جارقىن جەڭىسىمەن قۇتتىقتادى

ازيالىق ساياسي پارتيالار حالىقارالىق كونفەرەنتسياسى (اسپحك) اتىنان قازاقستاندا وتكەن پرەزيدەنتتىك سايلاۋعا باي­لانىستى ارنايى حات كەلدى. اسپحك توراعاسى, تۇراقتى كوميتەتتىڭ تەڭ توراعاسى حوسە دە ۆەنەسيا مەن ازيا-تىنىق مۇ­حيت ايماعىنىڭ تسەنتريستىك دەموكراتيالىق ينتەرناتسيونالى­نىڭ باس حاتشىسى مۋشاحيد حۋسەين سايەدتىڭ قۇتتىقتاۋىندا بىلاي دەلىنگەن: «پرەزيدەنت ن.ءا.نازارباەۆتى قازاقستان حالقىنىڭ ءبىراۋىزدان قايتا سايلاۋى ونىڭ ورتالىق ازيا مەن ەۋرازيا كەڭىستىگىندەگى كەمەڭگەرلىك كوشباسشىلىعى مەن حالىقارالىق ارەناداعى بيىك بەدەلىنىڭ تاعى ءبىر ناقتى كورسەتكىشى. ازيالىق ساياسي پارتيالار حالىقارالىق كونفەرەنتسياسى مۇشەلەرى – ازيانىڭ ساياسي پارتيالارى, سونىمەن قاتار, ءبىزدىڭ ازاماتتىق قوعام ۇيىمدارىمىز ازيا-تىنىق مۇحيت ايماعىنىڭ تسەنتريستىك دەموكراتيالىق ينتەرناتسيونالىمەن بىرلەسە وتىرىپ, پرەزيدەنت نۇرسۇلتان نازارباەۆتى ءبىزدىڭ ايماق پەن دۇنيە جۇزىندەگى ءتۇرلى تولقۋلاردى, ەتنوستىق جانە ساياسي-ءدىني جانجالداردى ازايتۋعا قابىلەتتى, جاھاندانۋ, دىنارالىق, ينتەرمادەني ۇنقاتىسۋلاردىڭ كوشباسشىسى رەتىندە قولدايدى. قازاقستان – ءوزىنىڭ قيىندىقتارىن جەڭە ءجۇرىپ, الەمدەگى جەتەكشىلىك ورنىن ايقىنداۋعا ۇمتىلعان جاس, تاۋەلسىز مەملەكەت. ءبىز قازاقستان رەسپۋبليكاسىنىڭ پرەزيدەنتى, «نۇر وتان» حالىقتىق-دەموكراتيالىق پارتياسىنىڭ توراعاسى نۇرسۇلتان ءابىش ۇلى نازارباەۆتى جارقىن جەڭىسىمەن قۇتتىقتايمىز!».