World Press Photo 2017 فوتوبايقاۋىنىڭ جەڭىمپازدارى بەلگىلى بولدى. بيىل بايقاۋعا 80 مىڭنان استام سۋرەت تۇسكەن. 25 ەلدەن كەلگەن فوتولار 8 سانات بويىنشا باعالانىپ, ونىڭ 45-ءى ۇزدىك دەپ تانىلدى. بۇل تۋرالى BBC جازادى.
ءبىرىنشى ورىندى رەسەي فەدەراتسياسىنىڭ تۇركياداعى ەلشىسى اندرەي كارلوۆ ولتىرىلگەن كەزىندە تۇسىرىلگەن فوتو الدى.
2016 جىلدىڭ 19 جەلتوقسانىندا تۇرىك فوتوگرافى بۋرحان وزبيليدجي Associated Press اگەنتتىگى قىزمەتكەرلەرىمەن بىرگە انكاراداعى كورمەگە شاقىرىلعان. وعان رەسەي ەلشىسى دە كەلەدى. سۋرەتتە تۇركيالىق بۇرىنعى ءتارتىپ ساقشىسى ءماۋلىت ءمارت التىنتاس. قولىنداعى تاپانشاسىمەن بىرنەشە سەكۋند بۇرىن عانا رەسەيلىك ەلشىنى اتىپ تاستاعان كەزى.
فوتوگراف لوران ۆان دەر ستوكت Le Monde گازەتىندە جاريالاعان فوتورەپورتاجىنىڭ ىشىندە تومەندەگى سۋرەتى ءۇشىن "جالپى جاڭالىقتار" ساناتىندا سىيلىق الدى. سۋرەت 2016 جىلدىڭ 2 قاراشاسىندا موسۋلدا تۇسىرىلگەن.
New York Times باسىلىمىنداعى سەرگەي پونومارەۆتىڭ تومەندەگى سۋرەتى "جالپى جاڭالىقتار" ساناتىندا سىيلىق الدى. سۋرەتتە موسۋلدى تاستاپ قاشىپ بارا جاتقان يراك وتباسى.
ۆالەري مەلنيكوۆ لۋگانسكايا ستانساسىنداعى جارىلىستار كەزىندە جانىپ جاتقان ۇيلەرىن تاستاي قاشىپ بارا جاتقان ەرلى-زايىپتىلاردى سۋرەتكە ءتۇسىرىپ, سول ءۇشىن "ۋكراينانىڭ قارالى كۇندەرى" اتتى ۇزاقمەرزىمدى جوبادا ۇزدىك دەپ تانىلدى.
وسى سانات بويىنشا ەكىنشى ورىن "يران ساپارى" سۋرەتى ءۇشىن حۋسسەين فاتەميگە بەرىلدى. فوتوگراف وسى سۋرەت ارقىلى يرانداعى جاستاردىڭ بۇگىنگى بەينەسى مەن كۇندەلىكتى ءومىر سالتىن اشۋعا تىرىسقان.
امەريكالىق فوتوگراف ەمبەر برەكەن "بۇگىنگى كۇننىڭ پروبلەمالارى" ساناتىندا ءبىرىنشى ورىن الدى. سۋرەتتە كەننون-بولل قالاسىنىڭ جانىنداعى 1806 تاس جولىنداعى نارازىلىق شاراسى كەزىندە كوزدەن جاس شىعاراتىن گازدان زارداپ شەگۋشىگە كومەك كورسەتىلىپ جاتقان ءسات.
يامايكالىق جەلاياق حۋسەين بولت 2016 جىلعى ريوداعى وليمپيادا ويىندارىندا 100 مەترلىك قاشىقتىقتا قارسىلاستارىن ك ۇلىمدەپ وزىپ بارا جاتقان ءساتى. سۋرەتتى تۇسىرگەن كاي وليۆەر پفاففەباح "سپورت" ساناتىندا ءۇشىنشى ورىن الدى.
فرەنسيز پەرەز "تابيعات" ساناتىندا تومەندەگى سۋرەتى ءۇشىن ۇزدىك دەپ تانىلدى. 2016 جىلدىڭ 8 ماۋسىمىندا تۇسىرىلگەن بۇل سۋرەتتە تەنەريفە ارالدارىندا مەكەن ەتەتىن تاسباقا.
National Geographic جۋرنالىنىڭ فوتوگرافى "مۇيىزتۇمسىقتار سوعىسى" وچەركىندەگى وسى سۋرەتى ءۇشىن ءبىرىنشى ورىن الدى. موزامبيكتىك 19 جانە 28 جاسار اعايىندى ەكى براكونەر جەرگىلىكتى اباقتىدا وتىر.
كۋبالىق ستۋدەنتتەردى فيدەل كاسترونى جەرلەۋ راسىمىنەن كەيىن جۇك كولىكتەرىمەن ۇيلەرىنە جەتكىزۋدە. سۋرەتتى تۇسىرگەن توماس مۋنيت وسى سۋرەت ءۇشىن "كۇندەلىكتى ءومىر" ساناتىندا ۇزدىك شىقتى.
