قازاقستان رەسپۋبليكاسى ۇكىمەتىنىڭ قاۋلىسى №289

2011 جىلعى 30 ناۋرىز, استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ 2002 جىلعى 19 تامىزداعى №918 قاۋلىسىنا تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قارجىلاندىرۋ كوزدەرىنە قاراماستان قۇرىلىسقا ارنالعان جوبالاۋ الدىنداعى (تەحنيكا-ەكونوميكالىق نەگىزدەمەلەر) جانە جوبالاۋ (جوبالاۋ-سمەتالىق) قۇجاتتاماعا ساراپتاما جۇرگىزۋ, سونداي-اق مەملەكەتتىك ينۆەستيتسيالار ەسەبىنەن سالىنىپ جاتقان جوبالاردى بەكىتۋ ەرەجەسى تۋرالى» قازاقستان رەسپۋبليكاسى ۇكىمەتىنىڭ 2002 جىلعى 19 تامىزداعى №918 قاۋلىسىنا (قازاقستان رەسپۋبليكاسىنىڭ ءپۇاج-ى, 2002 ج., №27, 304-قۇجات) مىناداي تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن قارجىلاندىرۋ كوزدەرىنە قاراماستان, قۇرىلىسقا ارنالعان جوبالاۋ الدىنداعى (تەحنيكا-ەكونوميكالىق نەگىزدەمەلەر) جانە جوبالاۋ (جوبالاۋ-سمەتالىق) قۇجاتتاماسىنا ساراپتاما جۇرگىزۋ, سونداي-اق مەملەكەتتىك ينۆەستيتسيالار ەسەبىنەن سالىنىپ جاتقان جوبالاردى بەكىتۋ ەرەجەسىندە: «مەملەكەتتىك ينۆەستيتسيالار ەسەبىنەن سالىنىپ جاتقان جوبالاردى بەكىتۋ» دەگەن 2-بولىمدە: «بەكىتۋ ءتارتىبى» دەگەن 2-كىشى ءبولىم مىناداي مازمۇنداعى 35-1 تارماقپەن تولىقتىرىلسىن: «35-1. قۇرىلىس مەرزىمى بەس جىلدان استام, جىلۋ قۋاتى 300 گكال/ساع. كەم ەمەس نەمەسە ەلەكتر قۋاتى 200 مۆت كەم ەمەس جىلۋ-ەنەرگەتيكالىق كەشەننىڭ تەحنيكالىق جاعىنان كۇردەلى جانە تەحنولوگيالىق جاعىنان بايلانىستى (كەزەڭ-كەزەڭمەن ىسكە اسىرىلاتىن) وبەكتىلەرى ءۇشىن ازىرلەنەتىن جوبالاۋ الدىنداعى (تەحنيكا-ەكونوميكالىق نەگىزدەمەلەر) جانە جوبالاۋ (جوبالاۋ-سمەتالىق) قۇجاتتااسى قۇرىلىستىڭ جيىنتىق سمەتالىق ەسەپتەمەسىندە قۇرىلىس قۇنىنىڭ سمەتالىق ەسەپتەمەسىنىڭ 10 %-ى مولشەرىندە تاپسىرىسشىنىڭ يەلىگىندە قالاتىن قاراجات رەزەرۆىن كوزدەۋى قاجەت. قۇرىلىس مەرزىمى بەس جىلدان استام, جىلۋ قۋاتى 300 گكال/ساع. كەم ەمەس نەمەسە ەلەكتر قۋاتى 200 مۆت كەم ەمەس جىلۋ-ەنەرگەتيكالىق كەشەننىڭ تەحنيكالىق جاعىنان كۇردەلى جانە تەحنولوگيالىق جاعىنان بايلانىستى (كەزەڭ-كەزەڭمەن ىسكە اسىرىلاتىن) وبەكتىلەرى ءۇشىن قۇرىلىس قۇنىنىڭ سمەتالىق ەسەپتەمەسىنىڭ 10 %-ى مولشەرىندە تاپسىرىسشىنىڭ يەلىگىندە قالاتىن قاراجات رەزەرۆىن پايدالانۋ ءتارتىبىن يندۋستريالىق ساياسات سالاسىنداعى ۋاكىلەتتى ورگانمەن كەلىسىم بويىنشا ساۋلەت, قالا قۇرىلىسى جانە قۇرىلىس ىستەرى جونىندەگى ۋاكىلەتتى ورگان جۇزەگە اسىرادى.». 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.