2016 جىلى اقمولا وبلىسىندا 8 دەنساۋلىق ساقتاۋ نىسانى اشىلدى

اقمولا وبلىسىندا 8 دەنساۋلىق ساقتاۋ نىسانى اشىلدى, دەپ حابارلادى وبلىس اكىمدىگىنىڭ ءباسپاسوز قىزمەتى. ەسەپتى كەزەڭدە دەنساۋلىق ساقتاۋ سالاسىن دامىتۋعا 35,6 ميلليارد تەڭگە ءبولىندى. ونىڭ 33,6 ميلليارد تەڭگەسى كەپىلدەندىرىلگەن تەگىن مەديتسينالىق جاردەمگە جۇمسالدى. 2016 جىلى 8 جاڭا دەنساۋلىق ساقتاۋ نىسانىنىڭ قۇرىلىسى اياقتالدى (اقكول قالاسىنداعى 250 كەلۋشىگە ارنالعان ەمحانا, دەرجاۆينسك قالاسىندا ەمحاناسى بار اۋرۋحانا, استارحان اۋدانىنىڭ پەتروۆكا اۋىلىنداعى فەلشەرلىك-اكۋشەرلىك پۋنكتى, 5 دارىگەرلىك امبۋلاتوريا). «حالىققا كورسەتىلەتىن مەديتسينالىق كومەك ساپاسىن جاقسارتۋ ماقساتىندا 28 نىسانعا 537,6 ميلليون تەڭگە قارجى ءبولىنىپ, كۇردەلى جانە اعىمداعى جوندەۋ جۇمىستارى جۇرگىزىلدى. 274 مەديتسينالىق قۇرىلعى, 12 سانيتارلىق اۆتوكولىك ساتىپ الىندى», - دەلىنگەن حابارلامادا. اقمولا وبلىستىق اۋرۋحاناسىندا بالالار كارديوحيرۋرگياسى بويىنشا شەبەرلىك سىنىبى ءوتىپ, الماتى جانە كوكشەتاۋ قالاسىنىڭ كارديوحيرۋرگتەرىمەن 11 بالانىڭ جۇرەگىنە وتا جاسالدى. قۋىقتاعى ىسىكتى ەمدەۋ ءۇشىن اقمولا وبلىستىق ونكولوگيالىق ديسپانسەرىنە قىمبات قۇرال-جابدىق ساتىپ الىندى. جەرگىلىكتى بيۋدجەت جانە شارۋاشىلىق سۋبەكتىلەرىنىڭ ەسەبىنەن 2016 جىلى وقۋعا بىتىرگەن 116 تۇلەك  مەديتسينالىق جوو-دارىندا ءبىلىم الۋدا. 265 دارىگەر جانە 754 ورتا مەديتسينالىق قىزمەتكەر مەديتسينالىق جوو, كوللەدج جانە عىلىمي ورتالىقتاردا قايتا دايارلىقتان ءوتتى.