حالقىنىڭ قادىرلىسى

تاۋەلسىز ەلىمىز تاعى ءبىر ايشىقتى تاريحي بەلەستەن ادەمى ءوتتى. بۇل 3 ءساۋىر كۇنى بولعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى. حالىق ەل پرەزيدەنتتىگىنەن ۇمىتكەرلەردىڭ اراسىنان نۇرسۇلتان نازارباەۆتى تاڭداپ, بۇل جولى دا كوشباسشىمەن بىرگە كوشىمىزدىڭ كولىكتى دە كورىك­تى بولاتىنىن ايقىن اڭعارتتى. بۇعان ەشكىمنىڭ دە كۇ­مانى جوق. قازاقستان تاۋەلسىزدىك العان جيىرما جىلعا جۋىق ۋاقىتتىڭ ىشىندە ءوزىن الەمگە تانىتتى. ەكونوميكالىق ىلگەرىلەۋ مەن ساياسي تۇراقتىلىقتىڭ, دەموكراتيالىق دامۋ­دىڭ ءۇل­گى­­سىن كورسەتكەن قازاقستان حالىقارالىق يگى ىستەردىڭ باس­تاماشىسى بولىپ كەلە جاتقانى دا بەلگىلى. مۇنىڭ ءوزى ەلىمىزدەگى بىرلىك پەن ىنتىماقتىڭ, دوستىق پەن تاتۋلىقتىڭ ارقاسى. ءبىزدىڭ وسىنداي بىرەگەي بىرلىگىمىزدىڭ نەگىزگى دەم بەرۋشىسى نۇرسۇلتان ءابىش ۇلى ەكەنىن قازاقستاندىقتار جاقسى بىلەدى. سونىڭ ايقىن ايعاعى, كۇنى كەشە عانا وتكەن پرەزيدەنتتىك سايلاۋدا ەلباسىنىڭ وزگەلەردەن قارا ءۇزىپ كەلۋى دەر ەدىم. حالقىنىڭ قامىن جەگەن ازاماتقا حالقى دا زور سەنىم ارتتى. وبلىستىق ءماسليحاتتىڭ دەپۋتاتى رەتىندە ساياسي ناۋقان­نىڭ باسى-قاسىندا جۇرگەندىكتەن, وبلىستا بۇل سايلاۋدىڭ قالاي وتكەنىنەن تولىق حاباردارمىن دەسەم, ارتىق ايتقاندىق بولماس. ازاماتتاردىڭ ۇلت كوشباسشىسىنا دەگەن ىقىلاسى ەرەكشە ەكەنىن ءوز كوزىمىزبەن كورىپ, كوكىرەگىمىزدى ماقتانىش سەزىمى بيلەگەنى شىندىق. سايلاۋ ۋچاسكەلەرىنە اسىققان جۇرتتىڭ كوتەرىڭكى كوڭىلىنىڭ ءوزى نەگە تۇرادى. بولاشاقتىڭ ىرگەسىن بىرگە قالاۋعا ۇمتىلعان ەلىمىزدىڭ بۇگىنگى شىققان بيىگى تەك قانا نۇرسۇلتان نازارباەۆتىڭ سارابدال ساياساتى, ساياسي كورەگەندىگى, ەكونوميكالىق دامۋدىڭ قازاقستاندىق ۇلگىسىن تاڭداي ءبىلۋىنىڭ ناتيجەسى ەكەنى ءسوزسىز. تاۋەلسىز 20 جىل ىشىندە قازاقستاندى مەكەندەگەن ۇلت پەن ۇلىستار بىرلىكتىڭ ءمانى مەن ماڭىزىن بەكەم ءتۇسىندى. قيىن­دىق­تاردى بىرلەسىپ جەڭىپ, بىرىگىپ ەڭسەردىك. تاريح ءۇشىن از عانا ۋاقىت ىشىندە تاۋەلسىز مەملەكەتىمىز الەمگە تانىلدى. ءبىز وسى جىلداردا دەموكراتيانىڭ, يگىلىكتىڭ نە ەكەنىن تۇسىنە باس­تادىق. وسىنىڭ بارىنە نۇرسۇلتان ءابىش ۇلىنىڭ ىلگەرىلەۋگە باستاعان ىزگىلىكتى ىستەرى مەن باياندى باستاماشىلدىعى بەرىك نەگىز قالاعانى قالىڭ جۇرتتىڭ قاپەرىنە الدەقاشان ۇيالاپ ۇلگەرگەنىنە بۇل جولى دا كۋا بولىپ وتىرمىز. كەزىندە ەل­باسىنىڭ ءوزى «ەلىمىزدىڭ ەكونوميكالىق دامۋىنىڭ لوكوموتيۆى» دەپ اتاپ وتكەن اقتوبە وبلىسىنىڭ جۇرتشىلىعى وسى سايلاۋدا ايرىقشا ازاماتتىق بەلسەندىلىكتىڭ ۇلگىسىن كورسەتتى. وبلىس اۋماعىندا سايلاۋ دەموكراتيالىق قاعيداتتارعا ءساي­كەس, كونس­تيتۋتسيالىق تالاپتار ساقتالا وتىرىپ, اسقان ۇيىم­شىلدىقپەن ءوتتى. حالىق ءبىراۋىزدان نۇرسۇلتان نازار­باەۆ­تىڭ ەل تىزگىنىن ۇستاۋعا لايىق تۇلعا ەكەنىن قالتقىسىز تانى­دى. ەقىۇ مەن تمد ەلدەرى بايقاۋشىلارى حالىقتىڭ ازا­مات­تىق بەلسەندىلىگىن ءوز كوزدەرىمەن كورىپ, تاڭ قالدى. بۇل ەل­باسىنىڭ قارا­پايىم حالىق اراسىنداعى بەدەلى مەن قۇر­مەتتىلىگىنىڭ كورىنىسى ەكەنى ءسوزسىز. وبلىستا سايلاۋدىڭ ءوتۋ با­رىسىندا بايقاۋشىلار تاراپىنان بىردە-ءبىر ەسكەرتۋ بولعان جوق. حالىق ەل پرەزيدەنتىن سايلاۋعا مەرەكەدەگىدەي كوڭىل كۇيدە قاتىستى. سوندىقتان دا سايلاۋشىلار ءوز تاڭداۋلارىن ەرتە بىلدىرۋگە اسىقتى. اسىرەسە, ەل ەرتەڭى جاستاردىڭ ساياسي بەلسەندىلىگى شەتەلدىك بايقاۋشىلاردىڭ ءوزىن ءتانتى ەتتى. مۇنى حالىقتىڭ ەلباسىنا دەگەن ىستىق ىقىلاسى مەن شەكسىز سۇيىسپەنشىلىگى دەۋ ورىندى. الدىن الا مالىمەتتەرگە سۇيەنسەك, وبلىس سايلاۋ­شى­لارىنىڭ 95,1 پروتسەنتى وزدەرىنىڭ ازاماتتىق پارىزىن وتەسە, سونىڭ 98, 0 پروتسەنتى نۇرسۇلتان نازارباەۆتى قولداپ, داۋىس بەردى. حالقىنىڭ قالتقىسىز سەنىمىنە يە بولعان ەلباسىنىڭ جەڭىسى بىرلىگىمىز بەن ءوزارا تۇسىنىستىگىمىزدىڭ, ادامي قاسيەت­تەرىمىز ارقاۋ بولعان تۇتاستىعىمىز بەن تۇراقتىلىعى­مىز­دىڭ ج­ەمىسى. قازاقستاندىقتار ەلىن سۇيەر ەر بولسا, ەرىن قادىر­لەي­تىن ەلى بار ەكەنىن ايداي الەمگە پاش ەتتى. وسىنداي وركە­نيەت­تىلىك ورىستەرى ارقىلى ەلىمىزدىڭ الەمدىك دەڭگەيدەگى بەدەل-بيىگى تاعى ءبىر ساتىعا كوتەرىلىپ قالعانى دا شىندىق. مۇنىڭ ءوزى قازاقستاندىقتاردىڭ ۇلتتىق ۇيىسۋ مەن ىزگىلىككە ۇمتىلۋ­شى­لىعىنىڭ ايشىقتى كورىنىسى رەتىندە دە تاريحقا التىن ارىپپەن جازىلاتىنى حاق. تاۋەلسىز ەلىمىزدىڭ ەرتەڭى ءۇشىن دۇرىس تاڭداۋ جاساعان حالقىمىزدىڭ بولاشاعى جار­قىن, الار اسۋى بيىك بولارىنا سەنىم مول. سەبەبى, تاريح ساح­ناسىنا تاۋەلسىز قازاق مەملەكەتىن الىپ شىققان اسىل ازاماتىمىز, ۇلتىمىزدىڭ كوشباسشىسى ءوزى باستاعان ىرگەلى ىستەردى بۇدان بىلاي دا جۇزەگە اسىرۋعا, قازاقستاننىڭ الەم ەلدەرى اراسىنداعى بەدەلىن بيىكتەتە بەرۋگە مۇمكىندىك الدى. ال ءبىز بىلەتىن نۇرسۇلتان ءابىش ۇلىنىڭ ءسوزى مەن ىسىندە ەشقاشان الشاقتىق بولعان ەمەس. سوندىقتان دا ەلى ەلباسىنا سەندى, ونىمەن بىرگە ەرتەڭىمىزدىڭ ىرگەسىن بىرگە قالاۋعا جۇمىلادى. ەلىمىزدەگى وڭ وزگەرىستەر مەن سەرپىندى دامۋدىڭ بۇگىنگى قارقىنى ءار قازاقستاندىقتىڭ يگىلىگىنە قىزمەت ەتىپ جاتقانىن كوز كورىپ, قۇلاق ەستىپ وتىر. سايلاۋ دوداسىندا جەڭىسكە جەتكەن نۇرسۇلتان نازارباەۆتىڭ وسى تاريحي تابىستى جولدى تاباندىلىقپەن جالعاستىراتىنىنا سەنىم مول. بۇگىنگى جەڭىس سونىڭ ايقىن دالەلى بولماق. جۇمابەك كۋكانوۆ, «ءاليا جولدارى» جشس ديرەكتورى, اقتوبە وبلىستىق ءماسليحاتىنىڭ دەپۋتاتى.