حالىقتىڭ شىنايى سەنىمى

اسا قۇرمەتتى نۇرسۇلتان ءابىش ۇلى! ءسىزدى مىڭداعان تەمىرجولشىلار اتىنان  قازاقستان رەسپۋبليكاسى پرەزيدەنتى لاۋازىمىنا  رەسمي  كىرىسۋىڭىزبەن قۇتتىقتايمىز! تاريحي كۇن – 2011 جىلعى 3 ساۋىردە ءسىزدىڭ مەملەكەت باسشىسى, دا­نا ساياساتكەر رەتىندە العا قاراي تابىستى قايتا قۇرۋلارعا باستاي بەرەتىندىگىڭىزگە قازاقستان حالقى ءبىراۋىزدان دەرلىك سەنىم ءبىلدىردى. قازاقستان تاۋەلسىزدىگىنىڭ 20 جىلىندا ءسىزدىڭ باسشىلىعىڭىزبەن ەلىمىز مەملەكەت قۇرۋدا, ەكونوميكالىق دامۋدا, ۇلتارالىق كەلىسىمدە, ازاماتتاردىڭ ءال-اۋقاتىنىڭ جاقسارۋىندا تولاعاي تابىس­تار­عا قول جەتكىزدى. ءسىزدى سىندارلى ساياساتكەر رەتىندە  الەم مويىنداپ وتىر. الەم جانە قوعام كوشباسشىلارى تۇراقتىلىق, ىقپالداستىق, تاتۋ كورشىلىك, ارىپتەستىك بولاشاعىنا ءۇمىتىن سىزبەن بايلانىستىرادى. بۇگىندە, ءسىز باسقارعان قازاقستان حالقى ەۋرازيا كەڭىستىگىندەگى بەيبىتشىل بولاشاققا نىق قادام باسىپ كەلەدى. سىزگە ەل ەكونوميكاسىنىڭ دامي ءتۇسۋى جانە گۇلدەنۋى جولىندا تىڭ باستامالاردى ودان ءارى جۇزەگە اسىرۋدا شىن جۇرەكتەن زور دەنساۋلىق, ۇزاق عۇمىر تىلەيمىز! «قازاقستان تەمىر جولى» ۇك» اق پرەزيدەنتى اسقار مامين, قر تەمىرجولشىلار كاسىپوداعىنىڭ توراعاسى ورازعالي احمەتباەۆ.