كاسىپكەرلەرگە جەڭىلدىك كوپ

كەشە استانا قالاسى اكىمى اسەت يسەكەشەۆ پەن «اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى تيمۋر ق ۇلىباەۆتىڭ قاتىسۋىمەن كاسىپكەرلەر كونفەرەنتسياسى ءوتتى. القالى جيىندا ەلورداداعى كاسىپكەرلىكتى دامىتۋدىڭ نەگىزگى باسىمدىقتارى تالقىلاندى. سونىمەن قاتار, استانا نارىعىنا اۋىلشارۋاشىلىق ونىمدەرىن تىكەلەي جەتكىزۋ مۇمكىندىكتەرى, بيزنەس-ورتانى جەتىلدىرۋ تۋرالى جان-جاقتى ءسوز قوزعالدى. شارادا «اتامەكەن» ۇكپ باسقارما توراعاسىنىڭ ورىنباسارلارى نۇرجان التاەۆتىڭ, تولەمىس شوتانوۆتىڭ جانە استانا قالاسى كاسىپكەرلەر پالاتاسىنىڭ ديرەكتورى عاني تاسماعانبەتوۆتىڭ باياندامالارى تىڭدالدى. ولار ەلوردادا بيزنەستىڭ بارلىق سالاسىن دامىتۋعا قاتىستى ۇسىنىس­تارىن جەتكىزىپ, قازىرگى احۋالدى اڭگىمەلەدى. تۇرعىن ۇيگە ارنال­ماعان ورىنجايلاردىڭ فۋنك­تسيالىق قىزمەتى بويىنشا زاڭ­ناما تالاپتارى, ادال سالىق ءتو­لەۋشىلەردى ققس بو­يىن­شا تىركەۋ ەسەبىنەن ەسكەرتۋسىز جۇيە­لى تۇردە شىعارۋ, ەنەرگەتيكا, كولىك جانە لوگيستيكا, سونداي-اق, تۇرعىن ءۇي-كوممۋنالدىق شارۋا­شىلىق سالالارىنداعى قىز­مەت كورسەتۋ قۇنىن جاپپاي ازاي­تۋ ماسەلەلەرىن ورتاعا سالىپ, كەڭىنەن ءتۇسىندىردى. جيىن بارىسىندا استانا اكىمى بيىل وتەتىن ەكسپو كورمەسى كەزىندە قوناقتاردى ازىق-ت ۇلىكپەن قامتاماسىز ەتۋ ماسەلەسىنە توقتالدى. «قازىرگى ۋاقىتتا ءبىز «اتامەكەن» ۇلتتىق كاسىپكەرلەر پالاتاسىمەن جۇمىس ىستەۋدەمىز. استانالىقتار جىل سايىن 500 مىڭ توننا ازىق-ت ۇلىك ونىمدەرىن تۇتىنسا, جازدا بۇل كولەم 160 مىڭ توننانى قۇرايدى دەگەن بولجام بار. دەمەك, 10-20 پايىزعا ءوسىم بولادى», دەدى ءا.يسەكەشەۆ. قالا باسشىسىنىڭ سوزىنە قاراعاندا, بۇگىندە بىرقاتار ازىق-ت ۇلىك ونىمدەرى بويىنشا تاپشىلىق بايقالادى. ال ەكسپو كەزىندە باعانىڭ تۇراق­تىلىعىن قامتاماسىز ەتۋ ءۇشىن كوتەرمە تاراتۋشى ورتالىقتارىن اشۋ جوسپارلانعان. اۋىلشا­رۋا­شىلىق ءونىمىن وندىرۋشىلەر سول جەرگە ءوز تاۋارلارىن جەتكىزىپ, ءتيىمدى باعامەن ساتا الادى. سونىمەن قاتار, اسەت يسە­كەشەۆ ازىق-ت ۇلىك دۇكەندەرى مەن ءدارىحانالار از جەرلەردە بيز­نەس اشۋعا نيەت تانىتقان كاسىپ­كەر­لەرگە جەڭىلدىك جاساۋعا دايىن ەكەندىكتەرىن جەتكىزدى. اسحات رايقۇل, «ەگەمەن قازاقستان»