«باقىت قۇسى – ءبىر ادامنىڭ نەمەسە باعىن باعالاعان ءبۇتىن ءبىر ەلدىڭ باسىنا قونادى» دەيدى رەسپۋبليكالىق ۇيعىر مۋزىكالىق كومەديا تەاترىندا ءبىر مەزەتتە بىرنەشە تىلدە قويىلعان جازۋشى-دراماتۋرگ دۋلات يسابەكوۆتىڭ «باقىت قۇسى» اتتى شىعارماسى بويىنشا قويىلعان سپەكتاكلىنىڭ كەيىپكەرى. بۇل ليريكالىق درامانى «سامۇرىق» قازاقستان حالىقتارى تەاترى ساحنالاپ وتىر.
ءبىر ايتا كەتەتىن ءجايت, بۇل سپەكتاكلدە ەلىمىزدىڭ بەلدى تەاترلارىنىڭ اكتەرلەرى – قازاق, ورىس, ۇيعىر, كورەي تەاترلارىنىڭ ونەر مايتالماندارى ءبىر جەردە توعىسادى, ءبىر ساحنادا وينايدى.
«باقىت قۇسى» – بۇل تەرەڭ فيلوسوفياعا تولى, زاماناۋي ءماسەلەلەردى كورەرمەنگە ءتۇسىنىكتى ءتىلمەن باياندايتىن ليريكالىق دراما. ونىڭ ءاربىر كەيىپكەرى ۇلتىنا قاراماي, ءوزىنىڭ كىندىك قانى تامعان تۋعان جەرىن جاقسى كورەدى. كورشى بولىپ, دوس بولىپ, قىز الىسىپ, قىز بەرىسىپ وتىرعان جاندار قينالعاندا ءبىر-بىرىنە كومەككە كەلەدى. قىسقاسى, سپەكتاكلدىڭ نەگىزگى لەيتموتيۆى «ءبىر ەل – ءبىر تاعدىر».
ال اتالمىش سپەكتاكلدى ساحنالاپ وتىرعان «سامۇرىق» قازاقستان حالىقتارى تەاترى ءبىر مەزەتتە بىرنەشە تىلدە جۇمىس ىستەيتىن انترەپريزدى تەاتر جانە ونىڭ اعارتۋشىلىق باستاۋى دا رەپەرتۋارلىق ساياساتقا نەگىزدەلگەن. تەاترالدىق ينستيتۋت نەمەسە مەكتەپ تۇرىندەگى وسىناۋ مادەني جوبا ءوز قويىلىمدارى ءۇشىن كەز-كەلگەن تەاتردىڭ تالانتتارىن, شىعارماشىلىق تۇلعالاردى جۇمىس ىستەۋگە شاقىرا وتىرىپ, سول ارقىلى قوعامنىڭ قازىرگى دامۋىن ايشىقتاۋعا ۇمتىلادى.
تەاتردىڭ كوركەمدىك جەتەكشىسى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى ارىستانبەك مۇحامەدي ۇلى بولسا, «سامۇرىق» تەاترىنا ون جىلدان بەرى رەسپۋبليكالىق كورەي مۋزىكالىق كومەديا تەاترىن باسقارىپ كەلە جاتقان ليۋبوۆ ني جەتەكشىلىك ەتەدى. جوبانىڭ كۋراتورى رەتىندە قازاقستاننىڭ ەڭبەك سىڭىرگەن قايراتكەرى افاناسي كيم جۇمىس ىستەپ ءجۇر.
ەندى سپەكتاكلدىڭ الماتىداعى العاشقى قويىلىمىنا ورالساق, ول كورەرمەندەرىنە ابدەن ۇنادى دەسەك, ارتىق ايتقاندىق ەمەس. ونىڭ ايعاعى, قويىلىم اياقتالعان سوڭ دا كوپشىلىك تاراپ كەتپەي, ونەر يەلەرىنە تىك تۇرىپ قوشەمەت كورسەتتى. جانە كورەرمەندەردىڭ ءوزى دە قازاقستاندا تاتۋ-ءتاتتى كۇن كەشىپ وتىرعان ءارتۇرلى ۇلتتاردان, اسىرەسە, جاستاردان قۇرالعانىن ايتا كەتۋ كەرەك.
ءبىر جاعى «باقىت قۇسى» باستى كەيىپكەرى جوق دراما سياقتى دا كورىنەدى. بۇل قويىلىمنىڭ كەمشىلىگى ەمەس. سپەكتاكلدىڭ كەيىپكەرلەرىن ەلىمىزدەگى بارلىق بەلدى تانىمال ونەرپازدار ساحنالادى. سوندىقتان جۇلدىزدى شوعىردى اتاماي كەتۋگە بولمايدى.
ونداعى ءباتيما – ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن ءجاسوسپىرىمدەر تەاترىنىڭ بەلدى اكتريساسى ليديا كادەنوۆا, بەكتۇر – قازاقتىڭ مەملەكەتتىك م.اۋەزوۆ اتىنداعى اكادەميالىق دراما تەاترىنىڭ اكتەرى جانداربەك سادىرباەۆ, ۆاسيلي ماكارىچ – م.لەرمونتوۆ اتىنداعى اكادەميالىق ورىس تەاترىنىڭ اكتەرى سەرگەي پوپوۆ, اننا نەيمان مەن كارل نەيمان – وسى تەاتردىڭ مايتالمان اكتەرلەرى تاتيانا بانچەنكو مەن ميحايل توكارەۆتار كورەرمەندەردى اكتەرلىك شەبەرلىكتەرىمەن ءتانتى ەتتى.
گريگوري ەمەليانوۆتى ويناعان ن.ساتس اتىنداعى بالالار مەن جاسوسپىرىمدەر تەاترىنىڭ اكتەرى ەۆگەني جۇمانوۆ پەن ونىڭ جارى پولينانى سومداعان لەرمونتوۆ اتىنداعى تەاتردىڭ اكتريساسى يرينا لەبساكتاردىڭ كەيىپكەرلەرىنەن اينالىپ ءوتۋ مۇمكىن ەمەس.
سۇرقىلتاي ساياسات سالدارىنان قازاق دالاسىنىڭ سۋىن ءىشىپ, نانىن جەۋ بۇيىرعان كورەي حالقىنىڭ وكىلدەرى يننا مەن ولەگ كيمنىڭ وتباسىلىق جۇبىن – رەسپۋبليكالىق كورەي مۋزىكالىق تەاترىنىڭ تانىمال ءارتىستەرى – ولەگ لي مەن گالينا كيم تاماشا ويناپ شىقتى. كورەيادان كەلگەن بيزنەسمەندى بەينەلەگەن سەرگەي كيم دە بولاشاعىنان ءۇمىت كۇتكەن جاس دارىندار ساناتىندا.
ەڭ باستىسى, «باقىت قۇسى» كورەرمەندەردىڭ كوڭىلىنەن شىقتى.
ايناش ەسالي, سۋرەتتەردى تۇسىرگەن بەرسىنبەك سارسەنوۆ.
ءبىر ايتا كەتەتىن ءجايت, بۇل سپەكتاكلدە ەلىمىزدىڭ بەلدى تەاترلارىنىڭ اكتەرلەرى – قازاق, ورىس, ۇيعىر, كورەي تەاترلارىنىڭ ونەر مايتالماندارى ءبىر جەردە توعىسادى, ءبىر ساحنادا وينايدى.
«باقىت قۇسى» – بۇل تەرەڭ فيلوسوفياعا تولى, زاماناۋي ءماسەلەلەردى كورەرمەنگە ءتۇسىنىكتى ءتىلمەن باياندايتىن ليريكالىق دراما. ونىڭ ءاربىر كەيىپكەرى ۇلتىنا قاراماي, ءوزىنىڭ كىندىك قانى تامعان تۋعان جەرىن جاقسى كورەدى. كورشى بولىپ, دوس بولىپ, قىز الىسىپ, قىز بەرىسىپ وتىرعان جاندار قينالعاندا ءبىر-بىرىنە كومەككە كەلەدى. قىسقاسى, سپەكتاكلدىڭ نەگىزگى لەيتموتيۆى «ءبىر ەل – ءبىر تاعدىر».
ال اتالمىش سپەكتاكلدى ساحنالاپ وتىرعان «سامۇرىق» قازاقستان حالىقتارى تەاترى ءبىر مەزەتتە بىرنەشە تىلدە جۇمىس ىستەيتىن انترەپريزدى تەاتر جانە ونىڭ اعارتۋشىلىق باستاۋى دا رەپەرتۋارلىق ساياساتقا نەگىزدەلگەن. تەاترالدىق ينستيتۋت نەمەسە مەكتەپ تۇرىندەگى وسىناۋ مادەني جوبا ءوز قويىلىمدارى ءۇشىن كەز-كەلگەن تەاتردىڭ تالانتتارىن, شىعارماشىلىق تۇلعالاردى جۇمىس ىستەۋگە شاقىرا وتىرىپ, سول ارقىلى قوعامنىڭ قازىرگى دامۋىن ايشىقتاۋعا ۇمتىلادى.
تەاتردىڭ كوركەمدىك جەتەكشىسى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى ارىستانبەك مۇحامەدي ۇلى بولسا, «سامۇرىق» تەاترىنا ون جىلدان بەرى رەسپۋبليكالىق كورەي مۋزىكالىق كومەديا تەاترىن باسقارىپ كەلە جاتقان ليۋبوۆ ني جەتەكشىلىك ەتەدى. جوبانىڭ كۋراتورى رەتىندە قازاقستاننىڭ ەڭبەك سىڭىرگەن قايراتكەرى افاناسي كيم جۇمىس ىستەپ ءجۇر.
ەندى سپەكتاكلدىڭ الماتىداعى العاشقى قويىلىمىنا ورالساق, ول كورەرمەندەرىنە ابدەن ۇنادى دەسەك, ارتىق ايتقاندىق ەمەس. ونىڭ ايعاعى, قويىلىم اياقتالعان سوڭ دا كوپشىلىك تاراپ كەتپەي, ونەر يەلەرىنە تىك تۇرىپ قوشەمەت كورسەتتى. جانە كورەرمەندەردىڭ ءوزى دە قازاقستاندا تاتۋ-ءتاتتى كۇن كەشىپ وتىرعان ءارتۇرلى ۇلتتاردان, اسىرەسە, جاستاردان قۇرالعانىن ايتا كەتۋ كەرەك.
ءبىر جاعى «باقىت قۇسى» باستى كەيىپكەرى جوق دراما سياقتى دا كورىنەدى. بۇل قويىلىمنىڭ كەمشىلىگى ەمەس. سپەكتاكلدىڭ كەيىپكەرلەرىن ەلىمىزدەگى بارلىق بەلدى تانىمال ونەرپازدار ساحنالادى. سوندىقتان جۇلدىزدى شوعىردى اتاماي كەتۋگە بولمايدى.
ونداعى ءباتيما – ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن ءجاسوسپىرىمدەر تەاترىنىڭ بەلدى اكتريساسى ليديا كادەنوۆا, بەكتۇر – قازاقتىڭ مەملەكەتتىك م.اۋەزوۆ اتىنداعى اكادەميالىق دراما تەاترىنىڭ اكتەرى جانداربەك سادىرباەۆ, ۆاسيلي ماكارىچ – م.لەرمونتوۆ اتىنداعى اكادەميالىق ورىس تەاترىنىڭ اكتەرى سەرگەي پوپوۆ, اننا نەيمان مەن كارل نەيمان – وسى تەاتردىڭ مايتالمان اكتەرلەرى تاتيانا بانچەنكو مەن ميحايل توكارەۆتار كورەرمەندەردى اكتەرلىك شەبەرلىكتەرىمەن ءتانتى ەتتى.
گريگوري ەمەليانوۆتى ويناعان ن.ساتس اتىنداعى بالالار مەن جاسوسپىرىمدەر تەاترىنىڭ اكتەرى ەۆگەني جۇمانوۆ پەن ونىڭ جارى پولينانى سومداعان لەرمونتوۆ اتىنداعى تەاتردىڭ اكتريساسى يرينا لەبساكتاردىڭ كەيىپكەرلەرىنەن اينالىپ ءوتۋ مۇمكىن ەمەس.
سۇرقىلتاي ساياسات سالدارىنان قازاق دالاسىنىڭ سۋىن ءىشىپ, نانىن جەۋ بۇيىرعان كورەي حالقىنىڭ وكىلدەرى يننا مەن ولەگ كيمنىڭ وتباسىلىق جۇبىن – رەسپۋبليكالىق كورەي مۋزىكالىق تەاترىنىڭ تانىمال ءارتىستەرى – ولەگ لي مەن گالينا كيم تاماشا ويناپ شىقتى. كورەيادان كەلگەن بيزنەسمەندى بەينەلەگەن سەرگەي كيم دە بولاشاعىنان ءۇمىت كۇتكەن جاس دارىندار ساناتىندا.
ەڭ باستىسى, «باقىت قۇسى» كورەرمەندەردىڭ كوڭىلىنەن شىقتى.
ايناش ەسالي, سۋرەتتەردى تۇسىرگەن بەرسىنبەك سارسەنوۆ.
