الەمدىك ۇكىمەت سامميتىنە قاتىسۋدا

اقپارات جانە كوممۋنيكاتسيالار ءمينيسترى داۋرەن اباەۆ بىرىككەن اراب امىرلىكتەرىندە 12 اقپاندا باستالىپ, بۇگىن اياقتالاتىن الەمدىك ۇكىمەت سامميتىنە قاتىسۋدا. سامميت بۇكىل الەمدە بولاشاق ۇكىمەتتى قالىپتاستىرۋعا ارنالعان جاھاندىق تۇعىرناما بولىپ تابىلادى. 130 ۇكىمەت جانە حالىق­ارالىق ۇيىم وكىلدەرى دۋبايدا مەم­لە­كەتتىك مەكەمەلەردىڭ جۇمىسىن تال­­قىلاۋدا. سامميت جىل سا­يىن ادامزات الدىندا تۇرعان سان الۋان پروبلەمالاردى شە­شۋ ءۇشىن يننوۆاتسيالار مەن تەح­نولوگيا­لاردى قالاي پاي­دالا­نۋ كەرەك ەكەنىنە باسا نازار اۋ­دارا وتىرىپ, ۇكىمەتتىڭ كەلەسى ۇرپا­عىنا وزەكتى مىندەتتەر قويۋدا. The World Government Summit-ءتىڭ وتكىزىلۋى شەڭبەرىندە داۋرەن اباەۆ Dubai Media City قىزمەتىمەن تانىستى. Dubai Media City 2000 جىلى نەگىزى قالانعان. مەدياورتالىق Dubai Holding قۇرامىنا كى­رەدى جانە مەديايندۋستريامەن, ينتەرنەت-قولداۋمەن, جاڭا­لىق­تاردى سۇيەمەلدەۋمەن, فيلم­دەر مەن روليكتەردى شىعا­رۋمەن اينالىسادى. سون­داي-اق, مەدياورتالىق باسپا ءونىم­دەرىمەن جانە باسپامەن اينا­لى­سادى, ءتۇسىرىلىم توپتارى ءۇشىن كوپتەگەن پاۆيلوندارى دا بار. مەدياورتالىق الەمنىڭ 24 مەم­لەكەتىندەگى 1300-دەن استام مەديا كومپانيالاردىڭ قىزمەتىن ۇيلەستىرۋشى كلاستەر بولىپ تابىلادى. اقپارات جانە كوممۋنيكا­تسيا­لار ءمينيسترى باق جانە تەلە- كينويندۋستريا سالاسىنداعى وسىنداي تاجىريبە قازاقستاندا دا مەديا كومپانيالاردىڭ ءوزارا ءىس-قيمىل جاساۋى بولىگىندە پايدالى بولۋى مۇمكىن ەكەنىن اتاپ ءوتتى. سونىمەن قاتار, مينيستر «WAM» اقپاراتتىق اگەنتتىگىنىڭ اتقارۋشى ديرەكتورى موحامەد جالەل ءال-رايسيمەن كەزدەستى. بۇل كەزدەسۋ بارىسىندا «قاز­­­اقپارات» حالىقارالىق اقپا­راتتىق اگەنتتىگىنىڭ باس ديرەك­­تورى اسەل تولەگەنوۆا مەن «WAM» اقپاراتتىق اگەنتتىگىنىڭ اتقا­­رۋشى ديرەكتورى ءال-رايسي ىن­تىماقتاستىق تۋرالى مەمو­ران­دۋمعا قول قويدى. قۇجات كاسى­بي بىرلەستىكتەر مەن حا­لىق­ارالىق ۇيىمدارعا مۇشە­لىك شەڭبەرىندە ەلدەر ارا­سىن­دا تاجىريبەمەن, جاڭالىق ماتەريال­دارمەن, اقپارات­تىق قىزمەت­تەرمەن الماسۋدى, ىن­تى­ماق­تاستىقتى جانە ۇيلەستى­رۋدى بولجايدى. قۇجات جۋرناليستەر الماسۋ بويىنشا تاعىلىمداماسىن دا كوزدەيدى. «ءبىز قازاقستان رەسپۋب­ليكا­سىمەن بۇرىننان بەرى تىعىز قارىم-قاتىناستامىز, بۇل كە­لىسىم ەكى ەل اراسىنداعى اقپا­راتتىق سالا بولىگىندەگى ءوزارا ءىس-قيمىلدى كۇشەيتەدى, جاڭا­لىقتارمەن الماسۋدى جەڭىل­دەتەدى, ءبىر ءبىرىمىز تۋرالى تولى­عىراق اقپارات بەرىلە­دى دەپ ءۇمىت­تەنەمىز. ءبىز بىرلەس­كەن ىنتىماق­تاستىقتا ۇلكەن ءمۇم­كىندىكتى جانە بولاشاقتى كورەمىز. سون­داي-اق, ءبىز وسى باعىتتا جۇمىستى باس­تاي وتىرىپ, ءوزىمىزدىڭ ءمۇم­كىندىكتەرىمىزدى كەڭەيتە الامىز دەپ ويلايمىن», دەدى موحامەد جالەل ءال-رايسي. «ءبىز اراب ەلىنە شاقىر­عان­دارىڭىز ءۇشىن العىسىمىزدى ءبىل­دىرەمىز. بۇل ەكى ەل ارا­سىن­داعى ءوزارا ءىس-قيمىلدى جال­عاس­تىرۋعا كومەكتەسەدى. ءبىز ءباا-مەن ىنتىماقتاسۋعا قىزىعۋشىلىق تانىتىپ وتىرمىز. ەكى ەلدىڭ كوشباسشىلارى ەكى مەملەكەت اراسىنداعى ءوزارا ءىس-قيمىل جەمىستى بولۋى ءۇشىن بارلىعىن جاساۋدا. بۇدان باسقا, ىنتىماقتاستىق شەڭبەرىندە 2017 جىلعى 10 ماۋسىم مەن 10 قىركۇيەك ارالىعىندا قازاق­ستاننىڭ ەلورداسىندا وتەتىن الداعى ەكسپو-2017 حالىقارالىق كورمەسىن تولىق جاريا­لاۋعا نيەتتىمىز. تابىستى ىنتى­ماق­تاستىققا ۇمىتتەنەمىز», دەدى اقپارات جانە كوممۋنيكاتسيالار ءمينيسترى داۋرەن اباەۆ. «WAM» اقپاراتتىق اگەنتتىگى 1976 جىلى قۇرىلعان جانە ءبۇ­گىندە ءباا-دەگى ەڭ تانىمال اق­پا­راتتىق تۇعىرناما بولىپ تابىلادى. «ەگەمەن-اقپارات»