قازاقستان رەسپۋبليكاسى دەنساۋلىق ساقتاۋ مينيسترلىگىنىڭ بۇيرىعى №15

2011 جىلعى 6 قاڭتار, استانا قالاسى قازاقستان رەسپۋبليكاسىنداعى پسيحياتريالىق ۇيىمداردىڭ قىزمەتى تۋرالى ەرەجەنى بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كو­دەكسىنىڭ 32-بابىنىڭ 3-تارماعىنىڭ 1)­-تارماقشاسىنا ءساي­كەس, سونداي-اق پسي­حي­اتريا­لىق ۇيىمداردىڭ قىزمە­تىن جەتىلدىرۋ ماق­ساتىندا بۇيىرامىن: 1. قوسا بەرىلىپ وتىرعان قازاقستان رەسپۋبلي­كاسىنداعى پسيحياتريالىق ۇيىمداردىڭ قىزمەتى تۋرالى ەرەجە بەكىتىلسىن. 2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداس­تىرۋ دەپارتامەنتى (ا.ع.تولەعاليەۆا) وسى بۇي­رىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن. 3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اكىمشىلىك, باقىلاۋ جانە كادر جۇمىسى دەپارتامەنتى (ف.ب. بيسميلدين) وسى بۇي­رىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونى زاڭنامادا بەلگىلەنگەن تارتىپپەن بۇقارالىق اق­پا­رات قۇرالدارىندا رەسمي جاريالاۋدى قامتا­ماسىز ەتسىن. 4. وسى بۇيرىقتىڭ ورىندالۋىن باقىلاۋ قازاق­ستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا.بايجۇنىسوۆكە جۇكتەلسىن. 5. وسى بۇيرىق ونى العاشقى رەسمي جاريا­لاعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. ءمينيستردىڭ مىندەتىن اتقارۋشى ب.سادىقوۆ. قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 6 قاڭتار №15 بۇيرىعىمەن بەكىتىلگەن قازاقستان رەسپۋبليكاسىنداعى پسيحياتريالىق ۇيىمداردىڭ قىزمەتى تۋرالى ەرەجە 1. جالپى ەرەجەلەر 1. وسى ەرەجە مەملەكەتتىك دەنساۋلىق ساقتاۋ سەكتورىنىڭ پسيحياتريالىق ۇيىمدارىنىڭ ءمار­تەبەسىن, وكىلەتتىگىن ايقىندايدى. 2. پسيحياتريالىق ۇيىم –پسيحيكالىق بۇ­زىلۋلاردان (اۋرۋلاردان) زارداپ شەگەتىن ادام­دارعا مەديتسينالىق-الەۋمەتتىك كومەك كورسەتۋ, ساراپتاما جۇرگىزۋ (اسكەري-دارىگەرلىك, سوت-پسي­حيا­تريالىق, ۋاقىت­شا ەڭبەككە جارامسىزدىق ساراپ­تاماسى), باسقا دا كونسۋلتاتسيالىق-پسي­حيا­تريالىق, پسيحو­تەرا­پيالىق ءجا­نە مەديتسينالىق-پسيحولوگيالىق كومەك كورسەتۋ نەگىزگى قىزمەتى بولىپ تابىلاتىن مەديتسينالىق دەنساۋلىق ساق­تاۋ ۇيىمى. 3. پسيحياتريالىق ۇيىمدار قازاقستان رەس­پۋب­ليكاسىنىڭ كونستيتۋتسياسىنا, قازاقستان رەس­پۋب­ليكاسىنىڭ زاڭنامالىق اكتىلەرىنە, ۇيىم­نىڭ جار­عىسىنا جانە وسى قازاقستان رەسپۋبلي­كاسىنىڭ پسيحياتريالىق ۇيىمدارىنىڭ قىزمەتى تۋرالى ەرەجەگە (بۇدان ءارى – ەرەجە) سايكەس جۇمىس ىستەيدى. 4. پسيحياتريالىق ۇيىمدار زاڭدى تۇلعا بولىپ تابىلادى, ءمورتابانى, ءمورى جانە ءوزىنىڭ اتاۋى بەلگىلەنگەن فيرمالىق بلانكىسى بولادى. 5. مەملەكەتتىك دەنساۋلىق ساقتاۋ سەكتورىنىڭ پسيحياتريالىق ۇيىمدارى, وكىلەتتى ورگانداردىڭ نەمەسە وبلىس, رەسپۋبليكالىق ماڭىزى بار قا­لالار مەن استانانىڭ جەرگىلىكتى ورگاندا­رىنىڭ, مەملەكەتتىك دەنساۋلىق ساقتاۋ باسقارمالارىنىڭ تىكەلەي قارا­ماعىندا. 6. پسيحياتريالىق ۇيىم مەديتسينالىق ءبىلىم جانە عىلىم ۇيىمدارىنىڭ كلينيكالىق جانە (نەمەسە) وقۋ بازاسى بولا الادى. 2. پسيحياتريالىق ۇيىمداردىڭ ماقساتتارى مەن مىندەتتەرى 7. پسيحياتريالىق ۇيىمداردىڭ ماقساتى دەنساۋلىق ساقتاۋ سالاسىنداعى مەملەكەتتىك ساياسات قاعيداتتارىنا سايكەس پسيحيكالىق بۇزىلۋ­لاردان (اۋرۋلاردان) زارداپ شەگەتىن ادامدارعا مەديتسينالىق-الەۋمەتتىك كومەك كورسەتۋ بولىپ تابىلادى. 8. پسيحياتريالىق ۇيىمداردىڭ مىندەتتەرى: 1) ستاندارتتار تالاپتارى مەن دياگنوستيكالاۋ جانە ەمدەۋ حاتتامالارىنا سايكەس حالىققا مامان­داند­ى­رىلعان پسيحياتريالىق (پسيحوتەراپەۆتىك, مەديتسينالىق-پسيحولوگيالىق) كومەك كور­سەتۋ; 2) پسيحيكانىڭ جانە مىنەز-قۇلقىنىڭ بۇزىلۋ اۋرۋلارىنىڭ الدىن الۋ: اۋرۋدىڭ پايدا بولۋىن ەسكەرتۋ ماقساتىندا تىرشىلىك ارەكەتىنە قولايلى جاعداي جاساۋعا با­عىتتالعان باستاپقى پسيحيكاسىنىڭ جانە مىنەز-قۇلقىنىڭ بۇزى­لۋ (كوپشىلىك, دەربەس) اۋرۋلا­رىنىڭ الدىن الۋ; پسيحيكالىق جانە مىنەز-ق ۇلىقتىق بۇزىلۋ اۋ­رۋ­لارىنىڭ ەرتە ساتىداعى جانە ونىڭ سالدا­رىنىڭ كۇشەيۋىن ەسكەرتۋگە باعىتتالعان قايتا­لاما اۋرۋلا­رىنىڭ الدىن الۋ; دامىعان اسقىنۋدى باقىلاۋعا باعىتتالعان جال­عاسپالى پسيحيكاسىنىڭ جانە مىنەز-قۇل­قىنىڭ بۇزىلۋ اۋرۋلارىنىڭ الدىن الۋ; 3) پسيحيكاسىنىڭ جانە مىنەز-قۇلقىنىڭ بۇ­زى­لۋلارى بار ادامداردىڭ الەۋمەتتىك ستيگماتي­زاتسياسى مەن ديسكريميناتسياسىن تومەندەتۋ بو­يىنشا ءىس-شارالاردى ىسكە اسىرۋ; 4) پسيحيكاسىنىڭ جانە مىنەز-قۇلقىنىڭ بۇ­زىلۋلارى بار ادامداردىڭ قوعامدىق قاۋىپتى ارە­كەتتەرىن تومەندەتۋ بويىنشا ءىس-شارالاردى ىسكە اسىرۋ; 5) ادامداردىڭ پسيحيكالىق دەنساۋلىق ءما­سەلەلەرى بويىنشا اقپاراتتاندىرىلۋىن ارتتىرۋ بويىنشا اقپاراتتىق-ناسيحاتتاۋ سيپاتىنداعى ءىس-شارالاردى ىسكە اسىرۋ; 6) پسيحيكالىق جانە مىنەز-ق ۇلىقتىق بۇ­زىلۋلاردان زارداپ شەگۋشى ادامدارعا ەڭبەك تەرا­پياسى مەن قايتا الەۋمەتتەندىرۋ ءۇشىن جاعداي جاساۋ; 7) پسيحيكالىق دەنساۋلىق ماسەلەسى بويىنشا پسيحياتريالىق ۇيىمداردىڭ وزگە دە ۇيىم­دارمەن جانە مەملەكەتتىك ورگاندارمەن تىعىز ءوزارا ءىس-قيمىلدى جانە ساباقتاستىقتى قام­تاماسىز ەتۋ; 8) ەسەپ جانە باسقا قۇجاتتاردىڭ مالىمەتتەرى بويىنشا سىرقاتتانۋشىلىق پەن اۋىرسىنۋىن, كورسەتىلەتىن پسيحياتريالىق مەديتسينالىق-الەۋ­مەتتىك كومەكتىڭ تيىمدىلىگىن تالداۋ; 9) دەنساۋلىق ساقتاۋ سالاسىنداعى عىلىمي ۇيىمدار ءۇشىن – پراكتيكالىق دەنساۋلىق ساق­تاۋعا جاڭا ۇيىمداستىرۋ تۇرلەرىن, پسيحيكالىق بۇزى­لۋلارى بار ادامداردى دياگنوستيكالاۋدىڭ, ەمدەۋدىڭ جانە وڭالتۋدىڭ كلينيكالىق ءتيىمدى جانە قاۋىپسىز ادىستەرىن ەنگىزۋ. 3. پسيحياتريالىق ۇيىمداردىڭ تۇرلەرى مەن ۇلگى قۇرىلىمى 9. پسيحياتريالىق ۇيىمدارىنىڭ تۇرلەرى: 1) پسيحياتريالىق اۋرۋحانالار: ماماندان­دىرىلعان ۇلگىدەگى بولىمشەلەردى جانە ءجىتى باقى­لاناتىن مامانداندىرىلعان ۇلگىدەگى ءبولىم­شەلەردى قامتيتىن ءجىتى باقىلاناتىن مامان­داندىرىلعان ۇلگىدەگى پسيحياتريالىق اۋرۋحا­نالار, پسيحيكالىق دەنساۋلىق ورتالىقتارى, بالالار پسيحياتريالىق ۇيىمدارى, وڭىرلىك پسيحياتريالىق اۋرۋحانالار, وبلىستىق (قالا­لىق) پسيحياتريالىق اۋرۋحانالار; 2) پسيحياتريالىق (پسيحونەۆرولوگيالىق) ديس­پانسەرلەرى; 3) عىلىمي-زەرتتەۋ ينستيتۋتتارى, عىلىمي-پراكتيكالىق ورتالىقتار. 10. پسيحياتريالىق ۇيىمدارىنىڭ بارلىق ءتۇر­لەرىنە شتاتتىق نورماتيۆتەرىنە سايكەس جيىن­تىقتالعان مىندەتتى بولىمشەلەر: 1) اكىمشىلىك-باسقارۋ قىزمەتكەرلەر; 2) قارجى-ەكونوميكالىق ءبولىم; 3) شارۋاشىلىق قىزمەتى; 4) زەرتحانالىق جانە اسپاپتىق-دياگنوس­تيكالىق بولىمشەلەر (وڭىرلىك قاجەتتىلىگىنە ءساي­كەس قۇرىلىمى مەن ءتۇرى بەلگىلەنەدى). 11. پسيحياتريالىق ۇيىمداردىڭ قۇرىلىمى: 1) مىندەتتى بولىمشەلەردەن باسقا, پسيحيا­تريالىق اۋرۋحانالار: ستاتسيونارلىق كلينيكالىق بولىمشەلەر: جال­پى پسيحياتريالىق; پسيحوتەراپيالىق; پسيحو­سوما­تي­كالىق; گەرونتولوگيالىق; بالالار; مامان­داندى­رىلعان (پسيحوتۋبەركۋلەزدىك), سوت-پسيحيا­تريالىق ساراپتاماسى بولىمشەسى; قارقىندى تەراپيا پالاتاسى; ەمدەۋ-ەڭبەك شەبەرحاناسى; امبۋلاتوريالىق-ەمحانالىق بولىمشە; وڭىرلىك قاجەتتىلىگىنە بايلانىستى امبۋلا­توريالىق-پسيحياتريالىق ساراپتاما ءبولىمى (بولىمشەسى); ستاتسيوناردى الماستىراتىن بولىمشەلەر: كۇندىزگى ستاتسيونار, مۋلتيتارتىپتىك بريگادالار; ۇيىمداستىرۋ-ادىستەمەلىك نەمەسە ستاتيستيكالىق ءبولىمى (كابينەت); جەدەل مامانداندىرىلعان پسيحياتريالىق كو­مەك. 2) مىندەتتى بولىمشەلەردەن باسقا, پسيحيا­تريالىق (پسيحونەۆرولوگيالىق) ديسپانسەرلەر: امبۋلاتوريالىق-ەمحانالىق بولىمشە; ستاتسيوناردى الماستىراتىن بولىمشەلەر: كۇندىزگى ستاتسيونار, مۋلتيتارتىپتىك بريگادالار; امبۋلاتوريالىق-پسيحياتريالىق ساراپتاما ءبولىمى (بولىمشەسى), وڭىرلىك قاجەتتىلىگىنە باي­لانىستى; ۇيىمداستىرۋ-ادىستەمەلىك نەمەسە ستاتيستيكا­لىق ءبولىم (كابينەت); وڭىرلىك قاجەتتىلىگىنە بايلانىستى جەدەل ما­مانداندىرىلعان پسيحياتريالىق كومەك; 3) عىلىمي-زەرتتەۋ ينستيتۋتتارى, عىلىمي-پراكتيكالىق ورتالىقتار: عىلىمي بولىمشەلەر; ستاتسيونارلىق كلينيكالىق بولىمشەلەر: جال­پى پسيحياتريالىق; پسيحوتەراپيالىق; پسيحو­سوماتي­كالىق; گەرونتولوگيالىق; بالالار, كۇزە­تىلەتىن سوت-مەديتسينالىق ساراپتاما بولىمشەسى; قارقىندى تەراپيا پالاتاسى; ەمدەۋ-ەڭبەك شەبەرحاناسى; ۇيىمداستىرۋ-ادىستەمەلىك كونسۋلتاتسيا ءبولىمشسى; ستاتسيوناردى الماستىراتىن بولىمشەلەر. 4. امبۋلاتوريالىق-ەمحانالىق بولىمشە 12. امبۋلاتوريالىق-ەمحانالىق بولىمشە (ديسپانسەرلىك (ەمحانالىق) پسيحياتريالىق ءبو­لىم­شە) ستاندارتتار تالاپتارى مەن دياگنوستيكالاۋ جانە ەمدەۋ حاتتامالارىنا سايكەس پسيحيكاسى مەن مىنەز-قۇلقىنىڭ بۇزىلۋلارى بار ادامدارعا مامانداندىرىلعان مەديتسينالىق-الەۋمەتتىك كو­مەك كورسەتەتىن پسيحياتريالىق ۇيىمىنىڭ قۇرىلىمدىق بولىمشەسى بولىپ تابىلادى. 13. امبۋلاتوريالىق-ەمحانالىق بولىمشەنىڭ مىندەتتەرى: 1) پسيحيكاسى مەن مىنەز-قۇلقىنىڭ بۇ­زىلۋلارى بار ادامداردى امبۋلاتوريالىق قابىلداۋ; 2) ديناميكالىق باقىلاۋدا تۇراتىن پسيحي­كاسى جانە مىنەز-قۇلقىنىڭ بۇزىلارى بار ادام­داردى كلينيكالىق تەكسەرۋ, ۇيدە پسيحياتريالىق كۋالان­دىرۋ; 3) مەديتسينا قۇجاتتارىن جۇرگىزۋ; 4) تەراپيالىق, پسيحوپروفيلاكتيكالىق جانە پسيحوگيگيەنالىق ءىس-شارالارىن ىسكە اسىرۋ; 5) ادامنىڭ پسيحيكالىق جاعدايى جانە ونىڭ ديناميكالىق باقىلاۋ جاعدايى تۋرالى قورى­تىندىلاردى بەرۋ; 6) ناۋقاستاردىڭ ۋاقىتشا جۇمىسقا جارام­سىزدىعىن ساراپتاۋ; 7) كورسەتىلەتىن پسيحياتريالىق كومەكتىڭ تيىمدىلىگىنە تالداۋ جۇرگىزۋ; 8) وسى ەرەجەمەن بەلگىلەنەتىن پسيحياتريالىق ۇيىمدارىنىڭ مىندەتتەرىنە سايكەس كەلەتىن قىزمەتتەردىڭ وزگە دە تۇرلەرى. 14. امبۋلاتوريالىق-ەمحانالىق بولىمشەگە مامان­داندىرىلعان پسيحياتريالىق كومەككە ءجۇ­گىن­گەن ادامداردى باقىلاۋدى ىسكە اسىرۋ ءتارتىبى: 1) كونسۋلتاتسيالىق بايقاۋ – ادامنىڭ ءوتىنىشى جانە (نەمەسە) جازباشا ءوتىنىشى بويىنشا پسيحياتريالىق ۇيىمدا جانە (نەمەسە) ۇيدە قاراۋ جانە ەمدەۋ. پاتسيەنتكە ەمدەۋ-وڭالتۋ ءىس-شارالارىن كورسەتۋ قاجەتتىلىگى اياقتالعاننان كەيىن جانە (نەمەسە) ءادامنىڭوتىنىشى بويىنشا بۇرىن بەلگىلەنگەن كونسۋلتاتسيالىق بايقاۋ توقتاتىلادى; 2) ديناميكالىق بايقاۋ – وسى ەرەجەنىڭ 16-تارماعىنا سايكەس ديناميكالىق بايقاۋ توپ­تارىنا سايكەس اۋىر, تۇراقتى, ءجيى اسقىنعان اۋىر­سىنۋ كورىنىستەرىمەن سوزىلمالى نەمەسە ۇزاققا سوزىلعان بۇزىلۋلارى بار ناۋقاستاردىڭ پسيحيكالىق جاعدايىن بايقاۋ جانە ونى ۇيدە جانە پسيحياتريالىق ۇيىمدا تۇراقتى تەكسەرىپ-قاراۋى ارقىلى تەراپيالىق ءىس-شارالاردى جۇزەگە اسىرۋ. 15. پاتسيەنتتىڭ پسيحياتريالىق ايعاقتارىنا بايلانىستى ەمەس ديناميكالىق بايقاۋدان تاستاۋ سەبەپتەرى: 1) پاتسيەنتتىڭ تۇراقتى مەكەن جايىن وزگەرگەن, پسيحياتريالىق ۇيىم قىزمەت كورسەتەتىن اۋماق شەڭبەرىنەن كەتكەن كەزدە; 2) قايتىس بولعان كەزدە; 3) 12 اي ىشىندە تۇرعان جەرى تۋرالى قانداي دا ءبىر ناقتى مالىمەتتەرى بولماعان كەزدە; 4) حابارسىز جوق بولعانىن مويىنداعان نەمەسە ءولدى دەپ حابارلانعان كەزدە. 16. ديناميكالىق بايقاۋ توپتارى: 1) ءبىرىنشى توپ – ەمدەۋگە جاتقىزۋمەن قوسا جۇرەتىن, پسيحوتيكالىق سيمپتوماتيكاسىنىڭ اس­قىنۋلارى ءجيى جانە كورسەتىلگەن پاتسيەنتتەر (جى­لىنا ەكى جانە ودان كوپ). ولاردىڭ بايقاۋدىڭ جيىلىگىن جەكە-جەكە ءار ناقتى جاعدايدا دارىگەر بەلگىلەيدى, جەتى كۇندە ءبىر رەتتەن وتىز كۇندە ءبىر رەتكە دەيىن; 2) ەكىنشى توپ – امبۋلاتوريالىق جانە (نەمەسە) ستاتسيوناردى الماستىراتىن جاعدايدا باسى­لاتىن پسيحيكاسىنىڭ بۇزىلۋىنىڭ دەكوم­پەن­ساتسياسى مەن اسقىنۋلارى بار پاتسيەنتتەر. قا­راۋدىڭ جيىلىگى ءۇش كۇننەن جەتى كۇن كەزەڭدىلىكپەن جۇزەگە اسىرىلادى; 3) ءۇشىنشى توپ – ۇدەرىستىڭ بىركەلكى پروگرەديەنتتى اعىمىمەن جانە سپونتاندىق رەميس­سيا­سىمەن تۇراقتانعان كۇيدەگى پاتسيەنتتەر. قاراۋ­دىڭ جيىلىگى ءۇش ايدا ءبىر رەتتەن ءجيى ەمەس; 4) ءتورتىنشى توپ – پسيحوپاتولوگيالىق بۇزى­لۋلارىنىڭ رەميسسيا نەمەسە كومپەنساتسيا جاع­داي­ىنداعى, الەۋمەتتىك-ەڭبەكتىك جانە تۇرمىستىق بەيىمدەلۋى جاقسى, قازىرگى ۋاقىتتا بەلسەندى الەۋمەتتىك-ساقتاندىرۋ شارالارىن تالاپ ەتپەيتىن پاتسيەنتتەر. قاراۋدىڭ جيىلىگى 6 ايدا ءبىر رەتتەن ءجيى ەمەس, 12 اي وتكەننەن كەيىن – دينا­ميكالىق بايقاۋدان الىپ تاستاۋ تۋرالى ماسەلەسىن قاراۋ; 5) بەسىنشى توپ (بەلسەندى ديناميكالىق بايقاۋ توبى) – الەۋمەتتىك-قاۋىپتى ارەكەتتەرگە بەيىم پاتسيەنتتەر, جوعارى سۋيتسيدتىك قاۋىپتەرى بار ادامدار. قاراۋدىڭ جيىلىگى اي سايىن (ايعاقتارى بولعان جاعدايدا ءجيى). 5. ستاتسيوناردى الماستىراتىن بولىمشەلەر 17. كۇندىزگى ستاتسيونار دەربەس زاڭدى تۇلعا رەتىندە نەمەسە امبۋلاتوريالىق-ەمحانالىق جانە ستا­تسيونارلىق كومەك كورسەتەتىن پسيحياتريالىق نەمەسە مەديتسينالىق ۇيىمنىڭ قۇرامىندا پسي­حياتريالىق بولىمشەسى (بولىمشە, كابينەت) بار, ونىڭ بولىمشەسى قۇقىعىندا ۇيىمداس­تىرىلادى. 18. كۇندىزگى ستاتسيوناردا ەمدەلۋ ءۇشىن ايعاقتار: 1) اسقىنۋدىڭ پروفيلاكتيكاسى مەن توقتاتۋ, تاۋلىك بويى بايقاۋدى تالاپ ەتپەيتىن پسيحيكا بۇزىلۋلارىنىڭ دەكومپەنساتسياسى; 2) سوت-پسيحياتريالىق ساراپتامادان باسقا پسيحيكاسىنىڭ بۇزىلۋلارى بار پاتسيەنتتەرىڭ دياگنوستيكالىق جانە ساراپتامالىق باعالاۋ. 19. كۇندىزگى ستاتسيوناردا ەمدەۋ ءۇشىن قارسى كورسەتىلىمدەر: 1) جوعارى سۋيتسيدتىك قاۋىپ; 2) اينالاسىنداعىلار ءۇشىن قاۋىپتىلىك; 3) اۋىر سوماتيكالىق جاعداي, جۇقپالى كەزدەگى ينفەكتسيالىق جانە ۆەنەريالىق اۋرۋلار; 4) پسيحيكالىق اۋرۋمەن اۋىراتىن ادامنىڭ پسي­حيكالىق جانە (نەمەسە) سوماتيكالىق جاعدا­يىنىڭ اۋىر سالدارىنان كۇندىزگى ستاتسيونار تارتىبىنە قابىلەتسىزدىگى. 20. كۇندىزگى ستاتسيوناردا ەمدەۋ مەرزىمى – 90 كۇنگە دەيىن. 21. كۇندىزگى ستاتسيوناردا پسيحوتروپتى پرە­پاراتتاردى ەسكە الا وتىرىپ, ەكى رەتتىك تا­ماقتانۋ كوزدەلگەن. 22. مۋلتيتارتىپتىك بريگادالار شتات كەس­تەسىنىڭ شەگىندە پسيحياتريالىق ۇيىمنىڭ قۇرا­مىندا ۇيىمداستىرىلادى. 23. مۋلتيتارتىپتىك بريگادالاردىڭ ماقسات­تارى: 1) پسيحيكالىق اۋرۋلاردىڭ اسقىنۋلارىنىڭ الدىن الۋ; 2) مەديتسينالىق-الەۋمەتتىك كومەك كورسەتۋ. 6. ستاتسيونارلىق كلينيكالىق بولىمشەلەر 24. ستاتسيونارلىق كلينيكالىق بولىمشەلەر پسيحياتريالىق ۇيىمىنىڭ قۇرىلىمدىق ءبولىم­شەلەرى بولىپ تابىلادى جانە ستاتسيونارلىق مامان­داندىرىلعان كومەك كورسەتۋ ستاندارت­تارىنا سايكەس پسيحيكاسى مەن مىنەز-ق ۇلىق بۇزى­لۋلارى بار ادامدارعا ستاتسيونارلىق مامان­داندىرىلعان كومەك كورسەتەدى. 25. كلينيكالىق بولىمشەلەردە باقىلاۋدى ۇيىمداستىرۋ ءتارتىبى: 1) جالپى باقىلاۋ ءتارتىبى – بولىمشەدە قوزعا­لىستى شەكتەمەي تاۋلىكتىك باقىلاۋ. جالپى ءتارتىپ مىناداي جاعدايدا بەلگىلەنەدى: وزىنە جانە اينالاسىنداعىلارعا تىكەلەي قا­ۋىپتى بولماعاندا; بوگدە ادامنىڭ كومەگىنسىز جەكە گيگيەنانى ساقتاۋعا قابىلەتتى كەزدە; وسى ەرەجەنىڭ 25-تارماعىنىڭ 4-تارماق­شاسىندا كورسەتىلگەن بايقاۋ مەن ۇستاۋدىڭ وزگە ءتارتىبىن قاجەت ەتەتىن پسيحيكالىق جانە سوما­تيكالىق بۇزىلۋلاردىڭ بولماعان كەزدە; 2) ءىشىنارا ەمدەۋگە جاتقىزۋ ءتارتىبى – اۋرۋحانادان تىس جاعدايلاردا ونى بەيىمدەۋ قاجەتتىگىن ەسكەرە وتىرىپ, كۇندىزگى نەمەسە تۇنگى ۋاقىتتا بولىمشەدە پاتسيەنتتىڭ بولۋ مۇمكىندىگى. ءىشىنارا ەمدەۋگە جاتقىزۋ ءتارتىبى دبك شەشىمىمەن بەلگىلەنەدى جانە مىناداي جاعدايدا ۇسىنىلادى: وسى ەرەجەنىڭ 25-تارماعىنىڭ 1-تارماق­شاسىن­دا بەلگىلەنگەن بايقاۋعا ارنالعان ولشەم­دەردىڭ بولعان كەزدە; كۇندەلىكتى, بىراق تاۋلىكتىك ەمەس بايقاۋدى قاجەت ەتەتىن پسيحيكالىق جاعدايى تۇراقتان­دىرىلعان كەزدە. ماجبۇرلەپ ەمدەۋدەگى ادامدار مەن سوت-تەرگەۋ ورگاندارىنىڭ انىقتاماسى (قاۋلىسى) بويىنشا ساراپتاما ءۇشىن جاتقاندارعا ءىشىنارا ەمدەۋگە جاتقىزۋ ءتارتىبى قولدانىلمايدى; 3) ەمدەۋ دەمالىستارىنىڭ ءتارتىبى – اۋرۋحانادان تىس جاعدايلارعا بىرتىندەپ بەيىمدەۋ, تۇر­مىستىق جانە الەۋمەتتىك ماسەلەلەردى شەشۋ, سون­داي-اق قول جەتكىزىلگەن ەمدەۋ تيىمدىلىگىن باعالاۋ ماقساتىندا دكك شەشىمى بويىنشا بىرنەشە ساعاتتان بىرنەشە تاۋلىككە دەيىن ءبولىم­شەدەن تىس بولۋ مۇمكىندىگى. ەمدەۋ دەما­لىستارىنىڭ ءتارتىبى دكك شەشىمى بويىنشا بەلگىلەنەدى جانە مىناداي جاعدايدا ۇسىنىلادى: وسى ەرەجەنىڭ 25-تارماعىنىڭ 1-تارماق­شا­سىندا بەلگىلەنگەن بايقاۋعا ارنالعان ولشەم­دەردىڭ بولعان كەزدە; كۇندەلىكتى بايقاۋدى قاجەت ەتپەيتىن پسيحي­كالىق جاعدايى تۇراقتاندىرىلعان كەزدە. ماجبۇرلەپ ەمدەۋدەگى ادامدار مەن سوت-تەرگەۋ ورگاندارىنىڭ انىقتاماسى (قاۋلىسى) بويىنشا ساراپتاما ءۇشىن جاتقاندارعا ەمدەۋ دەمالىس­تارىنىڭ ءتارتىبى قولدانىلمايدى; 4) باقىلاۋدىڭ كۇشەيتىلگەن ءتارتىبى – تاۋلىك بويى بايقاۋ جانە بولىمشەدەن تىس قوزعالىستى شەكتەۋ. كۇشەيتىلگەن ءتارتىپ مىنا جاعدايدا بەلگىلەنەدى: وزىنە جانە اينالاسىنداعىلارعا تىكەلەي قاۋىپتى ەمەس ءجىتى پسيحيكاسىنىڭ بۇزىلعان كەزدە; بوگدە ادامنىڭ كومەگىنسىز جەكە گيگيەنانى ساق­تاۋعا قابىلەتتى كەزدە; وسى ەرەجەنىڭ 25-تارماعىنىڭ 5) تارماقشا­سىندا كورسەتىلگەن بايقاۋ مەن ۇستاۋدىڭ وزگە ءتارتىبىن قاجەت ەتەتىن پسيحيكالىق جانە سوماتي­كالىق بۇزىلۋلاردىڭ بولماعان كەزدە; 5) باقىلاۋدىڭ قاتاڭ ءتارتىبى – تاۋلىكتىك ءۇزىلىسسىز باقىلاۋ, بولىمشەدە جانە ودان تىس مەديتسينا قىزمەتكەرلەرىنىڭ تۇراقتى الىپ ءجۇرۋى. قاتاڭ ءتارتىپ مىناداي جاعدايدا بەلگىلەنەدى: ونىڭ وزىنە جانە اينالاسىنداعىلارعا تىكەلەي قاۋىپتىلىگىندە; ونىڭ السىزدىگىندە, ياعني, ءتيىستى كۇتىم بولماعان كەزدە, ءوزىنىڭ تىرشىلىك قاجەتتىلىكتەرىن ءوز بەتىنشە قاناعاتتاندىرا الماعان جاعدايدا; ەگەر ناۋقاستى باقىلاۋسىز قالدىرعاندا ونىڭ دەنساۋلىعىنا ايتارلىقتاي زيان كەلتىرۋى مۇمكىن بولعاندا. 26. بەلگىلەنگەن بايقاۋ ءتارتىبى ناۋقاستىڭ ستاتسيونارداعى بارلىق بولعان ۋاقىتى ىشىندە وسى ەرەجەنىڭ 25-تارماعىنىڭ 1, 2, 3, 4, 5­-تار­ماقشالارىندا كورسەتىلگەن ولشەمدەرگە سايكەس وزگەرۋى مۇمكىن. بايقاۋ ءتارتىبى تۇسكەن كەزدە كەزەكشى دارىگەردىڭ, كلينيكالىق ءبولىم­شەلەردەگى ەمدەۋ دارىگەرىنىڭ, ال دكك ءىشىنارا اۋرۋحاناعا جاتقىزۋدى تاعايىنداۋ كەزىندە بەلگىلەنەدى جانە ول تۋرالى مەديتسينالىق قۇجات­تامادا ءتيىستى جازبا جازىلادى. 27. جالپى پسيحياتريالىق بولىمشەگە ادام­داردى سوتتىڭ شەشىمىنسىز ماجبۇرلەپ ەمدەۋگە جاتقىزۋ تارتىبىمەن جاتقىزعان كەزدە, پسيحيا­تريالىق ۇيىمنىڭ اكىمشىلىگى كوميسسيالىق كۋا­لاندىرۋدى ۇيىمداستىرادى, ال ەمدەۋگە جات­قىزۋدىڭ وسى نەگىزدىلىگى راستالعان كەزدە, پاتسيەنتتىڭ جاتقىزىلعان ۋاقىتتان باستاپ 48 ساعاتتان اسپايتىن مەرزىمدە كوميسسيالىق كۋالاندىرىلعان كۇنى جانە ۋاقىتىن كورسەتىپ, وڭىرلىك پروكۋراتۋرا ورگان­دارىنا جازبا تۇرىندە حابارلايدى. 28. كۇزەتىلەتىن سوت-پسيحياتريالىق ساراپتاما بولىمشەسىنە جىبەرىلگەن ادامداردى ۇستاۋ جانە ءتارتىبى كۇزەتىلەتىن سوت-پسيحياتريالىق ساراپتاما بولىمشەسىنىڭ باسشىسى بەكىتەتىن جانە بولىمشەنى كۇزەتەتىن ورگانمەن كەلىسىلگەن ەرەجەگە جانە نۇسقاۋلىققا سايكەس بەلگىلەنەدى. 7. جەدەل مامانداندىرىلعان پسيحياتريالىق كومەك 29. جەدەل مامانداندىرىلعان پسيحياتريا­لىق كومەك (بۇدان ءارى – جمپك) – پسيحيكاسىنىڭ جانە مىنەز-قۇلقىنىڭ بۇزىلۋلارى بار ناۋ­قاستارعا جەرگىلىكتى جەردە جانە مەديتسينالىق ۇيىمعا بارار جولدا تاۋلىكتىك شۇعىل پسيحيا­تريالىق كومەكتى ۇيىم­داستىرۋ جۇيەسى. 30. جمپك كورسەتۋدى, قالالىق ستانتسيانىڭ جەدەل مەديتسينالىق جاردەم نەمەسە پسيحيا­تريالىق ۇيىمىنىڭ قۇرامىندا ۇيىمداس­تىرىلعان مامانداندىرىلعان بريگادالار جۇزەگە اسىرادى. 31. جمپك قىزمەتى جەدەل جانە شۇعىل كومەك ستانتسيالارىنىڭ (بولىمشەلەرىنىڭ) ارەكەتىن انىقتايتىن نورماتيۆتىك قۇقىقتىق اكتىلەرىمەن بەلگىلەنەدى. 32. جمپك بريگادالارىنىڭ ماقساتتارى: 1) پسيحياتريالىق كۋالاندىرۋدى جۇرگىزۋ جانە بارلىق جاعدايلاردا ناۋقاستىڭ پسيحي­كالىق كۇيى كىدىرتپەيتىن مەديتسينالىق ءىس-شارالاردى تالاپ ەتكەن كەزدە, دارىلىك تەراپيانى قولدانۋ تۋرالى ماسەلەنى قوسا جمپك كورسەتۋ; 2) پسيحياتر دارىگەرلەردىڭ جولداماسى بويىن­شا ارنايى وقىعان ورتا مەديتسينا قىزمەتكەرىنىڭ الىپ ءجۇرۋىن قاجەت ەتەتىن ناۋقاستاردى تاسى­مالداۋ. 33. ەرەكشە توتەنشە جاعدايلاردان باسقا, پسيحي­كالىق پاتولوگياسى بولماعان كەزدە جمپك بريگا­دالارىن وقيعالارعا شاقىرۋعا تىيىم سالىنادى. 8. ۇيىمداستىرۋ-ادىستەمەلىك كونسۋل­تاتسيا­لىق بولىمشە 34. ۇيىمداستىرۋ-ادىستەمەلىك كونسۋلتاتسيا­لىق بولىمشە (بۇدان ءارى – ۇاكب) عىلىمي-زەرتتەۋ ينستيتۋتىنىڭ, عىلىمي-پراكتيكالىق ورتالىقتىڭ قۇرىلىمدىق بولىمشەسى بولىپ تابىلادى. 35. ۇاكب ماقساتى – عىلىمي-زەرتتەۋ ينس­تيتۋتىنا, عىلىمي-پراكتيكالىق ورتالىققا جانە پسيحياتريالىق كومەك كورسەتەتىن مەديتسينالىق ۇيىمداردىڭ ۇيىمداستىرۋ-ادىستەمەلىك كومەككە مامانداندىرىلعان پسيحياتريالىق كومەككە ءجۇ­گىنگەن ازاماتتارعا كونسۋلتاتسيالىق-ديا­گنوس­تيكالىق كومەك كورسەتۋ. 36. ۇمكب مىندەتتەرى: 1) پسيحيكاسى مەن مىنەز-ق ۇلىق بۇزىلۋلارى بار ادامداردى امبۋلاتوريالىق قابىلداۋ; 2) قاجەتتى مەديتسينالىق قۇجاتتاردى جۇرگىزۋ; 3) تەراپيالىق, پسيحوپروفيلاكتيكالىق جانە پسيحوگيگيەنالىق ءىس-شارالاردى ىسكە اسىرۋ; 4) پسيحياتريالىق كومەك كورسەتۋدى تالداۋ جانە مونيتورينگىن جۇرگىزۋ جانە پسيحياتريالىق كومەك كورسەتۋ ستاندارتتارىن ساقتاۋ; 5) جۇمىستىڭ وزىق تاجىريبەسىن, ەڭبەك پەن باسقارۋدىڭ عىلىمي تۇردە ۇيىمداستىرۋىن, عىلىم مەن تەحنيكانىڭ جاڭا جەتىستىكتەرىن, پسيحياتريالىق كومەك كورسەتۋدىڭ يننوۆاتسيالىق تەحنولوگيالارىن وقۋ, قورىتىنداۋ, جانە ەنگىزۋ; 6) ەسەپكە بەرۋ قۇجاتتارىن جەدەل جۇرگىزۋ, ستاتيستيكالىق ەسەپ بەرۋشىلىكتى قۇرۋ جانە سارالاۋ, رەسپۋبليكا بويىنشا جيىنتىق ەسەپتەردى قۇرۋ; 7) رەسپۋبليكانىڭ تۇرعىندارىنا پسيحيا­تريالىق كومەك كورسەتۋ بويىنشا نەگىزگى ۇيىم­داستىرۋ ءىس-شارا­لارىنىڭ جىل سايىنعى جانە جيىنتىق جوسپار­لارىن وندەۋ; 8) پسيحياتريالىق بەيىندەگى اۋرۋلاردىڭ الدىن الۋ, دياگنوستيكالاۋ جانە ەمدەۋ ماسە­لەلەرى بويىنشا اكتيۆتەردى, كەڭەستەردى, كونفە­رەنتسيالاردى دايىن­داۋعا جانە وتكىزۋگە قاتىسۋ; 9) تۇرعىندارعا پسيحياتريالىق كومەكتى ۇيىم­داستىرۋ بويىنشا جۇمىس پروتسەسىندە تۋىندايتىن كۇردەلى ۇيىمداستىرۋ, كلينيكالىق-دياگنوستيكالىق الەۋمەتتىك-قۇقىقتىق ماسەلە­لەردى شەشۋ ءۇشىن قۇرامىندا نەعۇرلىم بىلىكتى پسيحياتر-دارىگەرلەر, عالىمدار, دەنساۋلىق ساق­تاۋ ءىسىن ۇيىمداس­تىرۋ­شىلار, زاڭگەرلەر, مەدي­تسينالىق پسيحولوگتار بار كوميسسيانى قۇرۋ تۋرالى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ شتاتتان تىس باس پسيحيا­ترىنا ءوتىنىش بەرۋ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 14 اق­پاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6776 بولىپ ەنگىزىلدى.