تەك قانا العا! جاسا, قازاقستان!

قۋان قازاق باعىڭنىڭ جانعانىنا, وتىردى نۇرسۇلتانىڭ «حان تاعىنا» بۇل تاڭداۋ حالقىمىزدىڭ بولاشاعى, نۇر شاشقان التىن اراي جان-جاعىنا.   قۇرمەتتى مۇنىڭ ءوزى بيىك سەنىم, كوپ كۇتكەن قالاۋىمىز  مەنىڭ, سەنىڭ. تاعى ءبىر تامساندىرعان بار الەمدى, ەلىمنىڭ بۇل جەڭىسى ەمەس تەگىن.   ءبىز بۇگىن وركەنيەت جولىندامىز, زامانا اعىمىنىڭ وڭىندامىز. شۇكىرلىك ەشتەڭەدەن كەندە ەمەسپىز, الەمدە مارتەبەلى ورىندامىز.   جاڭاشا باعىت الدى عىلىم, ءبىلىم, ولارعا ارقاۋ بولدى انا ءتىلىم. ساناعا يماندىلىق ۇيالاتىپ, حالقىنا قىزمەت ەتتى ءدىلىم, ءدىنىم.   نارىقتىڭ قىسپاعىنان ۇتقانىمىز - جان-جاقتى جەڭىسپەنەن شىققانىمىز. شەشۋشى ورىن الدى ىلگەرىدەن, الەمدىك ساياساتتا ىقپالىمىز.   بىزگە جات قىرعي قاباق  جانجال, ەگەس, بىزگە جات قۇبىلمالى جالعان ەلەس. الەمدىك تىنىشتىقتى ساقتاۋ ءۇشىن, ءۇن قوسپاي قازاقستان قالعان ەمەس.   ءدال سولاي بەيبىتشىلىك ۇرانىمىز, نىق باسىپ وسى جولدا تۇرامىز ءبىز. سوعادى وسىلاي دەپ جۇرەگىمىز, وسىلاي شىرقالادى جىر, ءانىمىز. بىلمەيمىز جەڭىستەردەن باسقانى ءبىز, جەڭىستىڭ كۇش-قايراتى جاستارىمىز. سولار عوي-بولاشاققا تۇتقا بولار, سولار عوي-بولاشاقتا اسقارىمىز.   ۇرپاعى بابا جولىن كىرلەتپەيدى, بۇل وعان سەنىم ارتقان مىندەت دەيدى. ەلىمدە بولىپ جاتىر عاجايىپتار, ايتۋعا سونىڭ ءبارىن ءتىل جەتپەيدى.   كۇن سايىن مايەكتەنىپ تىرلىك ءنارى. ۇلى كوش جىلجىپ باراد ودان ءارى, نۇرسۇلتان ەسىمىمەن بايلانىستى – ايدارلى اتقارىلعان ءىستىڭ ءبارى.   اعايىن, جەڭىسىمىز قۇتتى بولسىن, جەڭىستىڭ تۇعىرىنا باقىت قونسىن. جوسپارى بولاشاقتىڭ ورىندالىپ, ورداسى ەلىمىزدىڭ قۇتقا تولسىن.   باعدارلاپ وڭ مەن سولىن بالا كەزدەن, ەلىنىڭ بولاشاعىن ەرتە سەزگەن. حالقىنىڭ قالاۋلىسى نۇرسۇلتاندى- ساقتاي گور ءتاڭىرىمىز ءتىل مەن كوزدەن!   قۋانىش كەۋدەمىزدى كەرنەي بەرسىن, قۇلاشىن بولاشاققا سەرمەي بەرسىن. تەك العا, جاسا, جاسا قازاقستان! تۇعىرى تاۋەلسىزدىك ورلەي بەرسىن!   سوۆەتحان قاليعوجين. شىعىس قازاقستان وبلىسى, كۇرشىم اۋدانى, تەرەكتىبۇلاق اۋىلى.