ورالمان جاستاردىڭ كورمەسى اشىلدى

استانادا ورالمان جاس سۋ­رەت­شىلەردىڭ «وتانىم – التىن بەسىگىم» اتتى شىعارماشىلىق كور­مە­سى اشىلدى. كورمەگە قاتى­سۋ­شى­­لار – اتا جۇرتىنا ورالعان جاس تالانت يەلەرى جۇسىپبەك ءدا­لەل­حان, قايرات جايىربەك ۇلى (قى­­تاي حا­لىق رەسپۋبليكا­سى­نان), امان­جول مۇساليموۆ (رەسەي) ءجا­نە رۋسلان جۇسىناليەۆ (قىر­عىزستان). بارىمىزگە بەلگىلى, اتا-بابا­مىز عاسىرلار بويى ارمانداعان ازاتتىق تاڭى اتقالى ىرگەلەس ەلدەردەن 1 ميلليونعا جۋىق قازاق تۋعان جەرگە تابان تىرەسە, سولار­دىڭ اراسىندا ءارتۇرلى مامان­دىق­تاردىڭ قۇلاعىن ۇستاعان ازاماتتار دا از ەمەس. سونىڭ ءبىرى – قىل­قالام ۇستاعان سۋرەتشىلەر قاۋى­مى دەسەك, بۇگىنگى تاڭدا ولاردىڭ بىرقاتارى, ەلوردانىڭ مادەني-شىعارماشىلىق ومىرىنە ءوز ۇلەس­تەرىن قوسۋدا. كورمەنى اشقان قر سۋرەتشىلەر وداعىنىڭ مۇشەسى قوڭىر مۇحام­مەديەۆ: – بۇگىنگى كورمەمىزدە وسكەن ور­تا­لارىندا قازاقى رۋحتى جو­عالت­پاي, شىنايى مادە­نيەتىمىزدى ساق­تاپ, بۇگىنگى جاڭارعان قازاق­ستانعا جەتكىزگەن باۋىرلارى­مىز­دىڭ شى­عار­ماشىلىق تۋىندى­لا­رى­نىڭ كۋا­گەرى بولىپ وتىرمىز. وسىنداي جاق­سى ىستەر جالعاسىن تابا بەرەتىنىنە سەنەمىن. اتا جۇر­تىنا تابان تىرەگەن جاس تالانت­تارىمىزدىڭ تۋعان جەرىنە بەرەرى كوپ, – دەدى. كورمەگە ارنايى كەلگەن بەلگىلى قوعام قايراتكەرى, قر «كوشى-قون» زاڭىنىڭ اۆتورى اكىم ىسقاق جاستارعا جىلى لەبىزىن ءبىلدىرىپ, كىتاپتارىنا قولتاڭبا­سىن قويىپ, سىيعا تارتتى. كورمەگە قويىلعان جاس ونەر­پازداردىڭ تۋىندىلارىندا بەينەلەنگەن قازاق ومىرىنەن, جاڭا استانامىزدىڭ كورىنىس­تەرىنەن ورالمان باۋىرلارىمىزدىڭ تۋ­عان جەرگە دەگەن ۇكىلى ساعى­نى­شىن كورەمىز. ە.ەرعالي ۇلى. استانا.