عارىشكەرلەرگە ارنالعان اپتالىق

اقتوبەدەگى تاحاۋي احتانوۆ اتىنداعى وبلىستىق دراما تەاترىندا وبلىستىق پلانەتاري ۇجىمى تۇڭعىش عارىشكەر يۋري گاگاريننىڭ عارىشقا ۇش­قانىنا 50 جىل تولۋىنا وراي ۇيىمداستىرعان «جۇل­دىز­دى 50 جىل» اپتالىعىنىڭ سالتانات­تى اشىلۋى ءوتتى. كەشتە كورەرمەندەر نازا­رىنا تۇڭعىش عارىشكەر يۋري گاگارين تۋرالى بەينەماتەريال ۇسىنىلدى. اپتالىقتىڭ اشى­لۋ سالتاناتىندا ءسوز العان وب­لىستىق مادەنيەت باسقارما­سى­نىڭ باستىعى ءنازيرا تابىل­دينوۆا شارانىڭ وتكىزىلۋىنە ءسات­تىلىك تىلەسە, عارىشكەر-سىناقشى, اۆياتسيا پولكوۆنيگى, قر ۇعا «قازعارىش» وكىلى ايدىن ايىم­بەتوۆ ەلىمىزدەگى عارىش سالاسى­نىڭ دامۋىن, وسى باعىتتا ءتۇرلى جوبالار قولعا الىنىپ, جوبالاۋ مەن سىناق جۇمىستارى جۇرگىزىلىپ جاتقانىن باياندادى. سونداي-اق جازۋشى-فانتاست, تمد استرونوميا-گەودەزيا قوعامىنىڭ مۇشەسى ءجۇنىس ساحيەۆ جۇلدىزدارعا تە­مىر­قازىق, ۇركەر, سۇمبىلە دەپ ات قويعان قازاققا عارىش كەڭىستىگىنىڭ تاڭسىق ەمەستىگىن, توپىراعىنان ەكى عارىشكەر تۇلەپ ۇشقان اق­توبەنى عارىشكەرلەر بەسىگى دەۋگە بولاتىنىن اتاپ ءوتتى. كەشكە جينالعاندار وسى جەردە قالالىق تەحنيكالىق شىعار­ما­شىلىق ورتالىعىنىڭ ءۇيىر­مە­سىنە قاتىسۋشىلاردىڭ قولىنان شىق­قان ءتۇرلى جۇمىستاردى تاما­شا­لادى. بيىل كسرو-نىڭ ۇش­قىش عارىشكەرى, كەڭەس وداعى­نىڭ با­تىرى ۆ.پاتساەۆتىڭ عا­رىش­قا ۇش­قا­نىنا 40 جىل, ءبىرىنشى تۇڭعىش قازاق عارىشكەرى توق­تار ءاۋ­باكىر­وۆتىڭ ۇشقانىنا 20 جىل, جەرلەسىمىز, ۆ.پاتساەۆ اتىن­داعى جاس ۇش­قىشتار مەكتەبىنىڭ تۇلەگى يۋري لونچاكوۆتىڭ العاش عارىشقا ۇش­قانىنا 10 جىل, ۇلتى­مىزدىڭ ماق­تانىشى, قازىر ۇلتتىق اەروعا­رىش اگەنتتىگىنىڭ توراعاسى, ۇشقىش-عارىشكەر, حا­لىق قاھار­مانى ت.مۇ­ساباەۆتىڭ ءۇشىنشى رەت ۇش­قا­نىنا 10 جىل تو­لادى. اپ­تالىق اياسىندا ءوت­كىزى­لەتىن شارالاردا بۇلار دا اڭگىمە وزەگىنە اينالماق. ساتىبالدى ءساۋىرباي. اقتوبە وبلىسى.