«اۋىل» پارتياسى ۇسىنىستارىن ورتاعا سالدى

استانادا «اۋىل» حالىقتىق-دەموكراتيالىق پاتريوتتىق پارتياسىنىڭ ۇيىمداستىرۋىمەن قازاقستان رەسپۋبليكاسى پرەزيدەنتى ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن تالقىلاۋعا ارنالعان كونفەرەنتسيا ءوتتى. ەلباسى جولداۋى تەرەڭ تالدانىپ, ونداعى باسىمدىقتار ءجو­نىندە قىزۋ تالقىلانعان باس­قوسۋ­عا پارتيا مۇشەلەرى, زيالى قاۋىم وكىلدەرى جانە قالا تۇرعىندارى قاتىستى. كونفەرەنتسياعا جەتەكشىلىك ەتكەن «اۋىل» پارتياسى توراعا­سىنىڭ ءبىرىنشى ورىنباسارى تو­لىم­بەك عابدىلəشىموۆ جيىن با­­رىسىندا ءبىرىنشى كەزەكتە مەم­لەكەت باسشىسىنىڭ قازاق­ستان حالقىنا ارناعان جولداۋ­ىن­دا اتاپ كورسەتىلگەن ماقسات-ءمىن­دەتتەردىڭ ماڭىزدىلىعىنا كەڭى­نەن توقتالىپ, اتالعان قۇ­جات­تا قام­تىلعان مىندەتتەردى حالىق­قا جە­تە ءتۇسىندىرۋ قاجەتتىگىن ءسوز ەتتى. – جولداۋدا قامتىلعان بار­لىق ماسەلەلەردى حالىققا جەتە ۇعىندىرۋعا ءبىزدىڭ پارتيامىز با­رىنشا اتسالىسۋى قاجەت. ءويت­كەنى, بۇل جولداۋدان تۋىندايتىن مىندەتتەردىڭ ويداعىداي جۇزە­گە اسۋى قاراپايىم حالىققا تىكە­لەي بايلانىستى, – دەگەن ت.عاب­دىلاشىموۆ جولداۋدا ەلباسى اتاپ كورسەتكەن əر تاپسىرمانىڭ تۇپكى ماقساتى ەلىمىزدى ەكونوميكالىق دامۋدىڭ جاڭا كەزەڭىنە شىعارۋ ەكەنىن جەتكىزدى. جيىن بارىسىندا جولداۋدى كەڭىنەن ناسيحاتتاۋعا باعىتتالعان بايانداما تىڭدالىپ, ونداعى اي­تىلعان ماسەلەلەرگە وراي قاتى­سۋشىلار ءوز ويلارى مەن ۇسىنىس­تارىن ورتاعا سالدى. قورىتا ايتقاندا, كونفە­رەن­تسياعا جينالعاندار جولداۋدىڭ ءمان-ماڭىزىنىڭ جوعارى ەكەنىن, ونىڭ ەل دامۋىنا جاڭاشا سەر­پىن بەرەتىنىن اتاپ كورسەتتى. قاتى­سۋشىلاردىڭ ايتۋىنشا, بيىلعى جولداۋ – ۋاقىت تالابىنا ساي قابىلدانعان ماڭىزدى قۇجات. جولدىباي بازار, «ەگەمەن قازاقستان»