اق تىلەكتەر اعىنى

مەملەكەت باسشىسى نۇرسۇلتان نازارباەۆتىڭ اتىنا قوعام جانە  ساياسي قايراتكەرلەردەن, قوعامدىق ۇيىمدار, ەڭبەك ۇجىمدارى باسشىلارىنان, قازاقستان ازاماتتارىنان پرەزيدەنتتىك سايلاۋداعى جەڭىسىمەن قۇتتىقتاعان حاتتار اعىمى جالعاسۋدا. جامبىل وبلىسىنىڭ اكىمى قانات بو­زىمباەۆ ءوز حاتىندا مەملەكەت باس­شى­سىن سايلاۋداعى سەنىمدى جەڭىسىمەن وبلىس تۇرعىندارى اتىنان قۇتتىقتاعان. – ءبىزدىڭ وبلىستىڭ تۇرعىندارى بۇل تاريحي حاباردى ۇلكەن قۋانىش جانە شابىتتى كوڭىل كۇيمەن قابىل­دا­دى. سايلاۋ ناتيجەلەرى بۇل – كوپ ۇلتتى قازاقستان حالىقتارىنىڭ سىزگە دەگەن ۇلكەن قۇرمەتى مەن جوعارى سەنىمى, مەملەكەت باسىنداعى ءسىزدىڭ قىزمەتىڭىزگە بەرگەن جوعارى باعاسى. ءسىز جۇرگىزىپ كەلە جاتقان مەملەكەتتىك ساياساتتىڭ سترا­تەگيالىق كۋرسى بۇل – قازاقستاننىڭ تابىستى دامۋى مەن گۇلدەنۋىنىڭ باستى كەپىلدىگى. ءبىزدىڭ قوعامىمىزدى دەمو­كراتيالىق جاڭعىرتۋدى جۇزەگە اسىرۋ, ەلىمىزدىڭ حالىقارالىق بەدەلىن كوتەرۋ جولىنداعى ءسىزدىڭ ەڭبەگىڭىز – وتانى­مىز­عا دەگەن شەكسىز سۇيىسپەنشىلى­گىڭىز­دىڭ جارقىن مىسالى مەن ەرەكشە ونەگەلى ۇلگىسى بولىپ تابىلادى. ءسىزدىڭ باسشى­لى­عىڭىزبەن ءبىز وتانىمىزدىڭ گۇلدە­نۋى, مەملەكەتىمىزدىڭ قۋاتىنىڭ ارتىپ, ودان ءارى دامۋى ءۇشىن بار كۇش-جىگەرى­مىزدى جۇمسايتىن بولامىز, – دەپ جازىلعان حاتتا. اقتوبە وبلىسى ەتنو-مادەني ءبىر­لەس­­تىگى­نىڭ باسشىلارى دا نۇرسۇلتان نازار­باەۆتى سايلاۋداعى تاماشا جەڭى­سىمەن قۇتتىقتادى. – ەتنو-مادەني بىرلەستىك قازاقستان­نىڭ ۇلى تاريحىنا, مۇنداعى بارلىق حا­لىقتاردىڭ ۇلتتىق داستۇرلەرىنە قاتىس­تى قۇرمەت كوزقاراسىنىڭ نەگىزىندە جاس­تاردى پاتريوتتىق رۋحتا تاربيە­لەۋگە ىقپال ەتىپ كەلەدى. ءسىزدىڭ قول­داۋى­ڭىزدىڭ ناتيجەسىندە بىزگە ءاربىر قازاقستاندىقتىڭ سانا-سەزىمىندە وتا­نى­مىزدىڭ ۇزدىكسىز تاريحي دامۋ يدەيا­سىن بەكىتۋدىڭ, ەلدىڭ وتكەنى مەن بولاشا­عىنىڭ اراسىنداعى بەرىك بايلانىس ءجىبىن ساباقتاستىرۋدىڭ ءساتى ءتۇستى, – دەپ اتاپ كورسەتىلگەن حاتتا. ال «باربانگ» قازاقستان كۇردتەرى اسسوتسياتسياسىنىڭ باسشىلارى وزدە­رى­­نىڭ جولداعان حاتتارىندا نۇرسۇلتان نازارباەۆتىڭ سايلاۋداعى جەڭىسى – بۇل بۇكىل قازاقستان حالقىنىڭ جەڭىسى, ۇلت كوشباسشىسىنا بۇكىلحالىقتىق جوعارى سەنىمنىڭ بەلگىسى ەكەندىگىن جازىپتى. – ەل ەكونوميكاسىن جاڭعىرتۋ مەن مەملەكەتتىڭ ساياسي قۇرىلىسىن نىعايتۋ, دەموكراتيانى دامىتۋ باعىتىنداعى تۇ­راق­تى جانە دانا ساياساتىڭىزدىڭ ءناتي­جە­سىندە ءسىز ەلدىڭ ىشىندە دە, سونداي-اق حالىقارالىق دەڭگەيدە دە ۇلكەن بەدەلگە يە بولدىڭىز. ءوز تامىرىن وتكەن شاق­تار­دان الاتىن قازاقستان حالىق­تارى­نىڭ دوستىعى جىل وتكەن سايىن نى­عاي­ىپ كەلەدى. بۇل وڭ وزگەرىستەردىڭ, جاعىم­دى جەتىستىكتەردىڭ بارلىعى قازاقستان­دىقتاردىڭ وزدەرىنىڭ ۇلتتىق كوشباس­شى­سى رەتىندەگى سىزگە دەگەن ۇلكەن سەنى­مىنىڭ جەتەگىندە جۇزەگە اسۋ ۇستىندە. تى­نىشتىق پەن بەيبىت ءومىردى ساقتاۋ مەن ءوزارا كەلىسىمدى قۋاتتايتىن بىرىڭعاي ۇلت­تىق يدەيانىڭ اينالاسىنا توپتاستى­رىل­عان قازاقستاندىقتار ءسىزدىڭ دانا باسشىلىعىڭىزبەن ءوز بولاشاقتارىن قۇرۋ ۇستىندە, – دەلىنگەن حاتتا. مەملەكەت باسشىسىن سايلاۋداعى سەنىمدى جەڭىسىمەن «اتامەكەن»  وداعى» ۇلت­تىق ەكونوميكالىق پالاتاسىنىڭ اقتو­بە فيليالىنىڭ, وبلىستاعى كاسىپكەر­لەر مەن جۇمىس بەرۋشىلەر, كاسىپورىن­دار وداعىنىڭ باسشىلارى دا قۇتتىقتاعان. – قازاقستاننىڭ تۇڭعىش پرەزيدەنتى رەتىندەگى ءسىزدىڭ قىزمەتىڭىز ەلىمىزدىڭ تۇراقتىلىق پەن گۇلدەنۋ جولىنا ءتۇسۋىن قامتاماسىز ەتتى. قازاقستاننىڭ تاۋەل­سىز­دىگىن نىعايتۋ, ونداعى حالىقتاردىڭ بىرلىگىن قامتاماسىز ەتۋ, ەل ازا­مات­تا­رىنىڭ تۇرمىس دەڭگەيىن جاقسارتۋ باعى­تىنداعى ءسىزدىڭ بەرىك تە ساليقالى سايا­سا­تىڭىزدى ءبىز ارقاشان قولدايمىز, – دەپتى ولار. مەملەكەت باسشىسىن سايلاۋداعى جەڭىسىمەن وسىنداي قۇتتىقتاۋ حاتى «سەمەي ماشينە جاساۋ زاۋىتى» اق باسشىلىعى مەن ۇجىمىنان دا كەلىپ ءتۇستى. – سايلاۋداعى ءسىزدىڭ جەڭىسىڭىز – بۇل قازاقستان حالقىنىڭ قامى مەن ەلدىڭ حالىقارالىق بەدەلىن كوتەرۋ جولىن­داعى ءسىزدىڭ قاجىماس قايراتكەرلىك قىزمەتىڭىزدىڭ جارقىن دالەلى. بۇل جەڭىس ءسىزدىڭ ەلدىڭ الەۋمەتتىك-ەكونوميكالىق جانە ساياسي دامۋىنداعى قالىپ­تاس­تىر­عان باعىتىڭىزدى حالىقتىڭ جۇمىلعان جۇ­دىرىقتاي بىرلىكپەن قولدايتىن­دى­عىن تاعى ءبىر رەت كورسەتىپ بەردى, – دەپ اتاپ كورسەتىلگەن جولدانعان حاتتا. وسىنداي حاتتار اعىنى ەلىمىزدەگى كوپ­تەگەن ەڭبەك ۇجىمدارىنان, قو­عام­دىق ۇيىمداردان تولاسسىز كەلىپ ءتۇسۋ ۇستىندە. ولاردىڭ بارلىعى ءبىر­اۋىز­دان نۇرسۇلتان نازارباەۆتىڭ ساي­لاۋداعى سەنىمدى جەڭىسىن قىزۋ قۇت­تىق­تاي وتىرىپ, وزدەرىنىڭ ەلباسىمەن بىرگە ەكەندىكتەرىن باسا كورسەتكەن. حات جولداۋشىلاردىڭ اراسىندا «الماتى اۋىر ماشينە جاساۋ زاۋىتى» اق ۇجىمى, «بوگاتىر كومىر» كومىرشىلەر ۇجىمى, الماتىداعى «ارىپتەس» ۇكىمەتتىك ەمەس ۇيىمدار كونفەدەراتسياسىنىڭ باسشىلىعى مەن مۇشەلەرى, م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ پروفەسسور-وقىتۋشىلار ۇجىمى مەن ستۋدەنتتەرى, اقتوبە وبلىستىق جاستار ۇيىمدارىنىڭ باسشىلارى مەن ءمۇ­شە­لەرى, ورال جانە گۋرەۆ ارحيە­پيس­كوپى انتوني, سەمەي قالاسىنىڭ تۇر­عىنى ا.قۇدايبەرگەنوۆا, ورال قالا­سىنىڭ تۇرعىنى ا.كاسمال, الماتى قالا­سىنىڭ تۇرعىندارى ح.­باق­تى­باە­ۆا, س.ەرمەكباەۆ, اقمولا وبلىسى ار­شالى اۋدانىنىڭ تۇرعىنى ن.­ەۆا­كوۆ­سكايا, ارال قالاسىنىڭ تۇرعىنى ج.­سال­­مىرزاەۆا, شىمكەنت قالا­سى­نىڭ تۇر­عىنى ك.دوسپانبەتوۆا, كوك­شەتاۋ قا­لاسىنىڭ تۇرعىنى ا.حلىستۋن, ءوڭتۇس­تىك قازاقستان وبلىسى, تۇلكىباس اۋدانى­نىڭ تۇرعىنى, ەڭبەك ارداگەرى,ا.تەرە­ششەنكو, پاۆلودار وبلىسى شارباقتى اۋدا­نىنىڭ تۇرعىنى ا.پولياكوۆ, ەكى­باستۇز قالاسىنىڭ تۇرعىنى ل.باتالوۆ جانە باسقالار بار. ***   قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي ەلباسى نۇرسۇلتان نازارباەۆتىڭ اتىنا ەلىمىزدىڭ بارلىق وڭىرىنەن قۇتتىقتاۋ حاتتار مەن جەدەلحاتتار لەگى تولاسسىز كەلىپ تۇسۋدە. قۇتتىقتاۋشىلاردىڭ ىشىندە ەلىمىز­دىڭ كورنەكتى عالىم-قايراتكەرلەرى بار. سولاردىڭ ءبىرى اكادەميك ءابدۋالي قاي­دار: «ءسىز وسى 20 جىل ىشىندە تالاي بەلەستەردى باعىندىردىڭىز. ەلىمىزدىڭ ابى­رويىن اسقاقتاتىپ, تورتكۇل دۇنيەگە پاش ەتتىڭىز. مەملەكەتىمىزدى جاڭا دامۋ جولىنا ءتۇسىردىڭىز. وسىنداي يگى ىستە­رى­ڭىزدىڭ بۇدان ءارى دە وركەندەي بەرۋىنە شىن جۇرەكتەن تىلەكتەسپىن», دەپ جازا­دى جەدەلحاتىندا. اكادەميك تورەگەلدى شارمانوۆ ءوز حاتىندا: «پرەزيدەنتتىك سايلاۋدا حال­قى­مىز­دىڭ ەلباسىن قولداپ, اق نيەتىن ءبىلدىرۋى بەيبىت عۇمىر مەن جاسام­پاز­دىققا اپاراتىن جولدى تاڭداعانى», دەيدى. سونداي-اق, رابيعا سىزدىقوۆا, ءومىر­زاق ايتباي ۇلى, سەرىك قيرا­باەۆ, تۇرسىنبەك كاكىشەۆ, سەيىت قاس­قا­باسوۆ سىندى اكادەميكتەر جولداعان جەدەلحاتتا: «قازاقستان حالقى ەلىمىزدىڭ سوڭعى جيىرما جىلداعى جوعارى قار­قىندا دامۋى مەن ءوسىپ-وركەندەۋىن ءسىز­دىڭ ەسىمىڭىزبەن بايلانىستىرادى. سون­دىقتان ەل تاڭداۋى تاعى دا سىزگە ءتۇسىپ, تاعى دا سىزگە سەنىم ارتتى», دەلىنگەن. ال, جازۋشى ءسابيت دوسانوۆ ءوز تىلەگىن: «ءسىزدىڭ بۇل تاريحي ۇلى جەڭى­سى­ڭىز – كول-كوسىر ەڭبەگىڭىز بەن كورەگەندىگىڭىزدىڭ جەمىسى», دەپ جەتكىزەدى. سونىمەن قاتار, سەمەي قالاسىنان «اباي قورىنىڭ» پرەزيدەنتى بالتابەك ەرسالىموۆ جەدەلحاتىندا: «ءسىز قازاق حال­قىنىڭ باعىنا تۋعان ازاماتسىز. شى­ناي قۇرمەت پەن شەكسىز ريزاشى­لىققا بولەنە بەرىڭىز», دەپ اعىنان جارىلادى. ال, «اباي» جۋرنالىنىڭ ديرەكتورى ىرىسحان مۇسا ۇلى مەن اقىن مۇراتبەك وسپانوۆ: «اتام قازاق وتىرعان التىن ايدارلى ۇلىنا اقسارباس ايتىپ, تولايىم كوڭىلدەن اق تىلەگىن اق­تارىپ جاتادى. وسى ءداستۇردى ساقتاي وتىرىپ, بۇكىل الەمدى تاڭداي قاقتىرار­لىق تابىسىڭىز بەن سايلاۋداعى ءىرى جەڭىسىڭىز ۇزاعىنان ءسۇيىندىرسىن», دەي كەلە, ەلباسىنىڭ الداعى وكىلەتتىك كەزە­ڭىن­دەگى ەڭبەگىنە تىلەكتەستىك بىلدىرگەن. سونداي-اق, مەملەكەت باسشىسىن وڭتۇستىك قازاقستان وبلىسىنداعى قاپ­لامبەك گۋمانيتارلىق اگرو­ەكونو­مي­كالىق كوللەدجىنىڭ ديرەكتورى ەركىمبەك قانجىگىتوۆ, وڭتۇستىك قازاقستان وبلىسى, سايرام ارداگەرلەر كەڭەسىنىڭ توراعاسى الىبەك باينازار, اۋداندىق ايەلدەر كەڭەسىنىڭ ءتورايىمى سۇلۋشاش قايرانوۆا قاتارلى زيالى قاۋىم وكىل­دەرى جەدەلحات ارقىلى قۇتتىقتاعان. ەلباسىنا اق پەيىلدەرىن بىلدىرگەن­دەر­دىڭ اراسىندا ارداگەرلەر دە از ەمەس. پاۆلودار وبلىسىنان جەدەلحات جولدا­عان ۇلى وتان سوعىسىنىڭ ارداگەرى قابدەش نۇركين: «ەلىن سۇيگەن, ەلى ءسۇي­گەن ەلباسى رەتىندە تولاعاي تابىس­تار مەن بيىك بەلەستەردەن كورىنە بەرى­ڭىز», دەپ ىستىق ىقىلاسىن جەتكىزگەن. وسى وبلىسقا قاراستى ماي اۋدانىنىڭ قۇرمەتتى ازاماتى, ەڭبەك ارداگەرى ءالمىرزا احمەتوۆ ەلباسىن قۇتتىق­تاپ, اق تىلەگىن بىلدىرگەن. «قازاق­ستان­نىڭ جاعدايىن جوندەپ, جەر جۇزىندەگى ۇلكەن مەملەكەتتەردىڭ قاتارىنا قوس­تىڭىز. ەندى بۇدان دا بىلاي ەلىمىزدى كوركەيتە بەرۋىڭىزگە تىلەكتەسپىز», دەپ جازادى جامبىل وبلىسى مويىنقۇم اۋدانىنان حات جولداعان ەڭبەك ارداگەرى ز.قامشىباەۆ. شىعىس قازاقستان وبلىسى, بەس­قا­راعاي اۋدانى تۇرعىندارى اتىنان جەدەلحات جولداعان اۋدان اكىمى ت.جەكسەم­باەۆ مەملەكەت باسشىسىنىڭ الداعى اتقارار ىسىنە تولايىم تابىستار تىلەيدى. وسى وڭىردەگى اباي اۋدانىنىڭ تۇر­عىن­­دارى يگى تىلەكتەرىن جەدەلحات ارقى­لى بىلدىرگەن. پرەزيدەنتتى سايلاۋداعى ۇلكەن جەڭىسىمەن قۇتتىقتاپ, شىنايى لەبىزدەرىن ءبىلدىرىپ جاتقانداردىڭ ىشىندە جامبىل وبلىسى, تاراز قالاسىنداعى «قازفوسفات» اق-تىڭ مىڭداعان جۇ­مىس­شىدان تۇراتىن ۇلكەن ۇجىمى دا بار. «سايلاۋداعى بۇل جەڭىسىڭىزدى ءبىز ەلدى كوركەيتۋدەگى, تىنىشتىقتى ساقتاپ, حا­لىقتىڭ ءال-اۋقاتىن ارتتىرۋداعى ات­قار­عان ەرەن ەڭبەگىڭىزگە وتانداس­تارى­مىز­دىڭ بەرگەن جوعارى باعاسى دەپ بىلەمىز», دەلىنگەن باسقارما توراعاسى م.ەسە­نوۆ پەن باس ديرەكتور م.يس­كانديروۆتىڭ اتىنان كەلگەن جەدەلحاتتا. سونىمەن قاتار, مەملەكەت باسشى­سىن قازاقستان كاسىپكەرلەرى اسسو­تسيا­تسياسى اتىنان باسقارما كەڭەسىنىڭ توراعاسى ج.جانقۇلوۆ قۇتتىقتاپتى. «ءسىزدىڭ وراسان زور ساياسي تاجىريبەڭىز, ومىرلىك دانالىعىڭىز بەن سارقىلماس كۇش-قۋاتىڭىز ءالى ۇزاق جىلدار بويى قازاقستان حالقىنىڭ مۇددەسى جولىندا قىزمەت ەتەتىنىنە سەنىم بىلدىرەمىز», دەپ جازادى ول ءوزىنىڭ حاتىندا. ەلباسىن سايلاۋداعى جەڭىسىمەن قۇت­تىق­تاپ, ىزگى تىلەكتەرىن بىلدىرگەندەر ارا­سىندا قوستاناي وبلىسى, جانگەلدين اۋداندىق ءماسليحاتىنىڭ دەپۋتاتى ك.كار­­بوزوۆ, قازاقستان جاستارى كونگرەسى, م.اۋەزوۆ اتىنداعى وڭتۇستىك قا­زاق­ستان مەملەكەتتىك ۋنيۆەرسيتەتىنىڭ جاستا­رى, وڭتۇستىك قازاقستان وبلىسى تۇر­عىن­دارى اتىنان: كەڭەس وداعىنىڭ باتىرى ت.قاۋىمباەۆ, سوتسياليستىك ەڭ­بەك ەرى ب.شۇكىربەكوۆ, جازۋشى ە.تۇ­رىسوۆ, حا­لىق اقىنى ءا.قالىبەكوۆا, وبلىستىق ارداگەرلەر كەڭەسىنىڭ ءتور­اعا­سى ج.­ماۋ­لەنقۇلوۆ, ق.ا.ياساۋي اتىن­دا­عى حقتۋ ۆيتسە-پرەزيدەنتى ج.اي­مە­نوۆ, ت.ب. بار. «بۇگىن قازاقستان مەن ءسىزدىڭ ەسىمىڭىز قاتار ايتىلادى. ويتكەنى, ەلىمىز تاۋەل­سىزدىگىنىڭ 20 جىلىندا ءسىزدىڭ باستاۋ­ىڭىزبەن قازاق ەلى تورتكۇل دۇنيەگە ايگىلى, الەمنىڭ باسەكەگە قابىلەتتى 50 ەلى­نىڭ قاتارىنا قوسىلۋعا تولىق ءمۇم­كىندىگى بار ىرگەلى دە ەكونوميكاسى قۋات­تى ەلگە اينالدى», دەلىنگەن شىعىس قازاقستان وبلىسى, زايسان اۋدانى, «نۇر وتان» حدپ اۋداندىق فيليالى­نىڭ جانىنداعى شتاب مۇشەلەرى ب.نۇ­راسىل, ق.ابجانوۆ, ە.كەلگەنباەۆ, ا.دۋدنيك جولداعان جەدەلحاتتا. مۇن­داي مازمۇنداعى قۇتتىقتاۋلار سونداي-اق وڭتۇستىك قازاقستان وبلىسى, ماق­تا­ارال اۋداندىق قوعامدىق شتاب مۇشە­لەرى و.اياشەۆ, ي.ۇمبەتاەۆ, قىزىلور­دا وبلىسى, ارال اۋدانىنىڭ تۇرعىنى ج.سالمىرزاەۆا, شىعىس قازاقستان وب­لىسى, جارما اۋدانىنىڭ اكىمى ت.قا­سىمجانوۆ, «نۇر وتان» حدپ جارما اۋداندىق فيليالى «جاس وتان» جاستار قاناتىنىڭ مۇشەلەرى, جارما اۋداندىق سوعىس جانە ەڭبەك ارداگەرلەرى كەڭەسىنىڭ توراعاسى س.جىلقىباەۆ جانە  جارما اۋداندىق قوعامدىق شتاب مۇشەلەرىنەن, ويىلدىق ق.نۇرىمگەرەي ۇلىنان, س.اۋباكىر ۇلىنان, ەڭبەك ارداگەرى ءا.قا­سىم­بەكقىزىنان كەلىپ ءتۇستى.