اقمولا وبلىسىنىڭ ادام باسىنا شاققانداعى جالپى وڭىرلىك ءونىمى 1,2 ملن تەڭگەگە ارتتى, وبلىستا 12,5 مىڭ جۇمىس ورنى قۇرىلدى, دەپ حابارلادى اكىمدىكتە.
«223,1 ملرد تەڭگە كولەمىندەگى ينۆەستيتسيا بارلىق سالالارداعى ءوندىرىس كولەمىن ارتتىرۋعا مۇمكىندىك بەردى. ول ەڭبەك نارىعىنداعى تۇراقتىلىقتى قامتاماسىز ەتتى», - دەلىنگەن اكىمدىك حابارلاماداسىندا.
12,5 مىڭ جاڭا جۇمىس ورنى قۇرىلدى, ورتاشا ايلىق كورسەتكىش 17,5 پايىزعا ءوسىپ, 104 مىڭ تەڭگەنى قۇرادى.
جالپى وڭىرلىك ءونىم ادام باسىنا شاققاندا 1,2 ملن تەڭگەگە ارتتى. 2016 جىلى ونەركاسىپتىك سالادا 420,7 ملرد تەڭگەنىڭ ءونىمى ءوندىرىلدى, ول وتكەن جىلعى كورسەتكىشتەن 85,2 ملرد تەڭگەگە جوعارى, فيك – 104,3 پايىزدى قۇرادى.
وڭدەۋ ونەركاسىبىندە ءونىم كولەمى 72 پايىزعا دەيىن ارتتى. يدمب نەگىزىندە باسىم سالالاردىڭ جوبالارى كوبەيدى. ونەركاسىپتىك ءوندىرىس سالاسىنا قۇيىلعان ينۆەستيتسيا 24,9 ملن دوللاردى قۇرادى. وڭدەۋ سالالارىندا – مەتاللۋرگيا, استىق ونەركاسىبى, سۋسىن ونەركاسىبى سالاسىندا ءوسىم بايقالدى. 2016 جىلى التىن ءوندىرۋ كولەمى 26,2 توننانى قۇرادى.
