ۇندەۋدىڭ ءمان-ماڭىزى تالقىلاندى

ەلورداداعى بەيبىتشىلىك جانە كەلىسىم مۋزەيىندە «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋعا ارنالعان دوڭگەلەك ۇستەل ءوتتى. شاراعا بەلگىلى عالىمدار, مەملەكەت جانە قوعام قايراتكەرلەرى, مۋزەي قىزمەتكەرلەرى قاتىستى.   بەيبىتشىلىك جانە كەلىسىم مۋزەيى ديرەكتورىنىڭ ورىنباسارى امانبەك مۇقاشەۆ اتاپ وتكەندەي, كونستيتۋتسيا مەن ءتيىستى زاڭدارعا وزگەرىستەر ەنگىزۋ ەلىمىز ءۇشىن اسا ماڭىزدى دا تاعدىرلى ماسەلە ەكەنى انىق. – مەملەكەتتىك باسقارۋ جۇيەسىن­دە پارلامەنت پەن ۇكىمەتتىڭ پارمەنى ارتۋى وتە ماڭىزدى. تاۋەلسىزدىكتىڭ شيرەك عاسىرىندا ءبىز نارىقتىق ەكونوميكاعا كوشتىك, ونى ورنىقتىر­دىق. استانا سىندى ەلىمىزدىڭ باس قالا­سىن سالىپ, دۇنيە جۇزىنە تانىلدىق. الەمنىڭ الدىڭعى قاتار­لى ەلۋ ەلىنىڭ قاتا­رىنا قوسىل­دىق. وسى تابىستاردىڭ نە­گى­زىن­دە ەلىمىز­دە دەموكراتيالىق قۇ­رى­­لىم­دار­دى تەرەڭدەتە دامىتاتىن ۋا­­قىت جەتتى. پرەزيدەنتتىڭ قولىنداعى بي­لىك­­تىڭ ءبىر بولىگىن پارلامەنت پەن ۇكى­­مە­ت­كە بەرۋ تۋرالى ۇسىنىس بارشا حال­ىق­­تى تولعاندىرادى, – دەدى ا.مۇقاشەۆ. شارادا ايتىلعانداي, پرەزي­دەنتتىك بيلىك زامان تالاپتارىنا لايىقتى جاۋاپ بەردى. ىشكى ءتارتىپ­تى بەرىك ۇستاۋ­عا, وتپەلى كەزەڭدە قو­عامنىڭ دامۋىن جيناقى تۇردە ءجۇر­گىزۋگە ىق­پال ەتتى. ەندىگى ۋاقىتتا پرە­زيدەنت وكىلەت­تى­گى­نىڭ بىرقاتار بولىگىن باسقا دا بيلىك تار­ماق­تارىنا جۇكتەۋ ولاردىڭ جاۋاپكەر­شىلى­گىن ارتتىرۋ ءۇشىن قاجەت بولىپ وتىر. دوڭگەلەك ۇستەل بارىسىنا جيىل­عاندار ەلباسى ۇندەۋىندە ايتىلعان ماڭىزدى مىندەتتەر بويىنشا ءوزارا پىكىر الماسىپ, وي قورىتتى, سونداي-اق, بيلىك تارماقتارى اراسىندا بيلىكتى قايتا ءبولۋ جونىندەگى ەلباسى باستاماسىن قولدايتىندىقتارىن ءبىلدىردى. ارنۇر اسقار, «ەگەمەن قازاقستان»