ۆيتسە-پرەزيدەنتتىككە تۇرلىحانوۆ تاعايىندالدى

بەلارۋس استاناسى مينسك قالاسىندا «الەمدىك اۋىر اتلەتي­كانىڭ دامۋى جانە دوپينگكە قار­سى كۇرەس» اتتى حالىقارالىق سپورتتىق كونفەرەنتسيا ءوتتى. وعان حالىقارالىق اۋىر اتلەتيكا فەدەراتسياسىنىڭ پرەزيدەنتى توماش ايان جانە بىرقاتار ەلدەردىڭ فەدەراتسيا باسشىلارى قاتىستى. دەلەگاتتار اراسىندا كاحي كاحياشۆيلي, الەكساندر كۋرلوۆيچ سىن­دى بىرقاتار داڭقتى زىلتەمىرشىلەر بولدى. سول جيىن بارى­سىندا ەۋرازيالىق ايماقتىق اۋىر اتلەتيكا قاۋىمداستىعىن قۇ­رۋ جونىندە باستاما كوتەرىلىپ, بۇل يدەيا ىسكە استى. ونىڭ قۇرامىنا 14 مەملەكەت كىردى. ولار – ارمەنيا, ءازىرباي­جان, گرۋزيا, بەلارۋس, قازاقستان, قىرعىزستان, ليت­ۆا, مولدوۆا, موڭ­عوليا, تۇركى­مەن­ستان, رەسەي, تاجىك­ستان, وزبەكستان جانە ۋكراينا. جاڭادان قۇرىلعان ۇيىمنىڭ تىزگىنىن رەسەيلىك الەكساندر گەراسيمەنكو ۇستاسا, ۆيتسە-پرەزيدەنتتىككە قا­زاق­ستان اۋىر اتلەتيكا فەدەراتسيا­سىنىڭ باس­شى­سى قايرات تۇرلى­حانوۆ تاعا­يىندالدى. – ارينە, وسىنداي ەكى بىردەي بەلدى ۇيىمدا باسشىلىق قىزمەت اتقارۋ مەن ءۇشىن ۇلكەن مارتەبە. بىراق «وسىنىڭ بارلىعىنا ءوزىم جەتتىم» دەپ كەۋدە قاعۋدان اۋ­لاق­پىن. بارلىعى دا وتاندىق فەدەراتسيا قىزمەتكەرلەرىنىڭ, باپكەرلەر مەن ماماندار جانە سپورتشى­لا­رى­­مىزدىڭ ەرەڭ ەڭبەگىنىڭ ارقا­سى. بۇل كۇندەرى قازاقستان ءزىل­تەمىر­شىلەرىنىڭ مىقتىلىعىن كۇل­لى الەم مويىندادى. ءبىز  الەمدەگى وزىق كوماندالار قاتارىندامىز. بۇل – ماق­تاناتىنداي-اق ءجايت. بىراق بو­ساڭسۋعا بولمايدى. الدا – لوندون وليمپياداسى مەنمۇندا­لاپ تۇر. ەلباسى جانە حالقىمىز­ سپورت­شى­لار قاۋىمىنا, ونىڭ ءىشىن­دە اۋىر اتلەتتەرگە زور سەنىم ارتۋدا. تۋريزم جانە سپورت مينيسترلىگى مەن «سامۇرىق-قازىنا» ۇلت­­تىق ءال-اۋ­قات قورى بىزگە بارىنشا قولداۋ كور­سەتۋدە. ولاي بولسا, سەنىم ۇدە­سى­نەن شىعۋ ءۇشىن ەڭبەك­تەنەيىك, ىزدەنەيىك, تەر توگەيىك, – دەپ قايرات تۇرلىحانوۆ اقتارىلا سويلەدى. دايىنداعان داستان كەنجالين.