وزىق تەحنولوگيا – بىلىكتىلىك باستاۋى

جاقىندا استانا قالاسىنداعى نازارباەۆ زياتكەرلىك مەكتەبىندە پرەزيدەنت نۇرسۇلتان نازارباەۆتىڭ حالىققا ارناعان جولداۋى تالقىلاندى. «بۇل – ءاربىر ادامعا ار­نال­عان ستراتەگيالىق قۇجات. سون­دىقتان, ءار ادام وزىنە «مەن جولداۋدى جۇزەگە اسىرۋ ءۇشىن نە ىستەدىم؟» دەگەن سۇراق قويۋى كەرەك. بيىلعى جول­داۋدىڭ ەرەكشەلىگى – بار­لىق باسىمدىقتاردىڭ زاماناۋي ءبىلىم بەرۋ دەڭگەيىمەن انىق­تا­لاتىنىندا, سوندىقتان, ءسىز بەن ءبىز بۇعان تىكەلەي قاتى­سامىز. پرەزيدەنتىمىز بىزگە ۇلكەن سەنىم ارتتى. قازىر ەلىمىزدە 20 نازارباەۆ مەك­تەبى بار. ال جالپى رەسپۋبلي­كامىزدا 7000-نان اسا مەكتەپ قىز­مەت ەتۋدە. ءبىز ولاردىڭ بار­لىعىنا ءبىلىم بەرۋ جۇيە­سىندەگى رەفورمالاردى ءتۇسىن­دىرۋىمىز كەرەك. تۋرا جانە اۋىس­پالى ماعىنادا دا ايت­ساق, ەسكى وقۋلىقتارمەن وقى­تۋ جەتكىلىكسىز ەكەنىن ۇعىن­دىرۋىمىز قاجەت. قا­زاق­­ستان تسيفرلى رەجىمگە اۋىسىپ جاتىر, ۇشتىلدىلىك – زامان تالابى, ەڭبەك نارىعىندا ۇلكەن وزگەرىستەر ورىن الدى. ءبىلىم­­نىڭ كوزى تەك مەكتەپ ەمەس, ەلىمىزدىڭ العا باسۋى IT سالا­­سىنىڭ دامۋىمەن انىق­تا­لۋدا, مۇنىڭ بارلىعى ءححى عا­­سىر­دىڭ اقيقاتى, دەپ اتاپ ءوتتى نازارباەۆ زيات­­كەر­لىك مەك­تەپتەرىنىڭ باسقارما ءتورايىمى كۇلاش ءشامشي­دينوۆا. ەلباسى جولداۋىن ەلى­مىز­دىڭ بارلىق قالالارىنداعى نازارباەۆ زياتكەرلىك مەك­تەپ­تەرى تالقىلاپ, وتاندىق ءبى­لىم بەرۋ جۇيەسىن جاڭعىر­تۋعا قاتىستى ناقتى ۇسى­نىس­تار ورتاعا سالىنۋدا. ين­فورماتيكا ءپانى مۇعالىمدەرى «تسيفر­لىق قازاقستان» مەملە­كەتتىك باعدار­لاماسىن قولداي وتىرىپ, ونى جۇزەگە اسىرۋ جولىندا جۇ­مىس جاساۋدا. راۋان قايدار, «ەگەمەن قازاقستان»