشارتتاردا بىرىڭعاي مەملەكەتتىك ساياساتتى ىسكە اسىرۋدىڭ نەگىزگى قاعيداتتارى تۋرالى مەموراندۋم جاساسادى. 10. ۇلتتىق كومپانيا كەلىسىمشارتتاردا قا­زاقستان رەسپۋبليكاسىنىڭ زاڭناماسىندا جانە كەلىسىمشارتتا بەلگىلەنگەن تارتىپپەن مۇناي وپەراتسيالارىن جۇرگىزۋ كەزىندە مەملەكەتتىك ءمۇد­دەلەردى ساقتاۋعا, ونىڭ ىشىندە: 1) تاۋارلاردا, ءجۇمىستار مەن قىزمەتتەردە قازاقستاندىق قامتۋ بويىنشا كەلىسىمشارتتىق مىندەتتەمەلەردى ورىنداۋعا; 2) كادرلاردا قازاقستاندىق قامتۋ بويىنشا, سونداي-اق كەمسىتپەۋشىلىك نەگىزدە قازاقستاندىق كادرلاردىڭ جاعدايلارىن قامتاماسىز ەتۋ جانە ەڭبەكاقى تولەۋ بويىنشا كەلىسىمشارتتىق مىندەتتەمەلەردى ورىنداۋعا; 3) ءوندىرۋشى سالالار قىزمەتىنىڭ اشىقتىعى باستاماسىنىڭ تالاپتارىن ساقتاۋ بويىنشا; 4) جوعارى تەحنولوگيالاردى جانە كەن ورىن­دارىن بارلاۋ مەن پايدالانۋدىڭ وڭ پراكتيكاسى نەگىزىندە جەر قويناۋى رەسۋرستارىن ەكونومي­كالىق ءتيىمدى يگەرۋگە, سونداي-اق ادامداردىڭ ءومىرى مەن دەنساۋلىعىنىڭ قاۋىپسىزدىگىن قامتا­ماسىز ەتۋگە; 5) جوعارى تەحنولوگيالاردى, جاڭا جانە وڭدەۋشى وندىرىستەردى دامىتۋ مەن پايدالانۋعا, ينفراقۇرىلىمدىق جانە وزگە دە وبەكتىلەردى قۇرۋعا جانە بىرلەسىپ پايدالانۋعا; 6) مەملەكەت پەن جەر قويناۋىن پايدالانۋ­شىلاردىڭ ەكونوميكالىق مۇددەلەرىنىڭ بالانسى­نا قول جەتكىزۋگە ىقپال ەتەدى. 11.ۇلتتىق كومپانيانىڭ نەمەسە ونىڭ اففيليرلەنگەن تۇلعاسىنىڭ ۇلەسىن تومەندەتۋ ءناتي­جەسىندە ۇلەستىك قاتىسۋ مولشەرى وسى قاعيدانىڭ 7-تارماعىندا كورسەتىلگەن ورگاندار قابىل­دايتىن شەشىمدەرگە ىقپال ەتۋ مۇمكىندىگىن قامتاماسىز ەتۋى ءتيىس. 12. ۇلتتىق كومپانيانىڭ باستاماسى بويىن­شا جەر قويناۋىن پايدالانۋ قۇقىعىن توقتاتۋ تۋرالى شەشىم ۇلتتىق كومپانيا ۇسىنعان نەگىزدەمەلەردى, ينۆەستيتسيالىق تاۋەكەلدەردى كەشەندى تالداۋدى جانە مەملەكەتتىك ورگانداردىڭ الەۋ­مەت­تىك سالا ءۇشىن سالداردى ەسكەرە وتىرىپ, جەر قويناۋىن پايدالۋ سالاسىندا بىرىڭعاي مەملەكەتتىك ساياساتتى ىسكە اسىرۋ شەڭبەرىندەگى بار تاپسىرمالارى ەسكەرىلە وتىرىپ قابىلدانادى. 13. ۇلتتىق كومپانيا نەمەسە ونىڭ اففيليرلەنگەن تۇلعاسى وزگە جەر قويناۋىن پايدا­لانۋشىلار جەر قويناۋىن پايدالانۋعا بۇرىن جاساعان كەلىسىمشارتتاردا ساتىپ الىنعان قاتىسۋ ۇلەسىن باسقارۋدى وسى كەلىسىمشارتتاردىڭ ەرەجەلەرىن ەسكەرە وتىرىپ جۇزەگە اسىرادى. 14. ەگەر جەر قويناۋىن پايدالانۋعا ارنالعان كەلىسىمشارت ىسكە اسىرىلاتىن اۋماقتاعى ەلدىڭ زاڭناماسىندا, حالىقارالىق شارتتا جانە ونى ورىنداۋ ءۇشىن جاسالعان كەلىسىمدەردە وزگەشە كوزدەلمەسە, ۇلتتىق كومپانيانىڭ وزگە مەملە­كەت­تەردىڭ اۋماعىندا حالىقارالىق شارتتار نەگىزىندە ىسكە اسىرىلاتىن كەلىسىمشارتتاردا مەملەكەتتىك مۇددەلەردى ءبىلدىرۋى وسى قاعيدادا كوزدەلگەن تارتىپپەن جۇزەگە اسىرىلادى.