جەڭىسىڭىزبەن! جەڭىسىمىزبەن!

قازاقستاننىڭ عىلىمي قاۋىمداستىعىنىڭ پرەزيدەنتتىك سايلاۋ قورىتىندىلارىن قولداعان مالىمدەمەسى قازاقستان رەسپۋبليكاسى پرەزي­دەنتى­نىڭ بولىپ وتكەن  سايلاۋى ادام­دار­دىڭ قازاق­ستان رەسپۋبليكاسىنىڭ تۇڭ­عىش پرەزيدەنتى ن.­ا.نازار­باەۆ­تىڭ تۇل­عاسىنا دەگەن قۇر­­مەتى مەن سەنىمىنىڭ تاعى ءبىر كەزەكتى ايعاعىنا اينالدى. قازاقستاننىڭ تابىستا­رى مەملەكەت باسشىسىنىڭ ەسىمىمەن تىعىز بايلا­نىس­تى. ونىڭ ستراتەگيالىق بولجامىنىڭ, سىندارلى دا ويلاس­تى­رىلعان ساياساتى­نىڭ ارقاسىندا 20 جىل ىشىندە كوپتەگەن كورسەتكىشتەر بويىنشا ورتالىق ازيادا كوش باستاعان جاڭا, ەكونوميكالىق دامىعان مەملەكەت قۇرىلدى. ۇلت كوشباسشىسىنىڭ ساياساتى ءار كەزدە دە مەملەكەتتىڭ بو­لا­شاق وركەن­دەۋى­نىڭ باستى شارتى بولىپ تابىلاتىن – عىلىم مەن تەحنولوگيالاردى دامى­تۋ­عا باعدارلان­عان­دىق­تان ن.­ا.نا­زار­باەۆ­تىڭ ساي­لانۋى عالىمداردىڭ شىعار­ما­شى­لىق باستاماسىنا قانات بىتىرەدى. پرەزيدەنتتىڭ عىلىمي-تەحنيكالىق سالانى جەتىلدىرۋ تۋرالى يدەيالارى زەرت­تەۋشىلەردىڭ يننوۆاتسيالىق شىعار­ما­شىلىعىن جۇزەگە اسىرۋىنىڭ جانە ەلدىڭ يندۋستريالىق دامۋىنداعى سەرپىلىستى قامتاماسىز ەتۋدىڭ ىقپالدى قۇ­رالىنا اينالعان «عىلىم تۋرالى» قازاقستان رەسپۋبليكاسىنىڭ جاڭا زا­ڭىن­دا كورىنىس تاپقان. قازاقستان عالىمدارى ۇلت كوش­باسشىسىنىڭ باسشىلىعىمەن قازاق­ستان عىلىمىنىڭ جاڭا بيىكتەرگە جەتىپ, عىلىمي جەتىستىكتەردىڭ الەمدىك قازى­نا­سىنان لايىقتى ورىن الاتىنىنا سەنىمدى. ءبىز, قازاقستاننىڭ بۇكىل عىلىمي قاۋىمداستىعى اتىنان نۇرسۇلتان ءابىش­­ ۇلى نازارباەۆتى سايلاۋداعى سەنىمدى جەڭىسىمەن قۇتتىقتايمىز جانە وتانىمىزدىڭ وركەندەي بەرۋى ءۇشىن بولاشاقتا دا ونىڭ وتاندىق عىلىمدى دامىتۋ جونىندەگى ساياساتىنا قولداۋ بىلدىرەتىنىمىزدى جەتكىزەمىز. قر ۇلتتىق عىلىم اكادەمياسىنىڭ اكادەميكتەرى: مۇرات جۇرىنوۆ, سالىق زيمانوۆ, سەيىت قاسقاباسوۆ, سۇلتان سارتاەۆ, مەرۋەرت ءابۋسەيىتوۆا, سەرىك قيراباەۆ.   ەلىمىز ەرتەڭىنە سەنىم مول قازاقستان جازۋشىلارىنىڭ مالىمدەمەسى قازاقستاندىقتار كەزەكتەن تىس وتكەن پرەزيدەنتتىك ساي­لاۋدا لايىقتى تاڭ­داۋ­ىن جاسادى. حالىق ءوزىنىڭ بو­لاشاق تاعدىرىن نۇرسۇل­تان ءابىش ۇلى نازارباەۆپەن تىكەلەي بايلانىستىراتى­نىن تا­عى ءبىر دالەلدەپ بەردى. ءبىز, ەلىمىزدىڭ قالامگەر­لەر قاۋىمى, اقىن-جازۋشىلار بۇل ما­ڭىزدى ساياسي دو­دانى مۇقيات قاداعالاپ قانا قوي­عا­نى­مىز جوق, قازاقستان تا­ريحىن­داعى ەل­با­سىنىڭ ەرەن تۇلعاسىن, الەم تانىعان قاي­راتكەرلىك بولمىسىن جانە بولا­شاق­تاعى اتقاراتىن ىستەرىن قا­لىڭ وقىر­مانعا جەتكىزۋگە تىرىستىق. سول ارقىلى حالىقتىڭ ءوز قالاۋىن دۇ­رىس تاڭداۋىنا مۇمكىندىگىنشە ىقپال ەتۋگە كۇش سالدىق. ەلدەگى ءاربىر ساياسي-الەۋمەتتىك, ەكو­نو­ميكالىق, مادەني رەفورمالاردى ءجىتى باقىلاپ وتىراتىن ۇلت زيالىلارى – حا­لىقتىڭ بۇل تاڭداۋىن مەملەكەت تاعدى­رىنا جانە ەل مۇددەسىنە دەگەن ادالدىعى دەپ باعالايدى. ۇلتى­مىز­دىڭ كەمەل  كەلەشەگى  جو­لى­ن­دا جاسالعان ءىرى ساياسي قادام رەتىندە ۇعىنادى. سايلاۋ زاڭ تالاپ­تارىنا جانە حا­لىق­ارالىق ەرەجەلەرگە ساي اشىق, جاريا ءارى ادىلەتتى وتكەنىن اتاپ وتكىمىز كەلەدى. قاي قوعام بولسىن قيىندىقسىز, كەدەرگىسىز العا باسقان ەمەس. ءبىز دە جاڭا قۇرىلىپ جاتقان مەملەكەت رەتىندە الەم­دىك دەڭگەيدەگى ساياسي تالاپ-تىلەك­تەردىڭ ۇدەسىنەن بىرتىندەپ شىعىپ كەلەمىز. وسىنداي جاۋاپتى كەزەڭدە قازاق­ستاندى ءوزىنىڭ تاريحي وتانى سانايتىن وزگە ەتنوس وكىلدەرى ۇلكەن باۋىرمالدىق تانىتىپ, اۋىزبىرشىلىك كورسەتە ءبىلدى. ءسويتىپ, كۇللى قازاقستاندىقتاردىڭ بۇل ساياسي شەشىمى – ەل ىشىندە ورنىققان كەلىسىم مەن تاتۋلىقتىڭ ناتيجەسىندە جۇزەگە اسىپ وتىر. بۇل – تاۋەلسىزدىگىمىزدىڭ 20 جىلدىق تاريحىندا ەلدەگى سايلاۋ مادەنيەتىنىڭ جوعارى دەڭگەيگە كوتەرىلگەنىن ايعاق­تايدى جانە وسى تاڭداۋ جاڭا ءداۋىردىڭ جارقىن بەتتەرى بولاتىنى ءسوزسىز. ازاتتىق جولىندا سان عاسىرلار اتتان تۇسپەي, كۇرەسپەن وتكەن ۇلى بابا­لار­دىڭ اڭساعان ارمانىنا حالقىن نۇر­سۇلتان ءابىش ۇلى نازارباەۆ جەتكىزدى. قازاق ەلىن الەمدەگى ىرگەلى مەملە­كەت­تەر­دىڭ قاتارىنا قوسىپ, شەكارامىزدى شەگەندەپ بەردى. بۇگىندە رەسپۋب­لي­كامىز­دىڭ وزگە ەلدەرمەن تەرەزەسى تەڭ وركە­نيەتتى مەملەكەتكە اينالۋىن بۇكىل الەم ەلباسىنىڭ ەسىمىمەن تىكەلەي باي­لانىستا قابىلدايدى. الداعى كەزەڭدە دە ەلىمىز قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ كورەگەن باسشىلىعىمەن كوركەيىپ, گۇل­دەنە بەرەتىنىنە سەنىمىمىز كامىل! نۇرلان ورازالين, شەريازدان ەلەۋكەنوۆ,  تۇمانباي مولداعاليەۆ,  قاليحان ىسقاقوۆ, فاريزا وڭعارسىنوۆا, شەرحان مۇرتازا, مارفۋعا ايتحوجينا, اكىم تارازي, احمەتجان اشيري, ۆالەري ميحايلوۆ.   قازاقستانداعى رەسپۋبليكالىق ەتنومادەني بىرلەستىكتەردىڭ پرەزيدەنتتىك سايلاۋ قورىتىندىلارىن قولداعان مالىمدەمەسى ۇستىمىزدەگى جىلدىڭ 3 ساۋىرىندەگى كەزەكتەن تىس پرەزيدەنتتىك سايلاۋدا ۇلت كوشباسشىسى, تۇڭعىش پرە­­زيدەنت جانە تاۋەلسىز قازاقستاننىڭ نەگىزىن قا­لاۋ­شى نۇرسۇلتان ءابىش­ ۇلى نازارباەۆ سالتاناتتى جەڭىسكە جەتتى. بۇل وتكەن سايلاۋ پرەزيدەنتتىڭ قا­زاق­ستان حالقىنىڭ ءال-اۋقاتى مەن ءور­كەن­دەۋىنە باعىتتالعان ساياسي جانە ەكو­نو­ميكالىق باعىتىنا بۇكىلحالىقتىق قول­داۋ­دى ءىس جۇزىندە جانە سالماقتى تۇردە بەينەلەپ بەردى. ەلدەگى ەتنومادەني بىرلەستىكتەر سايلاۋ قورىتىندىلارىنا ءوز قولداۋىن ءبىلدىرىپ, نۇرسۇلتان ءابىش ۇلىن مەملەكەت باسشىسى لاۋازىمىنا سايلانۋىمەن قۇت­­تىقتايدى. سايلاۋدىڭ ناتيجەلەرى وبەكتيۆتى جانە زاڭدى, حالىقتىڭ كوپشىلىگىنىڭ ەرىك-جىگەرىن بەينەلەيدى جانە  قازىرگى پرەزيدەنتتىڭ باس­شى­­­لىعىمەن قول جەتكىزىلگەن ەلىمىزدىڭ ىشكى جانە سىرتقى ساياساتىنداعى تالاسسىز تا­بىستارمەن نەگىزدەلگەن. ءبىزدىڭ ەلىمىزدە ەتنوستاردىڭ, مادە­نيەتتەر مەن ءتۇرلى ءدىني سەنىمدەگى ادام­داردىڭ بەيبىت ءومىر ءسۇرۋىنىڭ باي ءتاجى­ري­بەسى جيناقتالعان. وسىناۋ ەرەكشە ءتا­جىريبە ءبىزدىڭ بىرلىگىمىزدىڭ ءتۇپ تامىرىن ايقىندايدى. جۇرگىزىلىپ وتىرعان ساياسات قازاقستاندا تۇراتىن بارلىق ەتنوس­تاردىڭ داستۇرلەرىن, مادەنيەتى مەن تىلدەرىن قايتا جاڭعىرتىپ, دامىتۋ ءۇشىن جاعدايلار تۋعىزدى. سايلاۋ ناتيجەلەرى قازاقستان حال­قىنىڭ بىرلىگىنە, نەگىزىندە تاۋەلسىزدىك, ەركىندىك, تۇراقتىلىق پەن تولەرانتتىق جاتقان بازالىق قازاقستاندىق قۇن­دى­لىقتارعا دەگەن ادالدىعىن سەنىمدى تۇردە دالەلدەيدى. ءوز جاۋاپكەرشىلىگىن, قازاقستان ءۇشىن سايلاۋدىڭ ماڭىزىن سەزىنە وتىرىپ, ەتنو-مادەني بىرلەستىكتەر وكىلدەرى ەلدىڭ بۇكىل وبلىس ورتالىقتارىندا «ءبىز – قازاقستان حالقى» اتتى پرەزيدەنتتى قولداۋدىڭ جالپى رەسپۋبليكالىق ەلەكتورالدىق اكتسياسىن وتكىزدى. نۇرسۇلتان ءابىش ۇلى نازارباەۆتىڭ كانديداتۋراسىن قولداي وتىرىپ, ءبىز حالىقتىڭ باسىم كوپشىلىگىنىڭ ساياسي ەرىك-جىگەرىن بەينەلەدىك, ءوزىمىزدىڭ ۇلت­تىق ىنتىماعىمىزدى كورسەتتىك, حالىق بىرلىگىن نىعايتتىق. ءبىز ءوز تاعدىرىمىزعا ەركىن تاڭداۋ جاسادىق. ءبىز ونىڭ مەملەكەتتىڭ بولاشاق تۇ­راقتى دامۋى ءۇشىن, ەلدىڭ الەمدەگى باسە­كەگە قابىلەتتىلىگىن ارتتىرۋ ءۇشىن, ءبىزدىڭ حالقىمىزدىڭ ءال-اۋقاتى مەن وركەندەۋى ءۇشىن قاجەت ەكەنىنە بارىنشا سەنىمدىمىز.   «اتامەكەن» وداعى» ۇلتتىق ەكونوميكالىق پالاتاسىنىڭ پرەزيدەنتتىك سايلاۋ قورىتىندىلارىن قولداعان مالىمدەمەسى «اتامەكەن» وداعى» ۇلت­تىق ەكونوميكالىق پا­لا­تاسى بولىپ وتكەن پرەزيدەنتتىك سايلاۋعا ءوزىنىڭ قولداۋىن بىلدىرەدى. مەملەكەت باسشىسىنىڭ ماق­ساتتى باعىتتالعان سايا­سا­تى­نىڭ ارقاسىندا ەلدە نارىق­تىق ەكو­نو­ميكا قا­لىپ­تاستى, وتان­دىق بيز­نەستى دا­مى­تۋ ءۇشىن جاعدايلار  جاسالىپ, جەتىلدىرىلۋدە. قازىردىڭ وزىندە قا­زاق­ستان ەكونوميكاسىنىڭ ءبا­سە­كەگە قا­بى­لەتتىلىگىن ارت­تى­رۋعا جاعداي جاساعان مەملەكەتتىك ۇدەمەلى ين­دۋستريالىق-يننوۆاتسيالىق دامۋ باعدارلاماسى جۇزەگە اسىرىلۋدا. نەعۇرلىم قولاي­لى بيزنەس-احۋال كورسەتكىشى بويىنشا ءبىز الەمدە 59-شى ورىن الامىز! بىزدەر, بيزنەس وكىلدەرى, ءسوزسىز, قازاقستاننىڭ بۇكىل تابىستارىن مەملەكەت باسشىسىمەن, ونىڭ كەمەڭگەر دە ءبىرىزدى ساياساتىمەن بايلانىستىرامىز. ونىڭ باسشىلىعىمەن قابىلدانعان ەكونوميكاعا ينۆەستيتسيالار تارتۋ, زاڭنامالاردى جەتىلدىرۋ جونىندەگى شارالار سالاماتتى بيزنەس ورتا قۇرۋعا, قازاقستان ازاماتتارىنىڭ ماتەريالدىق ءال-اۋقاتىن ارتتىرۋعا جاعداي جاسايدى. ءبىز ەل پرەزيدەنتىن سايلاۋداعى سەنىمدى جەڭىسىمەن قۇتتىقتايمىز جانە وعان ەكونوميكالىق ءوسىمدى نىعايتۋدا ودان ءارى تابىستار تىلەيمىز.   قازاقستاننىڭ ازاماتتىق اليانسىنىڭ پرەزيدەنتتىك سايلاۋ قورىتىندىلارىن قولداعان مالىمدەمەسى ءوزىنىڭ قاتارىنا ەلدىڭ بارلىق وڭىرلەرىندەگى 480-نەن استام ۇكىمەتتىك ەمەس ۇيىم­دار­دى بىرىكتىرەتىن قازاقستاننىڭ ازاماتتىق اليانسى ۇستىمىزدەگى جىلدىڭ 3 ساۋىرىندە وتكەن كەزەكتەن تىس پرەزيدەنتتىك سايلاۋ قورىتىندىلارىنا ءوزىنىڭ تولىق قولداۋىن بىلدىرەدى. ءبىز قازاقستاننىڭ تۇڭعىش پرەزيدەنتى ن.ءا.نازارباەۆتى ساي­لاۋداعى سەنىمدى جە­ڭى­سى­مەن قۇتتىقتايمىز ءارى دە­مو­كرا­تيالىق جانە وركەن­دە­گەن مەملەكەت قۇرۋداعى ونىڭ كوپقىرلى قىز­مەتىنە ودان ءارى تابىستار تىلەيمىز. دەموكراتيالىق قوعام ورناتۋ تاۋەلسىز قازاقستان­نىڭ 20 جىل­دىق دامۋىن­دا­عى ەڭ باستى زاڭدى جەتىستىكتەردىڭ ءبىرى بولىپ تابىلادى. ءوز قاتارىنا 2 ميلليوننان استام قا­زاقستاندىقتاردى بىرىكتىرگەن ۇكىمەتتىك ەمەس سەكتوردىڭ دامۋى وعان ايقىن ايعاق. سايلاۋ قاتاڭ تۇردە قولدانىستاعى زاڭنامالارعا سايكەس ءوتتى. بارلىق كان­دي­داتتاردىڭ ساياسي باسەكەلەستىگى ءۇشىن بىردەي جاعدايلار تۋعىزىلدى. ەلەك­تورات­تىڭ جوعارى بەلسەندىلىگى حالىقتى ەلدى باسقارۋعا ءىس جۇزىندە تارتۋدىڭ جانە ونىڭ جوعارى ساياسي مادەنيەتىنىڭ اي­عاعى بولدى. سايلاۋ قازاقستاندا دە­مو­كراتيالىق جانە قۇقىقتىق مەملەكەت قۇرۋ جولىنداعى كەزەكتى دە ماڭىزدى قادام بولدى. قازاقستاننىڭ ازاماتتىق اليانسى ءوزىنىڭ مەملەكەتپەن ودان ءارى دە سىندارلى قىزمەتتەستىكتە بولۋ جونىندەگى بەرىك نيەتىن مالىمدەيدى   جاستار ۇيىمدارىنىڭ پرەزيدەنتتىك سايلاۋ قورى­تىن­­دىلارىن قولداعان مالىمدەمەسى بىزدەر, جاستار كون­گرە­سى­نىڭ, ستۋدەنتتەر اليان­سى­نىڭ, «جاسىل ەل» رەس­پۋب­ليكالىق شتابىنىڭ, جۇ­مىس­شى جاستار وداعى مەن اۋىل جاستارى وداعىنىڭ وكىلدەرى ءوزى­مىزدىڭ قازاق­ستان رەسپۋبليكاسىنىڭ كەزەكتەن تىس پرە­زي­دەنتتىك ساي­لاۋى­نىڭ قو­رى­تىندىلارىنا قول­داۋ بىلدىرەتىنىمىزدى مالىمدەيمىز. 2011 جىلدىڭ 3 ساۋىرىندە ءجۇز مىڭ­دا­عان جاس قازاقستاندىقتار قازىرگى مەملەكەت باسشىسى ن.­ا.نا­زار­باەۆقا ءوز داۋىس­تارىن سەنىممەن بەردى. ۇلت كوشباسشىسىنىڭ, قا­زاق­ستان رەسپۋبليكا­سى­نىڭ تۇڭ­عىش پرەزي­دە­ن­تى­نىڭ مەملەكەتتىلىكتى ودان ءارى نىعايتۋ, ىرعاقتى الەۋ­مەتتىك-ەكو­نو­ميكالىق رەفورمالار ءجۇر­گى­زۋ جانە قا­زاقستان­نىڭ الەمدىك ارە­ناداعى بەدەلىن نىعايتۋ جونىندەگى اسقاق جوسپارلارى ەل جاس­تارى­نىڭ اراسىندا ءىس جۇزىندە قول­داۋ تابۋدا. قوعامدا بولىپ جاتقان ۇدەرىستەرگە دەگەن ءوز جاۋاپكەرشىلىگىن سەزىنە وتى­رىپ, ەل جاستارى ءوز تاڭداۋىن جاسادى. ءبىز تۇراقتى, ءبىرتۇتاس جانە ءور­كەن­دەگەن قازاقستاندى قولدايمىز! قازاقستان جاستارى بۇكىل پروگرەسشىل جۇرتشىلىقتى ەلدىڭ 2020 جىلعا دەيىنگى دامۋىنىڭ ستراتەگيالىق جوس­پار­ى­نىڭ باسىمدىقتارىنا قول جەتكىزۋ ءۇشىن ءوز كۇش-جىگەرلەرىن باعىتتاۋعا شا­قىرادى. ءبارىمىز بىرىكسەك كۇشپىز, ءبارىمىز بىرىگىپ قازاقستانبىز! پرەزيدەنتپەن بىرگە, العا!