سەنىم سالتاناتى

الماتى كەشەگى كۇن ءبىزدىڭ بولاشاق سپورت­شىلاردى باۋليتىن ءبىلىم ور­دامىزدا مەرەكەگە اينالدى. مۇن­دا پرەزيدەنت نۇرسۇلتان نا­زار­با­ەۆتىڭ ءوز قىزمەتىنە كىرىسۋىن ۇلىق­تاۋ راسىمىنە ارنالعان ميتينگى اس­تاناداعى ۇلىق وقيعانىڭ ءىزىن الا جەدەل وتكىزىلىپ, وعان سپورت­شىلار, ستۋدەنتتەر, وقۋ ورنىنىڭ وقىتۋ­شىلارى مەن قوناقتارى قاتىستى. اكادەميا رەكتورى, پروفەسسور قايرات زاكىريانوۆ قازاق مەملەكەتتىلىگى قالىپتاسۋىنىڭ داڭقتى ءارى قيلى دا قيىن تاريحىنا شەگىنىس جاساپ, ەگەمەندىكتىڭ سوڭعى 20 جىلىنداعى قاداۋ-قاداۋ جارقىن بەلەستەردى اتاپ ءوتتى. – ءبىز بۇكىلالەمدىك ۋنيۆەرسيادالار مەن وليمپيا ويىندا­رىن­داعى تاماشا جەڭىستەرىمىزدى ماق­تان ەتە الامىز. سول جەڭىستەردىڭ ارقاسىندا تۋعان قازاقستانى­مىز­دى الەم جۇرتشىلىعى تاني ءتۇ­سۋ­دە, – دەدى ءبىرىنشى كۋرس ستۋدەنتى, ازيا ويىندارىنىڭ ەكى دۇركىن چەمپيونى الەكسەي لەۆكين. – سپورت ءبىزدىڭ ەلىمىزدىڭ بەت-بەينەسىن تا­نىتار برەندىنە اينالدى. اكادەميا ارداگەرى ماي حۆان, قازاق تىلىندە تاماشا سويلەگەن ءبىرىنشى كۋرس ستۋدەنتى وليا موسكوۆچەنكو جانە باسقالار بارشانى يناۋ­گۋ­را­تسيا وتكەن قۋانىشتى وقي­­عا­مەن قۇت­تىقتاپ, وزدەرىنىڭ ءار­قا­شان ەلبا­سى­مەن بىرگە ەكەندىكتەرىن مالىمدەدى. پەتر پومينوۆ, قازاق سپورت جانە تۋريزم اكادەمياسىنىڭ وقىتۋشىسى. * * * اتىراۋ ۇزاق جىل اتىراۋ وبلىسىنىڭ باسقارۋ ورگاندارىندا قىزمەت ىستەي ءجۇرىپ, ەلىمىز وركەندەسە ەكەن, حالقىمىزدىڭ تۇرمىسى جاقسارسا ەكەن دەۋشى ەدىك. سول ماقساتىمىز ەلىمىز تاۋەلسىزدىك العاننان كەيىن ىسكە اسا باستادى. عاسىرعا تا­تى­عان 20 جىلدىڭ ىشىندە قازاق­ستان­دى, قازاق حالقىن الەم تا­نىدى. قا­زاق­ستان دەسە, قازاقتىڭ تۇڭعىش پرە­زيدەنتى نۇرسۇلتان نازارباەۆ دەسە جاھان جۇرتى ەلەڭ ەتەتىن بول­دى. ەلباسىنىڭ ۇلتتىق ەكونومي­كا­نى وركەندەتۋدەگى ساياساتىن حا­لىق ءار كەز قولدايتىنى مەرزىمىنەن بۇرىن وتكەن پرەزيدەنت ساي­لاۋ­ىندا ايقىن بايقالدى. ال كەشەگى مەملەكەت باسشىسىن ۇل­ىق­تاۋ ءراسىمىن وتباسىمىزبەن تەلەديداردان تىكەلەي ەفير ارقىلى كور­دىك. يناۋگۋراتسيانىڭ ءسان-سالتانا­تىمەن وتكەنىنە, قارۋلى كۇشتە­رى­مىزدىڭ ساپ تۇزەگەنىنە, نۇرسۇلتان ءابىش ۇلىنىڭ شەشەندەرشە كوسىلە سويلەگەنىنە – ءبارى-بارىنە مارقاي­ىپ وتىردىق. جۇرەگىمىزدى ماقتا­نىش سەزىمى كەرنەدى. كوشباسشىسىن تاڭداۋدا جا­ڭى­لىسپاعان قازاقستانداي ەلدە تۇ­راتىن ۇرپاعىمىزدىڭ كەلەشەگى جارقىن بولسىن! ەل اماناتىن ار­قالاعان نۇرسۇلتان نازارباەۆتاي كەمەڭگەر تۇلعامىز امان بولعاي! ورىنعالي قاراساەۆ, رەسپۋبليكالىق دارەجەدەگى دەربەس زەينەتكەر, اتىراۋ وبلىسىنىڭ قۇرمەتتى ازاماتى. * * * اقتوبە ەلباسىنىڭ يناۋگۋراتسياسى كۇ­نى ءبىزدىڭ «اقتوبەمۇناي-گاز» اكتسيونەرلىك قوعامى ءۇشىن اقجولتاي ساتتىلىكتەرگە تولى بولدى. ۇج­ىم­دا ەڭبەك ەتەتىن سەگىز مىڭعا جۋىق جۇمىسشىلار وسى ءبىر سالتاناتتى ساتكە ادەيى دايىندالعانداي قى­رۋ­ار ءىستىڭ باسىن قايىردى. اتاپ ايتساق, كەشە بارلاۋ بلوگىنداعى ءتورت ۇڭعىما بۇرعىلاندى, كەڭ­قي­ياق تۇز استى كەن ورنىنداعى ءۇش ۇڭعىمانى دا بۇرعىلاۋ اياقتالدى. سونداي-اق, ناق وسى كۇنى جىل باسىنان بەرى 1548610 توننا مۇ­ناي وندىرۋگە قول جەتكىزىلدى. بۇل ءوت­كەن جىلعى وسى كەزەڭمەن سا­لىس­­تىرعاندا 13479 تونناعا كوپ. مىنە, «اۋەلى ەكونو­ميكا, سونان كەيىن بارىپ ساياسات» قاعيداسىن ۇس­تانىپ كەلە جاتقان ەلباسىنىڭ يناۋگۋراتسيا سالتا­نا­تىن ءبىزدىڭ اك­تسيو­نەر­لىك قوعام وس­ىنداي ەكپىندى ەڭ­بەك­پەن قارسى الدى. تەلەديداردان ەلباسى ءسوزىن تىڭ­داپ, ەلىمىزدە قول جەتكەن تابىستار مەن ىزدەنىس­تەر­دىڭ الدا دا جال­عاسىن تاباتىنىن ايقىن اڭعار­دىق. ەل­با­سىمەن ەر­تە­ڭى­مىز­دىڭ ىرگەسىن بىرگە قالاۋعا جۇ­مىلا وتى­رىپ, جاڭا بەلەستەردى الاتى­نى­مىز­عا كۇمان جوق. بولات كوپتىلەۋوۆ, «سنپس-اقتوبەمۇناي-گاز» اق وندىرىستىك-تەحنولوگيالىق جۇمىستاردى ۇيلەستىرۋ دەپارتامەنتىنىڭ ديرەكتورى. * * * اقمولا جالپىحالىقتىق سايلاۋدا جە­ڭىپ شىققان تۇڭعىش پرەزيدەنتىمىز نۇرسۇلتان نازارباەۆتى ۇل­ىق­تاۋ سالتاناتىن تەلەديداردان تاماشالاۋ بارىسىندا ايرىقشا ماق­تانىش سەزىمىنە بولەندىم. بۇل دانا حالقىمىزعا, دارا كوشباس­شى­مىزعا دەگەن ماقتانىش ەدى. ەلباسىمىز ۇنەمى بىزبەن بىرگە. اتا زاڭىمىزعا قولىن قوي­ىپ, قازاقستان حالقىنا انت بەرگەن نۇرسۇلتان ءابىش ۇلى: «اق جۇرەك حالقىمنىڭ سەنىمىن اقتاي­مىن. «كوپ تىلەگى – كيەلى» دەگەن ناقىل تاۋىپ ايتىلعان. ءسىز­دەر­دىڭ الدا­رىڭىز­داعى جاۋاپكەرشىلىكتى سەزىنەمىن جانە سىزدەرمەن بىرگە ۇلكەن جە­ڭىس­تەرگە قول جەتكىزەمىز. وت­باسىلا­رى­ڭىز بەرەكەلى, بار­شا­ڭىز امان بولىڭىزدار», دەگەندە: «ءاۋ­مين», دەپ بەت سي­پادىق. ەل­باسىمىز ءبىزدىڭ ۇيگە كىرىپ كەلگەندەي, 10 بالام مەن 14 نەمەرەمنىڭ باسىنان سيپاعانداي تولقىدىم. ەلباسىمىزدىڭ باستى ۇستا­نى­مى حالقىمىزدىڭ ءال-اۋقاتىن ءۇز­دىكسىز كوتەرۋ ەكەندىگى بولاشا­عى­مىز­دىڭ بەكەمدىگىن ايعاقتايدى. دامۋىمىزدىڭ الداعى كەزەڭى دە جاقسىلىق شاراپاتتارىنا تولى بولاتىنىنا سەنەمىن. ۇلىق توي قۇت­تى بولسىن. كوكشەلىكتەر دە ءوزى­نىڭ تاۋەلسىزدىك, ابىلاي حان, كوكشەتاۋ اتالاتىن الاڭدارىندا دۇركىرەتىپ دۋمانداتۋدا. تويى­مىز تويعا ۇلاسسىن. جىبەك ءجۇنىسوۆا, «التىن القالى» انا. * * * باتىس قازاقستان پرەزيدەنتىمىزدى ۇلىقتاۋ ءراسى­مى وتكىزىلگەن كۇن – ءبىزدىڭ كا­سىپ­ورىننىڭ وندىرىستىك ومىرىندەگى اي­رىقشا, ەستە قالاتىن كۇندەردىڭ ءبىرى بولىپ قالماق. ويتكەنى, ءدال وسى كۇنى و باستان ماشينالار جا­ساۋ­عا مامانداندىرىلعان ءبىزدىڭ زاۋىت­تىڭ كونۆەيەرىنەن تۇڭعىش رەت قالا كوشەلەرىنە سۋ سەۋىپ, جول جۋاتىن ارنايى كولىك شىعارىلدى. ماسەلەنىڭ ءمانىسى مىنادا. ءبىز وتكەن جىلى الەمگە ايگىلى مينسك اۆتوموبيل زاۋىتىمەن رەسپۋبلي­كانىڭ كوممۋنالدىق قىزمەتىنە قاجەتتى ارنايى كولىكتەر شىعارۋ جونىندە كەلىسىمگە كەلگەن بولا­تىن­بىز. وعان قاجەتتى بولشەكتەر مەن پريبورلاردىڭ ءبارى بىزدە جا­سالادى. ءارى وعان بەلارۋس ەلىنەن جەتكىزىلگەن شاسسيلەر قون­دى­رى­لا­دى. ال ارنايى كولىكتىڭ نەگىزگى قاڭقاسى مەن قۇرىلىمدارىن مينس­كىلىك ارىپتەستەرىمىز ازىرلەيدى. كوممۋنالدىق قىزمەتتىڭ ارنا­لارى سان-سالالى. ونىڭ جىقپىلى مەن ىشكى يىرىمدەرى از ەمەس. كوم­مۋنالدىق قىزمەت قاجەتتىلىگىنە با­عىتتالعان ارنايى كولىكتەر شى­عا­رۋ ارقىلى ءبىز رەسپۋبليكادا وسى سا­لاداعى رەفورمانىڭ اياعىنا دەيىن جەتۋى ءۇشىن وعان ءوز ۇلە­سى­مىز­دى قو­سۋ­دى كوزدەپ وتىرمىز. قا­زاق­ستان, رەسەي جانە بەلارۋس مەملەكەتتەرى ارا­سىنداعى كەدەندىك وداق وڭ ىقپا­لىن تيگىزگەنىن دە ايتا كەتكىم كەلەدى. عيمران بيسەنوۆ, «ورالاگرورەمماش» اق پرەزيدەنتى. * * * جامبىل مىنا سايكەستىكتى قاراڭىز. ەلدە سايلاۋ بولىپ, وعان جاسى بار, جاسامىسى بار قاراپايىم حالىق جاپپاي قاتىسىپ, ءوز تاڭداۋلارىن جاساپ جاتقان تۇستا ءبىزدىڭ شۋ قا­لاسىنان «ەنيسەي-قامقور-1200» اتتى كومبايننىڭ العاشقى دا­نا­سى قۇراستىرىلىپ ءبىتتى. ەل ديقان­دارى ءۇشىن اسا قاجەتتى بۇل جو­با­نى «شۋ-لوكوموتيۆ» زاۋىتى كا­سىپ­ورىنى مەن رەسەيدىڭ كراسنويار قالاسىنداعى «تراكتور زاۋىتى كون­تسەرنى» جشس وندىرىستىك كوم­پا­نياسى قولعا العانىن ءبىر اي بۇ­رىن ەستىگەنمىن. ەندى, مىنە, ادام ايتسا سەنگىسىز ۋاقىتتا كەلىسىم-شارت­قا سايكەس العاشقى كومباين ءدۇ­نيەگە كەلىپ وتىر. «قۋانىش بولىسسە كوبەيەدى», دەگەن. سايلاۋدا ءوزىم داۋىس بەرگەن ۇمىتكەر باسەكەدەن دارابوز كەلىپ, ۇلىقتالىپ جاتقان تۇستا ال­عاش­قى كومبايننىڭ يەسى ءوزىم بول­عانىمدى رياسىز كوڭىلمەن ءبو­لىس­كىم كەلەدى. مەنىڭ جەكە مەنشىك شا­رۋاشىلىعىم قازاق ەگىنشىلىك عىلىمي-زەرتتەۋ ينستيتۋتىنىڭ عى­لىمي قىزمەتكەرلەرىمەن بىرىگىپ, جازدىق ارپانىڭ جاڭا س­ۇ­رىپ­تارىن سىناقتان وتكىزىپ, وندىرىسكە ەنگىزۋ جۇمىستارىمەن جۇيەلى ءتۇر­دە اينالىسۋدا. مەنى ەگىن شا­رۋاشىلىعى ەلگە تانىتىپ وتىر. بۇگىندە ول اۋ­دان­نىڭ 3211 گەكتار القابىن الىپ جا­تىر. قۇداي قا­لا­سا, ەل ري­زى­عىن ەندى ەلباسىن ۇلىقتاۋ كۇنى سىي­لىققا بەرىلگەن كومباينمەن جي­ناي­تىن بولامىن. جۇماحان وسپانوۆ, «نۇر-2000» جشس ديرەكتورى. * * * قاراعاندى ومىردە قۋانىشقا كوبىرەك ءبو­لەن­گەنگە نە جەتسىن. سوندايدا ءال­بەت­تە, ءمانى مەن ءجونى جاعىنان ءبو­لەك قۋانىشتار بولاتىنى انىق. سونى ءبىز كەشە كوردىك. ول – ەل­باسىمىزدى ۇلىقتاۋ سالتاناتى. نۇرسۇلتان ءابىش ۇلى نازار­با­ەۆ­تىڭ قازاقستان رەسپۋبليكاسى پرە­زيدەنتى مىندەتىن اتقارۋعا كىرىسۋى ءراسىمىن الىستاعى اۋىل ازا­ماتتارى – بىزدەردىڭ كوڭىلىمىزدى قاتتى تول­قىت­تى. اۋداندىق ور­تا­لىق كىتاپحانادا ارداگەرلەر, مۇ­عا­لىمدەر, وقۋ­شى­لار ەرتە باسقو­سىپ, وسى ءبىر تاماشا ءرا­سىمدى تەلەديداردان تىكەلەي كوردىك. ەلباسىن قۇتتىقتاۋعا جي­نال­عان اس­تا­نالىق­تاردىڭ دۋ قول شا­پا­لاق­تاۋىنا قو­سىلىپ ءبىز دە قارقارالىدا وتى­رىپ قۋانىشىمىزدى بىلدىردىك. مەملەكەت باسشىسى الدا تۇر­عان مىندەتتەردى تۇجىرىمداپ اي­تىپ بەر­دى. سۇيىكتى قازاقستا­نى­مىزدى كوپ­تەگەن قيىندىقتاردان الىپ شى­عىپ, جاڭا جەڭىستەرگە جىگەرلەندىرۋشى ۇلت جەتەكشىسىنىڭ كەمەڭگەرلىك باس­شى­لى­عى مەن ساياسي كورەگەن­دى­گى­نىڭ جەمىسىن كورە بەرەتىنىمىزگە سەنىم مول. ءبىز ەل­با­سىعا قاشاننان شەكسىز سەنەمىز. قۋا­نىش قۇتتى بولسىن, الەۋمەت! ەركىن قاسىمجانوۆ, قارقارالى اۋداندىق ارداگەرلەر كەڭەسىنىڭ توراعاسى. * * * قىزىلوردا كەشە استانادا پرەزي­دەنت­تىڭ رەس­مي تۇردە قىزمەتىنە كىرىسۋ ءرا­سىمى ءوتتى. تاۋەلسىزدىك سا­رايى­نان تارتىلعان تىكەلەي باي­لا­نىس بۇكىل رەسپۋبليكادا كورسە­تىل­دى. اقمە­شىت­تىڭ اقجارقىن حال­قى دا ەل­با­سى نۇرسۇلتان نازار­با­ەۆتىڭ ۇل­ىق­تاۋ ءراسىمىن تەلەديداردان تاما­شا­لادى. قوعامنىڭ قوزعاۋشى كۇشى – جاس­تار. ولاردى مەملەكەتشىلدىككە, ۇلتجاندىلىققا تاربيە­لەيتىن جو­عارى وقۋ ورىندارى. مىنە, سو­لار­دىڭ ءبىرى – قورقىت اتا اتىن­دا­عى قى­زىل­وردا مەملەكەتتىك ۋنيۆەرسيتەتى. كەشە وسىندا ستۋدەنتتەر استانادا ءوت­كەن ەلباسىن ۇل­ىقتاۋ ءرا­سىمىن تىكەلەي ەفير ارقىلى تەلەديداردان تاماشالادى. ۋنيۆەرسيتەتتىڭ ءماجىلىس زالى كو­رەرمەنگە تولىپ وتىردى. وسى­ناۋ تاريحي كۇندى تىكەلەي باي­لا­نىس ار­قى­لى تاماشالاعان وقىتۋ­شى­لار مەن ستۋدەنتتەر قۇرامى ەل­باسى انت قا­بىل­داعان تۇستا ەرەك­شە تەبىرەندى. ال مەملەكەتتىك ءانۇران ور­ىن­دال­عاندا زال ءدۇر ەتىپ كوتە­رىل­دى. ودان كەيىن ەل­باسىنىڭ ءسوزىن ىجداھاتتى­لىق­پەن تىڭداپ, سوڭى­نان ءوز ويلارى­مەن ءبولىستى. قايىرباي زاكىروۆ, سۋرەتشى-گرافيك. * * * قوستاناي مەن «الپامىس» اياق كيىم فاب­ريكاسىندا قىرىق جىلدان بەرى ەڭبەك ەتىپ كەلەمىن. ينستيتۋتتان كەيىن جاس مامان رەتىندە وسى ۇج­ى­منىڭ تابالدىرىعىن ات­تا­عان ەد­ىم. سودان بەرگى بۇكىل عۇ­مىرىم وسىندا ءوتىپ كەلەدى. قازىر اياق كيىم فابريكاسىنىڭ باس ينجە­نەرى بو­لىپ قىزمەت ىستەيمىن. اي­تايىن دە­گەنىم, ءبىزدىڭ كاسىپ­ور­ىن­داعى جۇ­مىسشى ۇجىمى تالاي سايلاۋدى وتكىزىپ كەلەمىز. ويتكەنى, مۇندا ءوزىم سياقتى ارداگەر جۇ­مىس­شىلار جەتكىلىكتى. كەيىنگى جىل­دارى جاستار دا كەلىپ جاتىر. سايلاۋ مەن يناۋگۋراتسيا كەزىندە ونى ءبىز ەستە قالارلىقتاي ەتىپ وتكىزۋدى ويلاستىرعانبىز. سونىڭ ءبىر بەلگىسىن ناقتى مىسالمەن اي­تاي­ىن. كەشە 380 ادامدىق زاۋىت ۇجىمىنداعى جاستار «نۇر وتان» پارتياسىنىڭ قاتارىنا ءوتۋ تۋرا­لى ۇسىنىس جاسادى. ءبىز ولاردى دەرەۋ قولدادىق. ءسويتىپ, ءبىزدىڭ ۇجىمدا كوشباسشىسى ەلباسى بو­لىپ تا­بىلاتىن «نۇر وتان» حا­لىق­تىق-دەموكراتيالىق پارتيا­سى­نىڭ باس­تاۋىش ۇيىمى قۇرىل­دى. جانە ول قاي كۇنى دەيسىز عوي. ۇلىقتاۋ ءرا­سىمى كۇنىندە پرەزي­دەن­تىمىزدى قول­داۋ­دى, ونىڭ ساياسا­تىن جۇزەگە اسى­رۋ جولى وسى دەپ وتىرمىز. اننا بەگا, «الپامىس» اياق كيىم فابريكاسىنىڭ باس ينجەنەرى. * * * ماڭعىستاۋ يناۋگۋراتسيا كۇنى مىنا ءجايت­تەر ويىما ورالىپ وتىر. كەشەگى سايلاۋدا بىزدە قۇرىلعان جاستار قاناتى ءوز قاتارلارىنا جاس مۇ­ناي­شىلارمەن بىرگە ايماقتىڭ ستۋ­­دەنتتەرى مەن جۇمىسشى جاس­تا­رىن مولىنان بىرىكتىردى. جارقىن ساتتەردىڭ ءبىرى دەپ ش.ەسەنوۆ ات­ىنداعى كاسپي مەملەكەتتىك تەحنولوگيالار جانە ينجينيرينگ ۋني­ۆەرسيتەتىندە «ەلباسىمەن بىرگەمىز» ينتەرنەت-سايتىنىڭ ۇيىم­داس­تىرىلىپ اشىلۋى دەر ەدىم. وسى سايلاۋدا سەنىمدى وكىل بولدىم. سوندا زەينەتكەرلەر ءجا­نە ارداگەرلەرمەن, ەل اعالارىمەن بىرنەشە كەزدەسۋلەر ءوتتى. ول ءجۇز­دەسۋلەردە ەلباسىعا دەگەن حا­لىق­تىڭ ىستىق ىقىلاسى, لەبىزى, ريزا­شىلىق سەزىمىن ەستۋدىڭ ءساتى ءتۇستى. 3 ءساۋىر كۇنگى سايلاۋدا ايماق ادام­دارىنىڭ داۋىس بەرۋى 94,2 پايىز­دى قۇراپ, 96,58 پايىز ءوز داۋىس­تا­رىن ءتاۋ­ەل­سىز قازاقستاننىڭ تۇڭ­عىش پرەزيدەنتى, الەم تانىعان تاعى­لىم­دى تۇل­عا نۇرسۇلتان نا­زار­باەۆقا بەردى. بۇل ايماق ادام­دارىنىڭ ەل­با­سىنىڭ ەرەن ەڭبەگىن اسا جوعارى باعالاۋى مەن ونىڭ بايتاق ەلىمىزدەگى ساياسي تۇراق­تى­لىق پەن ەكو­نو­ميكامىزدىڭ قار­قىن­دى دامۋ­ىن­دا­عى سارابدال سايا­سا­تىن قىزۋ قول­دا­عاندىقتىڭ بەلگىسى. ماڭ­عىس­تاۋل­ىق­تار بۇگىن وي­داعىمىزدىڭ ورىن­دال­عانىنا قۋا­نىش­تى. اليك ايدارباەۆ, «ماڭعىستاۋمۇنايگاز» اق باس ديرەكتورى. * * * وڭتۇستىك قازاقستان “قازاقستاننىڭ بولاشاعى جار­قىن, تۇعىرى بيىك, مارتەبەسى اس­قاق, ەكو­نوميكاسىنىڭ ورلەۋى ءار­بىر وتان­­داسىمىز ءۇشىن ماڭىزدى. ءبىز تاع­دىرىمىزدى نازارباەۆ ەسىمىمەن بايلانىستىرامىز”, دەيدى رەس­پۋب­ليكاداعى ەڭ ىرگەلى وقۋ ور­ىن­دا­رى­نىڭ بىرىنەن سانالاتىن م.اۋە­زوۆ اتىنداعى وڭتۇستىك قا­زاقستان مەم­­لەكەتتىك ۋنيۆەرسي­تە­تى­نىڭ ۇجىمى. ەر ەلىنە سەنسە, ەلى ەرىنە سەنىپ وتىر. * * * پاۆلودار پرەزيدەنتتىك سايلاۋدا جەڭىس­كە جەتكەن ەلباسى نۇرسۇلتان نا­زارباەۆتىڭ حالىق, ەل الدىنداعى انت قابىلداۋ ءراسىمىن وبلىس ور­تالىعىنداعى «دوستىق» ۇيىندە 19 ۇلتتىق مادەني ورتالىقتارىنىڭ وكىلدەرى باسقوسىپ, تەلەديدار ارقىلى كورىپ, قولداۋ بىلدىردىك. وسىدان ەكى جىل بۇرىن بۇل ءۇيدىڭ اشىلۋ سالتاناتىنا ەلباسى كەلىپ ءوزى قاتىسقان بولاتىن. جينالعان قاۋىم – ءتۇرلى ۇلت وكىلدەرى بىزدەر استانادا ءوتىپ جاتقان ەلىمىز ءۇشىن ماڭىزى بار سالتاناتتى ءراسىمدى كورۋ ەرەكشە ەستە قالاتىن تاريحي كۇن دەپ باعالايمىز. استاناداعى سالتاناتتى ءراسىم­دى كورىپ بولعان سوڭ, مەملەكەت باس­شىسىنا قۇتتىقتاۋ تىلەك بىلدىرگەن جينالعان قاۋىم ءبىر-ءبى­رىمىزدى شىن جۇرەكتەن قۇتتىقتاپ, پرەزيدەنتىمىزدىڭ الداعى جۇمىس­تا­رىنا تولاعاي تابىستار تىلەدىك. سو­نىمەن قاتار «جاڭعىرۋ» دەپ اتا­لاتىن ءتۇرلى ۇلت وكىلدەرىنەن قۇ­رالعان جاستار بىرلەستىگى پات­ري­وتتىق اسقاق اۋەندى اندەردەن شاشۋ شاشىپ, جيىلعان جۇرتتىڭ كوڭىل­دە­رىن ودان سايىن كوتەرە ءتۇستى. وكسانا مارتەنوۆسكايا, بولگار ەتنومادەني ورتالىعىنىڭ جەتەكشىسى. * * * سولتۇستىك قازاقستان ءبىزدىڭ كاسىپورىن ءۇش جىلدان بەرى تەمىر جول سالاسىنا ۆاگوندار شىعارۋ ىسىمەن تۇراقتى تۇردە اي­نالىسىپ كەلەدى. وسى مەرزىم ىشىندە ۆاگوننىڭ ءتورت ءتۇرى يگەرىلىپ, سى­ناق­تان ويداعىداي ءوتتى. تۇتىنۋ­شىلارعا 600 ۆاگون جونەلتتىك. «زيكستو» اق وبلىستاعى جەتەكشى ماشينە جاساۋ كاسىپ­ور­ىن­دارى اراسىندا كوش باستاپ ين­دۋستريالىق دامۋدىڭ جاڭا با­عىت­ت­ارىن تىنباي ىزدەستىرىپ كەلەدى. ءبىز ءار مەرەكەنى لايىقتى تابىس­تارمەن قارسى الۋدى داستۇرگە اي­نالدىرعانبىز. پرەزيدەنتتىڭ كەزەكتەن تىس سايلاۋىندا ءبىر اۋ­ىز­دان ەلباسىعا داۋىس بەرگەن ۇجىم مۇشەلەرى ۇلىقتاۋ ءراسىمى كۇنى اسا ۇيىمشىلدىقپەن جۇمىس ىستەپ, كەزەكتەن تىس 160-شى جۇك ۆاگو­نىن قۇراستىرىپ شىعاردى. ال­دا­عى مەجەمىز ءتىپتى زور. جىل اياعىنا دەيىن 600 ۆاگون شىعارۋدى جوسپارلاپ وتىرمىز. ءوندىرىستى جاڭ­عىر­تۋ باعىتىنداعى قارىشتى قا­دام­دار جالعاسا بەرەتىنى كۇمانسىز. ۆلاديمير شۋماكوۆ, «زيكستو» اق باس ديرەكتورىنىڭ ورىنباسارى. * * * شىعىس قازاقستان يناۋگۋراتسيا سالتاناتىن وب­لىس­تىڭ بارلىق قالالارى مەن اۋدان­دارىندا تۇراتىن ەڭبەك ادامدارى تەلەديداردان تاماشالادى, ءتۇرلى مادەني شارالاردى وتكىزدى. بۇدان باسقا, وبلىس ورتالىعىنداعى شى­عىس قازاقستان مەملەكەتتىك جانە تەحنيكالىق ۋنيۆەرسيتەتتەرىنىڭ كەڭ فويەسىندە «ءبىز ەلباسىمەن بىرگەمىز!» دەگەن تاقىرىپتا ستۋدەنتتەرمەن اڭگىمە وتكىزىلىپ, ءدال سول جەردە ورناتىلعان ۇلكەن تەلەديداردان يناۋ­گۋراتسيا سالتانا­تىن­داعى پرەزيدەنت ءسوزى ىنتا قويا تىڭدالدى. سونداي ءبىر جيىن وبلىستاعى ءوزىم باسقارىپ وتىرعان باسپاحانا «رەكلامنىي دايدجەست» ۇجى­مىن­دا بولىپ ءوتتى. بۇل باسپا ءوندىرىسى قازىر جيىرماعا تارتا رەس­پۋب­لي­كالىق, وبلىستىق, قالا­لىق جانە اۋداندىق گازەتتەردى با­سىپ شىعا­رۋدا. ءبىزدىڭ ۇجىم ەل­با­سىن ۇلىق­تاۋ ءراسىمىن باسىنان اياعىنا دەيىن زەيىن قويا كورىپ, ءوز ريزا­شى­لىق­تارىن ءبىلدىردى. ەلىمىز تاۋەلسىزدىك العان 20 جىل ىشىندە نۇرسۇلتان ءابىش ۇلى كەندى التايدىڭ ەكونوميكاسىن العا باس­­تىرتىپ, توقتاپ قالعان تالاي كا­سىپ­ورىندارعا جان بىتىرتكىزدى. ول­ار ءوس­كەمەن تيتان-ماگني كوم­بي­ناتى, «كازتسينك» جشس, ءۇل­بى مەتاللۋرگيا زاۋىتى. ەل­با­سى­نىڭ وس­ىنداي ەرەن ءىسى بىزگە جىگەر بەرەدى. قايرات مۋسين, «رەكلامنىي دايدجەست» باسپاحاناسىنىڭ ديرەكتورى.