ەكىنشى مارتە سەنىم كورسەتىلدى

كەشە مەملەكەت باسشىسى نۇرسۇلتان نازارباەۆ قازاق­ستان رەسپۋبليكاسى پارلامەنتى ءماجىلىسىنىڭ جالپى وتى­رى­سىندا ءسوز سويلەپ, پارلامەنت ءماجىلىسىنىڭ قاراۋىنا قا­زاقستان رەسپۋبليكاسى پرەمەر-ءمينيسترىنىڭ لاۋازى­مى­نا كانديداتۋرانى ۇسىندى. – قازاقستاندىقتار وتكەن سايلاۋعا, وسى جىلدار ىشىندە سىزدەرمەن بىرگە اتقارعان بار­لىق جۇمىستارىمىزعا جوعارى باعا بەردى. سايلاۋداعى جەڭىسكە ءدال سايلاۋ كۇنى قول جەتكىزىلمەيدى. وعان سايلاۋدان الدە­قاي­دا بۇرىن, بارلىق ىستەر مەن قورىتىندىلار ارقىلى جانە ءبىزدىڭ حالىققا دەگەن كوز­قا­را­سى­مىز ارقىلى قول جەتكىزىلەدى. ناق وسى ارقىلى, – دەدى پرەزيدەنت, – سايلاۋدىڭ ناتيجەلەرى حالقىمىزدىڭ ۇيىمشىل­دى­عىن, كوپۇلتتى قازاقستاننىڭ بىرلىگىن جانە ءبىز ۇستانعان, مەن باسشىلىق ەتىپ كەلە جاتقان باعىتتى قولدايتىنىن تاعى دا كورسەتىپ بەردى. ەندى ءبىز مەنىڭ جولداۋىمدا جاريالانعان, «نۇر وتان» پارتياسىنىڭ سەزىندە سويلەگەن سوزىمدە بەلگىلەنگەن مىندەتتەر توڭىرەگىندە توپتاسۋىمىز كەرەك. بۇل ين­دۋس­تريالىق-يننوۆاتسيالىق باع­دارلاما, وتە قيىن ءارى اۋىر مىندەت. مەن ونى تاۋەلسىزدىكتى نىعايتۋ سياقتى اسا قيىن مىندەت رەتىندە اتادىم, ويتكەنى, بولاشاق ءۇشىن, قازاقستان­دىق­تار­دىڭ كەلەشەك ۇرپاعى ءۇشىن بۇعان كوپ نارسە بايلانىستى. مەن حالقىمىز وتە جاقسى قا­بىلداعان الەۋمەتتىك جاڭعىرتۋ تۋرالى باياندادىم. ءبىز وزگە كوپ مەملەكەتتەر جاسامايتىن نەمەسە جاساي المايتىندى جا­ساۋدامىز. الدا ءبىز وسى مىندەتتەردى ورىندايتىن بولامىز. ءبىز بۇل كەشەندى باعدارلامانى بار­لىق باعىتتار بويىنشا جۇزەگە اسىرۋىمىز كەرەك. ين­دۋس­تريالىق تا, الەۋمەتتىك تە باعىتتا, اۋىل شارۋاشىلىعى, ءبىلىم, عىلىم سالالارىندا دا. سوندىقتان, ءبىزدىڭ كونستي­تۋ­تسيا­مىزعا سايكەس مەن ۇكى­مە­تى­مىزدىڭ باسشىسىن تاعايىنداۋعا كەلىسىم الۋ ءۇشىن كەلدىم. مەن ۇكىمەتتىڭ وتستاۆكاسى تۋرالى قۇجاتتى الدىم. كونستيتۋتسيا وسىلاي دەيدى. پرەزيدەنتتى ساي­لاعاننان كەيىن ۇكىمەت اكىم­دەر سياقتى ءوز وكىلەتتىگىن توقتاتادى. پارلامەنت ساي­لاۋ­ىندا جەڭىسكە جەتكەن پارتيا فراكتسياسى كانديداتۋرانى ۇسى­نادى, ءماجىلىس بۇعان كەلىسىمىن بەرەدى. ەلباسى كەلەسى كەزەكتە بۇل مۇلدە جاڭا دەموكراتيالىق نور­ما ەكەنىن اتاپ كورسەتتى. كونستيتۋتسيا بىزدەن وسىنى تالاپ ەتەتىندىكتەن, ءبىز ونى ءمۇل­تىك­سىز ورىنداۋعا ءتيىسپىز. ءبىز يندۋستريالىق باعدارلاما­مىز­دى جانە مەن بەلگىلەپ بەرگەن بارلىق باعدارلامالاردى ءجۇ­زە­گە اسىرۋدىڭ وسىنداي وتپەلى كەزەڭىندە تۇرعانىمىزدى ەسكەرسەك, قازىرگى ۇكىمەت وتە جۇ­مى­لا جۇمىس جاسادى جانە بۇكىل الەمدە ورىن العان داعدارىستى ەڭسەرۋ باعىتىندا ءبىزدىڭ ءبارى­مىزدىڭ كومەگىمىزبەن, شۇعىل جاع­دايدا زاڭدار قابىلداعان پارلامەنت دەپۋتاتتارىنىڭ كومەگىمەن كوپ ءىس تىندىردى. ءبىز داعدارىستى جەڭدىك. بۇل – فاكت. الەمدە ەشكىم ءالى دە مۇنىڭ جاقىن ارادا قايتالانبايتىنىنا كەپىلدىك بەرە المايدى. تۋراسىن ايتقاندا, بۇل ورايدا قۋانتارلىقتاي ال­عى­شارتتار جوق, دەپ جالعادى ءسوزىن مەملەكەت باسشىسى. ۇكىمەت, كونستيتۋتسيانىڭ 1-با­بىنىڭ 70-تارماعىنا سايكەس, وكى­لەت­تىگىن توقتاتتى. مەن وتستاۆ­كا­نى قابىلداپ الدىم جانە ولارعا بۇل جۇمىستى ۇكىمەتتىڭ تولىق قۇرامى جاساقتالعانشا جالعاس­تى­رۋدى تاپسىردىم. كونستيتۋ­تسيا­نىڭ 44-بابىنا سايكەس, پرەزيدەنت كەلىسىم الۋ ءۇشىن پارلامەنت ءماجىلىسىنىڭ قا­راۋىنا پرەمەر-ءمينيستردىڭ كان­ديداتۋراسىن ۇسى­نادى. ونىڭ الدىندا ءماجى­لىستەگى ساياسي پار­تيا­لاردىڭ فراك­تسيالارىمەن كە­ڭەس وتكىزەدى. پالاتا باسشىلى­عىمەن جانە بيۋرو مۇشەلەرىمەن, سونىمەن قاتار, ءبىزدىڭ پارتيالىق فراكتسيامەن مۇنداي كەڭەستى مەن جاڭا عانا وتكىزدىم. ەندى وسىدان كەيىن, دەپ ساباق­تادى ءسوزىن پرەزيدەنت, سىزدەردىڭ, پارلامەنتتىڭ قاراۋىنا كەلىسىم بەرۋ ءۇشىن قازاقستان رەسپۋبلي­كاسى پرەمەر-ءمينيسترى لاۋازى­مى­نا كارىم قاجىمقان ۇلى ءماسى­موۆتىڭ كانديداتۋراسىن تاعايىن­داۋ جونىندە ۇسىنىس ەنگىزىپ وتىر­مىن. الدىندا ايتقانىمداي, ول بۇل قىزمەتتە ءوزىنىڭ مىندەتتەرىن كاسىپقويلىقپەن اتقارا الاتىن, ءوز ارىپتەستەرىنىڭ قويان-قولتىق جۇمىسىن شەبەر ۇيىمداستىرا الاتىن ادام رەتىندە كورسەتتى. بۇل كانديداتۋرا بۇگىنگى كۇن ءۇشىن جانە ءبىزدىڭ ۇكىمەتتىڭ ءتيىمدى جۇمىسى ءۇشىن مەيلىنشە لاي­ىق­تى دەپ سانايمىن. وعان ۇكى­مەت­تىڭ ناق وسى قۇرامى جاساعان باعدارلامالاردى ورىنداۋدى تاپ­سىرۋىمىز ءۇشىن دە بۇل كانديداتۋرا لايىق. سوندىقتان, ەلىمىز كونستيتۋتسياسىنىڭ 56-بابىنا ءساي­كەس, ماجىلىستەن قازاقستان رەس­پۋب­ليكاسى پرەمەر-ءمينيسترى لاۋازىمىنا كارىم قا­جىم­قان ۇلى ءماسىموۆتىڭ كانديداتۋرا­سىن تا­عايىنداۋعا كەلىسىم بەرۋدى سۇرايمىن, دەدى پرەزيدەنت. تالقىلاۋدان سوڭ پارلامەنت ءماجىلىسى دەپۋتاتتارىنىڭ داۋىس بەرۋ ءراسىمى ءوتتى. قاتىسىپ وتىر­عان 104 دەپۋتاتتىڭ 104-ءى قازاق­ستاننىڭ پرەمەر-ءمينيسترى لاۋ­ا­­زى­مىنا ك.ق. ءماسىموۆتى تا­عاي­ىن­داۋعا كەلىسۋدى قولداپ داۋىس بەردى. – مەن مەملەكەت باسشى­سىنىڭ, پرەزيدەنتتىڭ ەڭبەگى قان­داي ەكەنىن بىلەمىن. بۇل – اۋىر جۇمىس. مەن وسى جىلدار ىشىندە قازاقستاننىڭ بارلىق تۇپكىر-تۇپكىرىن ارالادىم. مەن بولماعان اۋداندار مەن اۋىل­دار جوق شىعار. مەن شارۋا­نىڭ, جۇمىسشىنىڭ, جاس ادام­نىڭ, ستۋدەنتتىڭ, عالىمنىڭ جان-دۇنيەسىن تۇسىنۋگە تىرى­سا­مىن. وسى رەتتە, ەڭ باستىسى, ارينە, زەينەتاقى ماسەلەسى, ەڭ­بەكاقى مەن الەۋمەتتىك تولەم­دەر, سونداي-اق تۇراقتىلىق, تىنىشتىق, ءبىزدىڭ ادامدارى­مىزدىڭ ەرتەڭگى كۇنگە دەگەن سەنىمى. الەمدە نە بولىپ جات­قانىن كورىپ وتىرىپ, مەن ءبىزدىڭ قازاقستاندىقتاردىڭ انا­عۇر­لىم توپتاسا تۇسكەنىن بايقاي­مىن. قازاقستاندىقتار بارلى­عى­نىڭ الدىندا, ءبىر-ءبىرىنىڭ ال­دىندا وزدەرىنىڭ دانالىعىن, وزدەرىنىڭ زور جاۋاپكەرشىلىك سەزىمدەرىن كورسەتتى. مىنە, ەڭ باستىسى وسى. ەگەر وسىنداي اۋىزبىرلىك ءاردايىم بولاتىن بولسا, بىزدە باسقانىڭ ءبارى بار. بىزدە مىندەتتەردى جۇزەگە اسىرۋ ءۇشىن قارجى بار, بىزدە جۇمىس ىستەي الاتىن, باسقارا الاتىن ادامدار بار. بىزدە حالىقتى بولاشاققا باستاي بىلەتىن جاڭا بيزنەس, مەنەدجەرلەر بار. ەڭ باستىسى – تۇراقتىلىقتى ساق­تاۋ, سوندا عانا يگىلىككە قول جەتكىزەمىز, – دەپ اتاپ ءوتتى نۇرسۇلتان نازارباەۆ. قازاقستان رەسپۋبليكاسى­نىڭ پرەمەر-ءمينيسترى ك. ءما­سى­موۆ مەملەكەت باسشىسى نۇر­سۇلتان نازارباەۆقا زور سەنىم بىلدىرگەنى ءۇشىن العىسىن ايتتى. – بۇل – مەن ءۇشىن ءسىزدىڭ كومانداڭىزدا بولۋدىڭ تاعى ءبىر مۇمكىندىگى. سىزگە راحمەت, مەن ءسىزدىڭ سەنىمىڭىزدەن شى­عامىن. 2007 جىلدىڭ قاڭتار ايىندا ءسىز مەنى العاش رەت پرەمەر-مينيستر ەتىپ تا­عايىن­دادىڭىز. سول كەزدە مەن پارلامەنت دەپۋتاتتارىنىڭ ال­دىندا مىنبەردە تۇرىپ, قان­داي قىزمەتتە بولسام دا مەن ءسىزدىڭ ءاردايىم سەنىمدى كومەك­شىڭىز بولامىن دەپ ايتقان ەدىم. نۇرسۇلتان ءابىش ۇلى, مەن بۇگىن تاعى دا قايتالايمىن, مەن بۇرىنعىسىنشا سىزگە كو­مەكشىمىن جانە شاكىرتپىن. مەن قازاقستاندى دامىتۋ جولىن­داعى ۇلكەن ىستەرگە قاتىسۋعا ءسىزدىڭ سەنىم بىلدىرگەنىڭىز ءۇشىن ەرەكشە قۋانىشتىمىن, – دەدى ك. ءماسىموۆ. مەملەكەت باسشىسى نۇر­سۇل­تان نازارباەۆ جاڭا ۇكىمەت مۇشەلەرىن تاعايىنداۋ ماسە­لەسى كەلەسى اپتادا شەشىمىن تاباتىنىن اتاپ ءوتتى. پرەزيدەنت دەپۋتاتتار مەن بارشا قازاقستاندىقتارعا پرەزيدەنتتىك سايلاۋدا قولداۋ كورسەت­كەندەرى ءۇشىن تاعى دا العىسىن ءبىلدىردى جانە بۇل ورتاق جەڭىس قازاقستاندىقتاردى توپتاستى­رىپ, بولاشاققا دەگەن ءۇمىتىن وياتاتىنىن اتاپ ءوتتى. اسقار تۇراپباي ۇلى.