ەكونوميكانى ىلگەرىلەتۋدىڭ درايۆەرى

قازاقستان پرەزيدەنتى نۇرسۇلتان نازارباەۆتىڭ حالىققا ارناعان كەزەكتى جولداۋى جاريا­لاندى. ءوزىنىڭ جولداۋىندا ەلباسى ەكونو­ميكالىق ءوسىمنىڭ جاڭا مودەلىن قۇرۋ­دىڭ قاجەتتىلىگىن ايتتى. ونى «ءۇشىنشى جاڭ­عىرۋ» دەپ اتادى. بۇل وزگەرىستەردە سىبايلاس جەمقورلىقپەن جانە ەكسترەميزممەن كۇرەس, سونداي-اق, كاسىپكەرلىككە قولداۋ كورسەتۋ ءجا­نە مەملەكەتتىڭ ەكونوميكاداعى ءرولىن ءبا­سەڭ­دەتۋ سەكىلدى باسىمدىقتارعا ايرىقشا نازار اۋدارىلعان. ءۇشىنشى جاڭعىرۋ كەزەڭى قازاقستاننىڭ ورنىقتى تۇردە دامۋىنا باعىتتالعان الەۋ­مەتتىك-ەكونوميكالىق جانە ساياسي جاڭا­رۋدىڭ لوگيكالىق تۇرعىدان العانداعى, جال­عاسى ىسپەتتى. ونىڭ اياسىندا مەملەكەتتىڭ ەكو­نو­ميكالىق ءوسىمىنىڭ جاڭا درايۆەرلەرى بولىپ, اۋىل شارۋاشىلىعى, كولىك جانە لوگيستيكا, قۇرىلىس سالالارى سانالماق. جاڭا درايۆەرلەر ەكونوميكانىڭ ىلگەرىلەۋى مەن ەل تۇرعىندارىنىڭ جۇمىسپەن قامتىلۋى ءۇشىن كۇشتى سەرپىن بەرۋى ءتيىس. سونىمەن قاتار, پرەزيدەنت ادام رەس­ۋرستارى مەن ادامي كاپيتالعا ايرىقشا كوڭىل ءبولدى. جولداۋدا ازاماتتار ءۇشىن ماڭىزدى ماسەلەلەر – ءبىلىم, دەنساۋلىق ساق­تاۋ, الەۋمەتتىك قامسىزداندىرۋ, تۇرعىن ءۇي­گە قاتىستى تۇيتكىلدەر اتاپ ءوتىلدى, ناقتى ءمالى­­مەتتەر كورسەتىلدى. ال بۇل – مەملەكەتتىڭ ءوزى­نىڭ الەۋمەتتىك مىندەتتەمەلەرىن ورىن­داۋعا دايىن ەكەندىگىن بىلدىرەتىن ماڭىزدى كور­سەتكىش. جالپى العاندا, ءۇشىنشى جاڭعىرۋ كەزەڭى مەملەكەتتىڭ جاڭا تەحنولوگيالىق وزگەرىسكە جانە ەكونوميكانىڭ ساپالى تۇردە دامۋىنا بىرتىندەپ بولسىن قادام باسۋىنا ىقپال ەتپەك. بۇل قازاقستاننىڭ ايماقتا جانە الەمدە ەكونوميكاسى مىقتى ەلگە اينالۋىنا جول اشپاق. بىزدەر, رەسەيدە تۇرىپ جاتقان قازاقتار قازاقستان رەسپۋبليكاسىنىڭ ستراتەگيالىق تۇرعىدا دامۋىنا باسا كوڭىل ءبولىپ كەلەمىز. وسى ورايدا, پرەزيدەنت نۇرسۇلتان نازارباەۆقا بارلىق العا قويعان ماقسات-مىندەت­تەردى جۇزەگە اسىرۋ جولىندا ساتتىلىك پەن تا­بىس تىلەيمىز, ال رەسپۋبليكا بەيبىتشىلىك اۋانىندا ءوسىپ-وركەندەي بەرسىن! ەدۋارد ىسقاقوۆ, قازاق مادەنيەتىن دامىتۋ قورى باسقارماسىنىڭ توراعاسى استراحان قالاسى, رەسەي فەدەراتسياسى