ۇكىمەت ءوز مىندەتىن اتقارا بەرەدى

كەشە تاۋەلسىزدىك سارايىندا وتكەن ەلباسىن ۇلىقتاۋ سالتا­نا­تىنان كەيىن پرەمەر-مينيستر كارىم ءماسىموۆ كونستيتۋ­تسيا­نىڭ 70-بابىنىڭ 1-تارماعىنا سايكەس, ۇكىمەتتىڭ جاڭادان ساي­لان­عان قازاقستان رەسپۋبليكاسى پرەزيدەنتىنىڭ الدىندا ءوز وكىلەتتىگىن توقتاتاتىنىن حابارلادى. الدىمەن كارىم ءماسىموۆ ۇكى­مەت مۇشەلەرى اتىنان ەل­باسى نۇر­سۇلتان نازارباەۆتى سايلاۋ­دا­عى جەڭىسىمەن جانە پرەزيدەنت رەتىندە رەسمي ىسكە كىرىسۋىمەن قۇت­تىقتادى. مەن بارلىق ۇكىمەت مۇشەلەرىنە ءبىر­لەسە قويان-قولتىق جۇمىس ات­قارعان جىلدار ءۇشىن ال­عى­سىمدى جەتكىزگىم كەلەدى. مە­نىڭشە, بىزدەر قازاقستان حالقىنا, ەلباسىنا ادال قىزمەت ەتتىك. مەن وسىندا وتىرعان ءاربىرىمىز وسى قۇ­رامدا جۇمىس اتقارعان ءار كۇنىمىز ءۇشىن ۇيالمايمىز دەپ ويلايمىن. ءبىز قولىمىزدان كەلگەن ءىستىڭ بار­لىعىن ىستەدىك. ەندى باسقالار بىزدەن گورى جاقسىراق ىستەسىن. مەن ءوز اتىمنان ارىپتەس بوپ جۇمىس اتقارعان ءاربىر كۇن ءۇشىن سىزدەرگە ۇلكەن راحمەت ايتقىم كەلەدى, دەدى ول. بۇدان سوڭ ك.ءماسىموۆ كونستي­تۋ­تسيانىڭ 70-بابىنىڭ 1-تار­ما­عى­نا جانە  قازاقستان رەس­پۋب­لي­كاسىنىڭ ۇكىمەتى تۋرالى كونستي­تۋ­تسيالىق زاڭنىڭ 4-با­بىنا ءساي­كەس قازاقستان رەسپۋب­ليكاسىنىڭ جاڭادان سايلانعان پرەزي­دەنتى­نىڭ الدىندا ءوز وكىلەتتىگىمىزدى توق­تاتامىز, دەي كەلە قۇجاتقا ءوز قولىن قويدى. وسى كۇنى, ياعني 8 ساۋىردەن باستاپ جاڭا مەرزىمدەگى پرەزيدەنتتىك قىزمەتىنە كىرىسكەن مەملەكەت باس­شىسى نۇرسۇلتان نازارباەۆ جاڭا ۇكىمەت قۇرامى بەكىتىلگەنگە دەيىن قازىرگى ۇكى­مەتتىڭ ءوز مىندەتتەرىن اتقارا بە­رەتىندىگى تۋرالى جار­لىق­قا قول قويدى. ۆەنەرا تۇگەلباي.