«الاۋ» الاڭىنداعى ايشىقتار

استاناداعى «الاۋ» كونكي تەبۋ ستاديونىن تمد ەلدەرىندە تەڭدەسى جوق, دۇنيەجۇزى بويىنشا ساۋساقپەن سانارلىقتاي سالىنعان سپورت كەشەندەرىنىڭ ءبىرى دەۋگە بولادى. ويتكەنى, ول الدىڭعى قاتار­لى تەحنولوگيالاردى پايدالانۋ ار­قىلى بويىنا ءتۇرلى فۋنك­تسيا­لىق ەلەمەنتتەردى بىرىكتىرە ال­عان الىپ كەشەن بولىپ سانالادى. سپورت سارايىنىڭ ىرگەتاسى 2007 جىلعى قاراشا ايىندا قا­لان­­عان بولاتىن. ونىڭ ساۋلەت­شى­لەرى ا.لاپتەۆ پەن ا.پوزنيكوۆ بول­سا, جوبانىڭ باس مەردىگەرى ءتۇر­كيالىق «Sembol ينشاات» كوم­پانياسى. وسى كومپانيا كە­شەن­نىڭ قۇرىلىسىن سول كەزدەن باستاپ, قىسقى ازيادا قارسا­ڭىن­دا ءبىتىردى. قازىر كەشەندى عيمارات ورتادا ورنالاسقان مۇز ايدىنىنان جانە وعان بىرىكتىرىلە سالىنعان قوسىمشا ءۇش عيماراتتان: قوناق ءۇي, فيتنەس ورتالىق جانە اكىم­شىلىك بولىمنەن تۇرادى. جالپى, مۇز ايدىنىندا وتەتىن شارالاردى ءبىر كەزدە 7 620 كورەر­مەن كورىپ, قوناق ۇيدە 100-گە جۋىق ادام ورنالاسا الا­دى. ال فيتنەس ورتالىقتا ءتۇر­لى باعىتتا­عى ترەناجەرلار, يوگا مەن پيلاتەسسا ءبول­مە­سى, باسكەتبول مەن گاندبول وي­ناۋعا ارنال­عان زالدار, ماسساج, spa-سالون, شاش­تاراز, يميتاتسيا­لىق كابينەت تاعىسىن تاعىلار بار. كەشەندە مەيرامحانا, كافە-بارلار دا جوق ەمەس. وندا سايىس كەزىندە ءبىر كەزدە 400-گە شامالاس ادام تا­ماقتانا الادى. سونداي-اق, سپورت سارايى اكىم­شىلىك كەڭسەلەردەن, تورەشى القاسى زالىنان, ءباسپاسوز ءماسلي­حاتىن جانە باسقا دا ءتۇرلى ماجىلىستەر وتكىزەتىن 103 ورىندىق كونگرەسس زالدان, سپورتشىلاردىڭ كيىم اۋىس­تىرۋىنا ارنالعان 160 ورىن­دىق بولمەلەردەن تۇرادى. «الاۋ» كونكي تەبۋ ستاديونى­نىڭ ديرەكتورى دارحان دوسما­عام­­بەتوۆتىڭ ايتۋىنشا, ونىڭ ءجۇ­رەگى – 9500 شارشى مەترلىك مۇز اي­دى­نى بولىپ ەسەپتەلەدى. وندا­عى جا­رىس جولى الەمدىك تالاپتار­عا ساي جا­سا­لىپ, ۇزىندىعى 400 مەتردى قۇرايدى. ەكى جول جارىس ءۇشىن, ال كو­گىلدىر ءتۇس­ك­ە بويالعان ءۇشىنشى جول جات­تىعۋ­عا ارنالعان. سونى­مەن بىرگە مۇز قۇيۋ ءۇشىن ءتورت سا­تى­لى كەزەڭنەن وتكىزىل­گەن تازار­تىل­عان ءمولدىر سۋ پايدا­لا­نى­لادى. كەشەگى وتكەن قىسقى ازي­دا­عا قا­تىسقان سپورت­شىلار, تاۋەلسىز سا­راپ­شى ما­مانداردىڭ باعالاۋىن­شا, سپورت كە­شەنىنىڭ سالىنۋى مەن ونداعى مۇز­دىڭ دەڭگەيى وتە جو­عا­رى. ءتىپتى, ءبىر­قاتارى «الاۋدىڭ» اي­دىنىن الەم­دىك جابىق مۇز اي­دىنى ستاديون­دارى­مەن تايتالاسا الادى دەگەن پىكىرلەرىن ءبىلدىرىپ كەتتى. سپورت سارايىنىڭ قۇرال-جاب­دىق­تارىنىڭ ءبارى سوڭعى تەحنولوگيالارمەن جابدىقتالعان. مۇندا سۋ دايىنداۋ بويىنشا كوپتەگەن جىل­عى تاجىريبەسى بار «Ewro­water» كوم­پانياسىنىڭ قۇرىلعى­لارى ور­ناتىلعان. ول بىزدەگى سۋ­دىڭ ساپا­سىن ەسكەرە وتىرىپ, ءتورت ساتىلى تازارتۋدان وتكىزەدى. سو­نى­مەن بىرگە ستاديون بايلانىس جۇيەسى جانە اق­پاراتتى تاراتۋ بو­يىنشا جاقسى تەحنولوگيالارمەن قامتاماسىز ەتىل­گەن. سونىڭ ىشىندە سەكونتىنە 20 000 ءتۇسىرىلىم جا­سايتىن مارە قۇرىلعى­سى بار. ال مۇز ايدىنىنىڭ ءتورت بۇرىشىن­داعى بەينەكامەرا 360 گرا­دۋسقا اينالىپ, ساندىق ۇلگىدە وتە ساپا­لى تۇسىرە الادى. مۇنداي ساپالى بەينەكامەرا ستاديوننىڭ كون­گرەسس-زالىندا دا ورنالاسقان. ال ەندى سپورت كەشەنىندە حا­لىق­تىڭ سپورتپەن اينا­لىسۋى­نا قانداي مۇمكىندىكتەر بار دەسەك, سپورت سارايى كونكيمەن سىرعاناۋ, شورت-ترەك, لونگ-ترەك, كانادالىق حوككەي, كەرلينگ جانە مانەرلەپ سىرعاناۋ سياقتى سپورت تۇرلەرىنەن جارىس ءوت­كىزۋ­گە ارنالعاندىقتان مۇندا ازيا ويىندارىنان كەيىن №2 بالالار جانە جاسوسپىرىمدەر سپورت مەكتەبىمەن بىرلەسىپ, مانەرلەپ سىر­عا­ناۋ جانە كونكي تەبۋدەن 5 پەن 18 جاس­تاعى بالالار مەن جاسوسپىرىمدەرگە ارنالعان ءۇيىر­مە­لەر جۇمىس ىستەۋدە. مانەرلەپ سىرعاناۋ بويىنشا اپتانىڭ التى كۇنى ساعات 10.00-نان 17.45-كە دەيىن, كونكي تەبۋدەن اپتانىڭ بەس كۇنى ساعات 10.30-دان 18.30-عا دەيىن جاس ەرەكشەلىگىنە جانە ءارتۇرلى دەڭگەيدە مەڭ­گەرۋىنە بايلانىستى ۇيىرمەلەر جۇمىس ىستەيدى. ولاردىڭ ءبارى تەگىن. الداعى ۋاقىتتا شورت-ترەك پەن حوككەي بويىنشا دا ءۇيىر­مە­لەردىڭ جۇمىس جاساۋى قاراس­تى­رىلۋدا. سونىمەن بىرگە قارا­پا­يىم حالىقتىڭ كونكي تەبۋى ءۇشىن كونكيدىڭ جالعا بەرۋ جاعى دا ويلاستىرىلىپ جاتقان كورىنەدى. سول سياقتى فيتنەس ورتالىقتاعى ترەناجەر زالدارىندا كەز-كەلگەن ازامات ارنايى جاتتىقتىرۋ­شى­مەن دەنە شىنىقتىرا الادى. ودان باسقا ءارتۇرلى بي ۇيىرمەلەرى قىزمەت ەتىپ, يوگا, كاراتە, ۋ-شۋ سياقتى سپورت تۇرلەرىمەن اينالى­سۋعا دا بولادى. جالپى, «الاۋ» سپورت سارا­يى­نىڭ كاسىپ­قوي سپورتشىلارعا دا, سالا­ماتتى ءومىر سالتىن ۇس­تانۋشى ازاماتتاردىڭ بارىنە دە ەسىگى اشىق.