قىمباتتى دوستار! قىمباتتى قازاقستاندىقتار!
سىزدەردى پرەزيدەنتتىك سايلاۋدا نۇرسۇلتان نازارباەۆتىڭ جەڭىسكە جەتۋىمەن شىن جۇرەكتەن قۇتتىقتايمىن.
ءبىز سىزدەردىڭ ۇلى پرەزيدەنتتەرىڭىز نۇرسۇلتان نازارباەۆ قايتا سايلاناتىنىنا شىنايى سەنگەن ەدىك. ويتكەنى, ول الەمدەگى اسا كورنەكتى پرەزيدەنت بولىپ تابىلادى. ول ساياسي جانە رۋحاني كوشباسشىلاردى, كوپتەگەن مادەنيەتتەردى, ناسىلدەردى, دىندەر مەن ەلدەردى بىرىكتىرۋگە ۇلكەن كۇش-جىگەر جۇمسادى. قازىرگى كەزدە الەمدە ادامزات بالاسى تىرشىلىگى ءۇشىن اسا ماڭىزدى فاكتور بولىپ تابىلاتىن جاڭا رۋحاني كەلىسىم قۇرۋ جولدارىن قالىپتاستىردى.
ءبىز سىزدەردىڭ ەلدەرىڭىزدە – بەيبىتشىلىك پەن بىرلىك, سۇيىسپەنشىلىك پەن ىزگىلىك سالتانات قۇرعان ەلدەرىڭىزدە وتكەن الەمدىك جانە ءداستۇرلى دىندەر كوشباسشىلارىنىڭ سەزىندە باسىمىزدان كەشكەن عاجايىپ ۋاقىتتى ۇلكەن قاناعات سەزىمىمەن اركەز ەسىمىزگە الامىز. پرەزيدەنتتەرىڭىزگە ءبىزدەردىڭ ەڭ جاقسى تىلەكتەرىمىزدى جەتكىزۋلەرىڭىزدى تاعى دا قايتالاپ سۇرايمىز.
رەينحارت رۋگە,
سەناتور (مەكسيكا).
*** قازاقستانداعى قىمباتتى دوستار! سىزدەرمەن قازاقستان رەسپۋبليكاسىنىڭ پرەزيدەنتى, جوعارى مارتەبەلى نۇرسۇلتان نازارباەۆتىڭ قايتادان سايلانعانى تۋرالى قۋانىشىمدى بولىسۋىمە رۇقسات ەتىڭىزدەر! بۇل سايلاۋ دەموكراتيالىق باسشىلىقتىڭ – ءسىزدەردىڭ ەلدەرىڭىزدىڭ ازاماتتارى قۋاتتاپ بەرگەنىندەي, دەموكراتيا سينتەزى مەن مادەني يەرارحيانىڭ تابىستارىن ناقتى ايقىندادى. ءبىز سونداي-اق قازاق حالقىن قۇتتىقتاي وتىرىپ, وزدەرىڭىزدىڭ بىرلىكتەرىڭىزدى قۋاتتاپ بەرگەن وسى ۇلى تابىس پرەزيدەنتتەرىڭىزدىڭ كۇش-ءجىگەرىنىڭ ارقاسىندا ونداعان جىلدار بويى بەيبىت جاعدايدا قازاقستان رەسپۋبليكاسىنداعى بارلىق حالىقتار مەن ەتنوستاردىڭ بىرلىگى ءۇشىن ىنتالاندىرۋشى ۇدەرىس بولسىن دەپ تىلەيمىز. ءبىز سونىمەن بىرگە 1992 جىلدان بەرى تالقىلانعان تۇجىرىمدامالار مەن يدەيالاردىڭ كەيبىرى ءتاجىريبەگە ەنگىزىلىپ, سىزدەردىڭ ۇلى ەلدەرىڭىزدىڭ توڭىرەگىندە بولىپ جاتقان كوپتەگەن جاعدايلار مەن ءتارتىپسىزدىكتەرگە قاراماستان, ونداعان جىلدار بەدەرىندە قازاقستاندا بەيبىت, ۇيلەسىمدى, الەۋمەتتىك قۇرىلىمدار مەن ىنتىماقتاستىقتى ساقتاۋعا كومەكتەسكەنىن اتاپ وتۋگە دە وتە قۋانىشتىمىز. جەر بەتىندە اركەز بەيبىتشىلىك سالتانات قۇرسىن! سىزدەردىڭ حالقىڭىزعا باقىت پەن يگىلىك تىلەيمىن!ۆيللي اۆگۋستات,
«بەيبىتشىلىك ارقىلى مادەنيەتكە» حالىقارالىق قاۋىمداستىعىنىڭ
پرەزيدەنتى.
