بەلگىلى اقىن, مەملەكەتتىك سىيلىقتىڭ لاۋرەاتى مارفۋعا ايتحوجينا ۇلتتىق ونەر اكادەمياسىنىڭ ورەندەرىمەن كەزدەستى.
قازاقتىڭ وتكەن عاسىرداعى قيلى تاعدىرى مارفۋعا اقىننىڭ سوقپاقسىز باستالعان سوقتىقپالى ءومىر جولىنا دا ءوز بەدەرىن از سالماعانداي. «ارعى بەت, بەرگى بەت» دەگەن ءسوزدىڭ ماعىناسى ول ءۇشىن تىم تەرەڭدە جاتىر. ءبىر ۋىس توپىراق اتا جۇرتتان بۇيىرۋىن ارمانداعان, اقىرى سول تىلەگىنە جەتكەن اكەسى عالي كەلەدى كوز الدىمىزعا. سوناۋ الاشاپقىن, دۇربەلەڭ ۇركىندىدە اتاسى ايتحوجا يتجەككەنگە ايدالىپ, اكەسى حالىق جاۋى اتانىپ, تۇرمەگە قامالعاندا كوپ بالادان قالعانى قازاقتىڭ بۇگىنگى ايماڭداي اقىنى مارفۋعا ەكەن. سوناۋ ماسكەۋدەن تارتىپ, الماتى, التاي, اتىراۋعا دەيىن اتاسىنىڭ اتىن شىعارعان دا سول قىزى.
ءبىز بىلەتىن مارفۋعا اقىن پوەزيا قۇدىرەتىن ادامدىق اسىل سەزىممەن استاستىرا قابىلدايدى. ومىردەگى جاقسىلىق, ماحاببات, ىزگىلىك اتاۋلىنىڭ نەگىزى وسى اياۋلى سەزىمدە جاتىر دەپ ءتۇسىنەدى. ونىڭ «جىر اققۋى» دەپ اتالىپ جۇرگەنى دە سودان بولار. سونىمەن بىرگە وسىناۋ نازىك جاندى اقىننىڭ تاعى ءبىر تارتىمدىلىعى ازاماتتىق تۇعىر-تياناعىنىڭ بەرىكتىگىندە بولسا كەرەك. ەل مەن جەر تاعدىرى, وتانى مەن تۋعان حالقى ورايىنداعى اينىماس ۇلىق ۇستانىمى اقىننىڭ ازامات جۇرەگىنىڭ بۇلقىنىسىن تانىتۋدان جازعان ەمەس. جارتىعاسىرلىق شىعارماشىلىق جولى, 40-قا جۋىق جىر كىتابى, كوپتەگەن ءان-رومانستارى وسىنىڭ ايعاعى.
مىنە, وسىنداي ايگىلى اقىندى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى ارىستانبەك مۇحامەدي ۇلى ساحنا تورىندە اق تىلەگىن اقتارا, گۇل شوقتارىن ۇسىنىپ, يىعىنا ءىلتيپات قامزولىن جاپتى. بۇدان سوڭ تىزگىندى قولعا العان بەلگىلى ءانشى دالەل ءۋاش كەزدەسۋدى جەلپىندىرە جۇرگىزىپ, قاۋىمعا قۋانىشتى مەزەتتەردى كوپتەپ سىيلادى.
«ەي, سىرلى ساز, مولدىرەگەن مارفۋعا! سەندەي قىزعا سىيلىق از, ءومىر كەرەك تارتۋعا» دەپ كەلەتىن 
اقيىق اقىن تولەگەن ايبەرگەنوۆتىڭ جاھۇت جىرىنا جازىلعان داريعا جاڭاباەۆانىڭ ادەمى ءانى «مارفۋعا» قوناقكادەسى رەتىندە تارتىلدى. بۇدان سوڭ كەزدەسۋ بارىسىندا اقىننىڭ ولەڭدەرىن ونەر اكادەمياسىنىڭ ونەرپاز ورەندەرى ادەمى كورىنىستەرمەن ءورنەكتەي وقىدى. اقىن سوزىنە جازىلعان اندەر ورىندالدى. دارىن جان-جاقتى بولادى عوي. مارفۋعا اقىننىڭ سازگەرلىك تالانتى دا تانىمال. وسى ارادا ونىڭ ولەڭىن دە, اۋەنىن دە ءوز جۇرەگىنەن تۋدىرعان «يسلاماباد اسپانى», «ساربازدار» اتتى اندەرىن ستۋدەنتتەر ناشىنە كەلتىرە شىرقادى. مارفۋعا ولەڭدەرىنەن قۇرالعان «اقىن مونولوگىن» تولقىماي تىڭداۋ مۇمكىن ەمەستەي كورىندى.
قازاق ەنتسيكلوپەدياسىنىڭ باس رەداكتورى, اقىن باۋىرجان جاقىپ: «تۋعان ەلدىڭ كوگىندەي ەلجىرەگەن, تۋعان جەردىڭ كولىندەي مولدىرەگەن. ەندى بىردە اينالىپ اقشا بۇلتقا, اق ورامال سياقتى جەلبىرەگەن, جۇرەگىمدى تەربەيدى سول ءبىر ولەڭ... نازىكتىك پەن سۇلۋلىق ۇلگىسىندەي, ماڭگى جاس جان كورمەدىم بۇل كىسىدەي. ءبىر قاراساڭ, باياننىڭ جۇرەگىندەي, ءبىر قاراساڭ, سارانىڭ ءسىڭلىسىندەي» دەپ وسى ارادا شابىتتانا وقىعان جىر جولدارى مارفۋعا اقىننىڭ بەينەسىن شىنايى كەستەلەگەنىنە ءسۇيسىنىپ وتىردىق. تاعى ءبىر اقىن ءىنىسى, قازاقستان جازۋشىلار وداعى توراعاسىنىڭ ورىنباسارى عالىم جايلىباي مارفۋعا عاليقىزىنىڭ قازاق ولەڭىندەگى وزىندىك ورنى جايلى ساليقالى ويلارىن ورتاعا سالسا, قازاقستاننىڭ ەڭبەك سىڭىرگەن قايراتكەرى بولات ءابدىلمانوۆ وقۋىنداعى «الاتاۋدىڭ اق باتاسى» داستانىنىڭ فراگمەنتتەرى قۇلاق قۇرىشىن قاندىردى. كەزدەسۋدى اقىن سوزىنە جازىلعان موڭعول كومپوزيتورى فايزوللانىڭ «تۋعان جەرىن اڭسامايتىن جان بار ما» ءانى ساعىنىشتى سەزىمدەر تولقىنىمەن ادەمى تۇيىندەدى.
ونەر ورداسىندا ازامات ءجۇرەكتى جىر اققۋىن ارداقتاعان وسىنداي ونەگەلى جيىن ءوتتى.
قورعانبەك امانجول, سۋرەتتەردى تۇسىرگەن بەرسىنبەك سارسەنوۆ.
قازاقتىڭ وتكەن عاسىرداعى قيلى تاعدىرى مارفۋعا اقىننىڭ سوقپاقسىز باستالعان سوقتىقپالى ءومىر جولىنا دا ءوز بەدەرىن از سالماعانداي. «ارعى بەت, بەرگى بەت» دەگەن ءسوزدىڭ ماعىناسى ول ءۇشىن تىم تەرەڭدە جاتىر. ءبىر ۋىس توپىراق اتا جۇرتتان بۇيىرۋىن ارمانداعان, اقىرى سول تىلەگىنە جەتكەن اكەسى عالي كەلەدى كوز الدىمىزعا. سوناۋ الاشاپقىن, دۇربەلەڭ ۇركىندىدە اتاسى ايتحوجا يتجەككەنگە ايدالىپ, اكەسى حالىق جاۋى اتانىپ, تۇرمەگە قامالعاندا كوپ بالادان قالعانى قازاقتىڭ بۇگىنگى ايماڭداي اقىنى مارفۋعا ەكەن. سوناۋ ماسكەۋدەن تارتىپ, الماتى, التاي, اتىراۋعا دەيىن اتاسىنىڭ اتىن شىعارعان دا سول قىزى.
ءبىز بىلەتىن مارفۋعا اقىن پوەزيا قۇدىرەتىن ادامدىق اسىل سەزىممەن استاستىرا قابىلدايدى. ومىردەگى جاقسىلىق, ماحاببات, ىزگىلىك اتاۋلىنىڭ نەگىزى وسى اياۋلى سەزىمدە جاتىر دەپ ءتۇسىنەدى. ونىڭ «جىر اققۋى» دەپ اتالىپ جۇرگەنى دە سودان بولار. سونىمەن بىرگە وسىناۋ نازىك جاندى اقىننىڭ تاعى ءبىر تارتىمدىلىعى ازاماتتىق تۇعىر-تياناعىنىڭ بەرىكتىگىندە بولسا كەرەك. ەل مەن جەر تاعدىرى, وتانى مەن تۋعان حالقى ورايىنداعى اينىماس ۇلىق ۇستانىمى اقىننىڭ ازامات جۇرەگىنىڭ بۇلقىنىسىن تانىتۋدان جازعان ەمەس. جارتىعاسىرلىق شىعارماشىلىق جولى, 40-قا جۋىق جىر كىتابى, كوپتەگەن ءان-رومانستارى وسىنىڭ ايعاعى.
مىنە, وسىنداي ايگىلى اقىندى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى ارىستانبەك مۇحامەدي ۇلى ساحنا تورىندە اق تىلەگىن اقتارا, گۇل شوقتارىن ۇسىنىپ, يىعىنا ءىلتيپات قامزولىن جاپتى. بۇدان سوڭ تىزگىندى قولعا العان بەلگىلى ءانشى دالەل ءۋاش كەزدەسۋدى جەلپىندىرە جۇرگىزىپ, قاۋىمعا قۋانىشتى مەزەتتەردى كوپتەپ سىيلادى.
«ەي, سىرلى ساز, مولدىرەگەن مارفۋعا! سەندەي قىزعا سىيلىق از, ءومىر كەرەك تارتۋعا» دەپ كەلەتىن اقيىق اقىن تولەگەن ايبەرگەنوۆتىڭ جاھۇت جىرىنا جازىلعان داريعا جاڭاباەۆانىڭ ادەمى ءانى «مارفۋعا» قوناقكادەسى رەتىندە تارتىلدى. بۇدان سوڭ كەزدەسۋ بارىسىندا اقىننىڭ ولەڭدەرىن ونەر اكادەمياسىنىڭ ونەرپاز ورەندەرى ادەمى كورىنىستەرمەن ءورنەكتەي وقىدى. اقىن سوزىنە جازىلعان اندەر ورىندالدى. دارىن جان-جاقتى بولادى عوي. مارفۋعا اقىننىڭ سازگەرلىك تالانتى دا تانىمال. وسى ارادا ونىڭ ولەڭىن دە, اۋەنىن دە ءوز جۇرەگىنەن تۋدىرعان «يسلاماباد اسپانى», «ساربازدار» اتتى اندەرىن ستۋدەنتتەر ناشىنە كەلتىرە شىرقادى. مارفۋعا ولەڭدەرىنەن قۇرالعان «اقىن مونولوگىن» تولقىماي تىڭداۋ مۇمكىن ەمەستەي كورىندى.
قازاق ەنتسيكلوپەدياسىنىڭ باس رەداكتورى, اقىن باۋىرجان جاقىپ: «تۋعان ەلدىڭ كوگىندەي ەلجىرەگەن, تۋعان جەردىڭ كولىندەي مولدىرەگەن. ەندى بىردە اينالىپ اقشا بۇلتقا, اق ورامال سياقتى جەلبىرەگەن, جۇرەگىمدى تەربەيدى سول ءبىر ولەڭ... نازىكتىك پەن سۇلۋلىق ۇلگىسىندەي, ماڭگى جاس جان كورمەدىم بۇل كىسىدەي. ءبىر قاراساڭ, باياننىڭ جۇرەگىندەي, ءبىر قاراساڭ, سارانىڭ ءسىڭلىسىندەي» دەپ وسى ارادا شابىتتانا وقىعان جىر جولدارى مارفۋعا اقىننىڭ بەينەسىن شىنايى كەستەلەگەنىنە ءسۇيسىنىپ وتىردىق. تاعى ءبىر اقىن ءىنىسى, قازاقستان جازۋشىلار وداعى توراعاسىنىڭ ورىنباسارى عالىم جايلىباي مارفۋعا عاليقىزىنىڭ قازاق ولەڭىندەگى وزىندىك ورنى جايلى ساليقالى ويلارىن ورتاعا سالسا, قازاقستاننىڭ ەڭبەك سىڭىرگەن قايراتكەرى بولات ءابدىلمانوۆ وقۋىنداعى «الاتاۋدىڭ اق باتاسى» داستانىنىڭ فراگمەنتتەرى قۇلاق قۇرىشىن قاندىردى. كەزدەسۋدى اقىن سوزىنە جازىلعان موڭعول كومپوزيتورى فايزوللانىڭ «تۋعان جەرىن اڭسامايتىن جان بار ما» ءانى ساعىنىشتى سەزىمدەر تولقىنىمەن ادەمى تۇيىندەدى.
ونەر ورداسىندا ازامات ءجۇرەكتى جىر اققۋىن ارداقتاعان وسىنداي ونەگەلى جيىن ءوتتى.
قورعانبەك امانجول, سۋرەتتەردى تۇسىرگەن بەرسىنبەك سارسەنوۆ.
