بىرلىك پەن تىرلىك ۇيلەسىمدىلىگى

جىل ۇلكەن ساياسي جاڭالىقتارمەن باستالعان ەدى. تاۋەلسىزدىكتىڭ العاشقى جىلدارىندا ەلباسى «الدىمەن – ەكونوميكا, سوسىن ساياسات» دەگەنىن كوپ جۇرت تۇسىنبەي, ءارتۇرلى اڭگىمە ايتىلىپ ەدى. ەل ەكونوميكاسىنىڭ ەڭسەسىن تۇزەۋ ءۇشىن كۇشتى پرەزيدەنتتىك بيلىكتىڭ كەرەگى انىق بولاتىن. مىنە, شيرەك عاسىر ىشىندە بۇل مىندەت ورىندالدى. ەندى بيلىك تارماقتارىنداعى بولىنىسكە دە ۋاقىت جەتتى. مەملەكەت باسشىسى ارنايى ۇندەۋ جاريالاپ, حالىق ونى تالقىلاۋدى باستاپ كەتتى. ونان كەيىنگى ەڭ ءىرى ساياسي وقيعا ەلباسىنىڭ ءداستۇرلى حالىققا ارناعان جولداۋى بولاتىن. بۇل ماسەلە دە ەل ىشىندە ۇلكەن قولداۋ تاۋىپ وتىر. ءارتۇرلى مىنبەلەردە قوس ماسەلە تالقى­لانىپ, جۇرت ويىمەن ءبولىسىپ جاتىر. سونداي جيىننىڭ ءبىرى ايماقتاعى وبلىستىق ءۇش, قالالىق جانە اۋداندىق گازەتتەردىڭ باسىن بىرىكتىرىپ وتىرعان «سىر مەديا» جشس ۇجىمىندا دا ءوتتى. ەلباسى نۇرسۇلتان نازارباەۆتىڭ بيلىك تارماقتارى وكىلەتتىلىگىن ءبولىسۋ تۋرالى ۇندەۋى مەن «قا­زاق­ستاننىڭ ءۇشىنشى جاڭعىرۋى: جاھان­دىق باسەكەگە قابىلەتتىلىك» اتتى قازاقستان حالقىنا جول­داۋىن تالقىلاۋعا ارنالعان جيىن­دا قالام ۇستاعان جۋرناليس­تەر ءوز كوزقاراستارىمەن ءبولىستى. وعان وبلىستىق ىشكى ساياسات باس­قار­ماسىنىڭ وكىلدەرى, سەرىكتەس­تىككە قاراستى باسىلىم باسشىلارى مەن جۋرناليستەر, قاتىستى. جيىندى «سىر مەديا» جشس باس ديرەكتورى امانجول وڭعارباەۆ جۇرگىزىپ, جولداۋدىڭ ەل بولاشاعى ءۇشىن ماڭىزىن اتاپ ءوتتى. – حالىق «بىرلىك بار جەردە تىرلىك بار» دەيدى. ەلباسىمىزدىڭ ەلىمىزدى جاۋاپكەرشىلىككە شاقىرا وتىرىپ, كوتەرىپ وتىرعان باستاماسى قازاقستاندى جاڭا بيىكتەرگە باستايدى دەپ سەنەمىز. ءبىزدىڭ مىندەت – ەلباسى جولداۋىن قول­داۋ عانا ەمەس, جۇزەگە اسىرۋ, – دەدى ول. مۇنان سوڭ «سىر مەديا» جشس جا­نىن­داعى اق­پاراتتىق تالداۋ ورتا­لى­عى­نىڭ باسشىسى ساۋلەت ساحيەۆ بيىلعى جول­داۋدىڭ باستى ەرەكشەلىكتەرىنە, ونىڭ ىشىندە IT تەحنولوگيا­لاردى مەڭ­گەرۋ­دىڭ ماڭىزدىلىعى جايلى باسا ايتتى. جيىندا وبلىستىق ىشكى ساياسات باس­قارماسىنىڭ ءبولىم باسشىسى شاحاربان نۇر­تاەۆا, سەرىكتەستىك باس ديرەك­تورىنىڭ ءبىرىنشى ورىن­باسارى مارات ارال­باەۆ, وبلىستىق «كىزىلور­دينسكيە ۆەستي» گازەتىنىڭ باس رەداكتورى تيمۋر قاسىموۆ, وسى باسىلىم ءتىلشىسى قازىبەك بوتاەۆ پەن «سىر بويى» گازەتىنىڭ اعا ءتىلشىسى ىدىرىس ءتاجى ۇلى جول­داۋدا ايتىلعان باعىتتارعا توقتالىپ, ەل دامۋىنداعى جاڭا بەلەستىڭ نەگىزگى ءمان-مازمۇنىن ءسوز ەتتى. ەرجان بايتىلەس, «ەگەمەن قازاقستان» قىزىلوردا