«مۇنداي سايلاۋدى بۇرىن كورگەن جوق ەدىك»

چەليابى وبلىسىنان كەلگەن بايقاۋشىلار وسىلاي مالىمدەدى وبلىستا سىرتتان كەلگەن بايقاۋشىلار جۋرناليستەر ءۇشىن ءباسپاسوز ءماسليحاتىن وتكىزدى. بۇرىن جاز­­عانىمىزداي, قوستاناي وب­لى­سى­نا كورشى چەليابى وب­لىسىنان 21 باي­قاۋ­شى كەلگەن بولا­تىن. ولاردىڭ بار­لى­عى دا وبلىس ور­تالىعى مەن اۋدان­دارداعى سايلاۋ ۋچاسكەلەرىن­دە بولدى. – سايلاۋ كۇنى بايقاۋشىلار 200-دەن اسا ساي­لاۋ ۋچاسكەلەرىن ارالاپ كوردىك. سولاردىڭ بار­لىعىندا دا تۇسكە دەيىن سايلاۋشىلار داۋىس بەرۋ بيۋللەتەنىن الىپ, كابيناعا كىرۋ ءۇشىن كەزەككە تۇر­عانى, داۋىس بەرۋگە ادامداردىڭ جاۋاپكەرشىلىكپەن, شىنايىلىقپەن قاراعانى ءبىزدى تاڭعالدىردى. ءبىز قازاقستانداعى سايلاۋلارعا بۇرىن دا باي­قاۋشى رەتىندە قاتىسقانبىز, رەسەيدە دە سايلاۋ وتكىزىپ ءجۇر­مىز, بىراق مۇنداي سايلاۋ كورمەگەن ەدىك,–دەپ ءما­لىمدەدى بايقاۋشىلاردى باستاپ كەلگەن چەليابى وبلىسى اكىمشىلىگىنىڭ ايماقتارمەن قارىم-قاتىناس جونىندەگى باسقارماسىنىڭ باس­تىعى ۆيتالي شيكوۆ. بايقاۋشىلار كابيناعا ەكى ادامنان كىر­گەن­دەردىڭ بولعانىن ايتتى. بىراق ونى دا وزدەرى «ەرەجە بۇزۋعا جاتقىزۋعا بولماس» دەپ تۇزەدى. ويتكەنى, سايلاۋعا كەلگەن قاريالارعا كومەك كەرەك بول­عاندىقتان, ولاردىڭ ءوتىنىشى بويىنشا بالاسى نەمەسە نەمەرەسى كابيناعا بىرگە كىرگەن جاعدايلار كەزدەسكەن. سونىمەن قاتار, رەسەيلىك بايقاۋشىلار سايلاۋعا دايىندىقتى دا جوعارى باعالادى. ءنازيرا جارىمبەتوۆا. قوستاناي.