ءدال بۇگىن بۇلاي شالقي سويلەيتىن ءجونىمىز بار. مۇنداي كۇندى قازاق «اق تۇيەنىڭ قارنى جارىلعان كۇن» دەيدى.
بۇگىن قازاقستان رەسپۋبليكاسىنىڭ سايلانعان پرەزيدەنتى نۇرسۇلتان ءابىش ۇلى نازارباەۆتىڭ قىزمەتىنە رەسمي كىرىسۋىنە وراي سالتاناتتى ۇلىقتاۋ ءراسىمى وتكىزىلەدى.
العا اسىرعان ابىلايدىڭ اق جولىن
سىر ۇقتىق بۇل عاجايىپ ۇناسىمنان:
گۇل ءبىتىپ جولىڭىزعا, نۇر شاشىلعان.
ۇشاقپەن كەلىپ قونعان ساتىڭىزدە
اسپاندا بۇلت ىدىراپ, كۇن اشىلعان!..
ءسىز كەلىپ, سايا تاۋىپ, دالا شۋدان,
اسىپپىز سىنىن توسقان سان اسۋدان.
ايباتتى بارىسپەنەن ءسىز باپتاعان
ايۋ دا, ايداھار دا ساناسۋدا.
ەلىم دەپ بۇگىن, مىنە, ماقتانا الام,
ەرىمە قۋات بەرسىن حاق تاعالام!
جەرىندە قىزىلجاردىڭ قولداپ جاتسىن,
جان دوسىن قاسىنا الىپ جاتقان باباڭ!
ءسىز سىندى سۇيگەن, سەنگەن ۇلى باردا,
حالقىمىز ۇمتىلادى بۇگىن العا.
جەبەسىن ارۋاقتار – قوجابەرگەن,
شوقان, ماعجان باستاعان ۇلىلار دا!
تۇرعاندا ءسىز تۋ ەتكەن بىرلىك قولدا,
باسقانى انىق ءبىزدىڭ تىرلىك وڭعا.
نۇر-اعا, جاسامپازسىز جالعاستىرعان
اق جولىن ابىلايدىڭ نۇرلى جولعا!
كارىباي مۇسىرمان.
سولتۇستىك قازاقستان وبلىسى.
