وپەك پەن اقش مۇناي باعاسىن ەكى جاققا تارتىپ تۇر

وپەك-ءتىڭ اي سايىنعى ەسەبىندە ايتىلعان قاڭتارداعى ءوندىرىس كولەمىنىڭ جوسپارلى كورسەتكىشكە قىسقارعانى تۋرالى جاڭالىققا قاراماستان, مۇناي باعاسى تومەندەپ كەتتى, دەپ جازادى investing باسىلىمى. بۇگىن استانا ۋاقىتىمەن تاڭعى ساعات 09:00-دە برەنت ماركالى مۇناي 55,83 دوللارعا باعالاندى. قازىرگى تاڭدا وپەك ەلدەرى ءوندىرىس كولەمىنىڭ ازايتىلۋى وتكەن جەلتوقسانداعى كورسەتكىشپەن سالىستىرعاندا تاۋلىگىنە 890 مىڭ باررەلگە ازايىپ, قازىرگى تاڭدا 32,14 ملن باررەلدى قۇرادى. وپەك ۇيىمىنىڭ مالىمەتىنشە, ءوندىرىستى ەڭ كوپ ازايتقان ەلدەر ساۋد ارابياسى, يراك پەن ءباا. ەستەرىڭىزگە سالا كەتەيىك, ۇيىم قاڭتار ايىنان باستاپ جىل ورتاسىنا دەيىن مۇناي ءوندىرىسىن تاۋلىگىنە 1,16 ملن باررەلگە ازايتۋعا كىرىسكەن. حالىقارالىق ەنەرگەتيكالىق اگەنتتىك وتكەن اپتادا قاڭتار ايىنداعى ءوندىرىستىڭ ازايتىلۋى جوسپارلى كورسەتكىشتىڭ 90 پايىزىنا جەتكەنىن حابارلاعان. ەسەسىنە اقش-تاعى مۇناي ءوندىرىسى ارتىپ كەلەدى. Baker Hughes مالىمەتىنشە, قازىرگى تاڭدا اقش-تا جۇمىس ىستەپ تۇرع,ان بۇرعىلاۋ قۇرىلعىلارىنىڭ سانى 2015 جىلدىڭ قاراشاسىنان بەرگى رەكوردتىق كورسەتكىشكە جەتكەن.