تاۋەلسىزدىك جارشىسىنا قۇرمەت

ەل گازەتى «ەگەمەننىڭ» قالىڭ وقىرمانى سەمەيلىك جازۋشى مەدەۋ سارسەكەنىڭ تاۋەلسىزدىك جو­لىن­دا باسىن بايگەگە تىككەن حال­قى­مىزدىڭ سوڭعى حانى كەنەسارى كوتەرىلىسىنىڭ شىندىعىن قىلى­شى­نان قان تامعان زاماندا اشىپ كورسەتۋدەن ەش تايسالماعان تا­ريح­شى عالىم ەرمۇحان بەكماحانوۆ تۋرالى استاناداعى «فوليانت» باسپاسىنان ەكى تىلدە, سون­داي-اق ماسكەۋدەگى «مولودايا گۆارديا» باسپاسىنان الەمگە ايگىلى «جزل» سەرياسىمەن دەرەكتى كىتا­بىن شىعارعانىنان حاباردار. ءويت­­كەنى, جىل سوڭىندا «ەگەمەن قازاق­ستان» مەن «كازاحستانسكايا پراۆدا» اتالعان تاريح­شى­نىڭ شەرلى تاري­حى تۋرالى جازۋ­شى­مەن كولەمدى سۇحباتتار جاريا­لاعان بولاتىن. ۇستانعان باعىتىنان قايتۋدى بىلمەگەن ەر ەرمۇحاندى تاۋەل­سىز­دىك جارشىسى دەگەن ءلازىم دەيدى جازۋشى اعامىز. ال بيىلعى جىل­دىڭ سوڭىندا ەل تاۋەلسىزدىگىنىڭ 20 جىلدىعى اتالىپ وتىلمەك. سوعان وراي تاريحشى تۋرالى بۇل كىتاپ­تىڭ ەڭ العاشقى تۇساۋكەسەر ءراسىمى الماتىداعى ءال-فارابي اتىن­داعى قازاق ۇلتتىق مەملەكەتتىك ۋني­ۆەرسيتەتىندە وتكەن بولسا, ونىڭ سەبەبى دە جوق ەمەس-ءتى. ءويت­كەنى, ەرەكەڭ وسى قاراشا­ڭىراقتا 1946-1966 جىلدار ارالىعىندا جيىرما جىلداي ەڭبەك ەتىپ, قازاق تاريحى كافەدراسىنىڭ ىرگەسىن قالاعان ەدى. ۇلت تاريحىنا دەن قوي­عان تاريحشىلار مەكتەبى دە سول تۇستا قالىپتاسقان. ەل تاۋەلسىزدىگىنىڭ 20 جىل­دى­عى اياسىندا وتكىزىلگەن تاۋەلسىز­دىك جار­شىسىنا ارنالعان كىتاپتىڭ تۇ­ساۋ­كە­سەرىن اتالعان ۋنيۆەر­سي­تەتتىڭ رەك­تورى, عىلىم دوك­تورى, پروفەسسور ع.ءمۇتانوۆ كىرىسپە سوزبەن اش­قان سوڭ, بەلگىلى تاريح­شىلار ت. ومار­بەكوۆ پەن ب.كارى­باەۆ عۇمىر­نا­ما­لىق كىتاپ جايلى ءوز پىكىرلەرىن ور­تا­عا سالدى. جي­نالعاندار ۋ.شا­لە­كەنوۆ, م.اسىل­بەكوۆ, ت.تۇر­لى­عۇل سىن­دى بىلىكتى تاريحشىلار مەن ەرەكەڭنىڭ جۇ­بايى ح. بەك­مۇ­حا­مەد­وۆانىڭ جانە تاعى باسقا­لار­دىڭ ءسوزىن دە زەيىن قويا تىڭ­دا­عا­نىن دا ايتا كەتسەك دەيمىز. بۇدان كەيىن وسىنداي تۇساۋ­كەسەر ءراسىمى تاريحشى عالىم­نىڭ تۋعان جەرىندە جالعاسىپ, بايان­اۋىل, ەكىباستۇز جانە پاۆلو­دار­دا­عى وقىرماندارمەن كەزدەسۋگە جا­زۋ­شىمەن بىرگە ەرە­كەڭ­نىڭ ۇلى سەر­مۇحان دا قاتىسۋى كەش ماز­مۇنىن ارتتىرا تۇسكەنى انىق. داۋلەت سەيسەن ۇلى.